| Content | "അവിടുന്ന് തന്റെ ദാസിയുടെ താഴ്മയെ കടാക്ഷിച്ചു. ഇപ്പോള്‍ മുതല്‍ സകല തലമുറകളും എന്നെ ഭാഗ്യവതി എന്നു പ്രകീര്‍ത്തിക്കും" (ലൂക്കാ 1:48).
#{red->n->n-> വിശുദ്ധ ജോൺ പോള്‍ രണ്ടാമൻ മാർപാപ്പായോടൊപ്പം ധ്യാനിക്കാം: മെയ് 18}#
"നീ സ്ത്രീകളില്‍ അനുഗ്രഹീതയാണ്". ഈ ലോകത്തിലെ വിവിധ കോണുകളിലുള്ളവര്‍, വിവിധ ഭാഷകളില്‍ ഓരോ നിമിഷവും മുഴുക്കി കൊണ്ടിരിക്കുന്ന സ്തുതിവാക്യമാണ് ഇത്. ആഴമായ ക്രിസ്തീയ വിശ്വാസമുള്ള ഓരോരുത്തരും ദൈവമാതാവായ നമ്മുടെ വിശുദ്ധ കന്യകയിലുള്ള ആശ്രയം നിര്‍ത്തിയിട്ടില്ല; സാഹചര്യങ്ങള്‍ക്കനുസരിച്ച് പരിശുദ്ധ അമ്മയെ പലരും പല രീതിയില്‍ വിളിക്കുന്നു; ആഹ്ലാദവേളകളില്‍, "ഞങ്ങളുടെ സന്തോഷത്തിന്റെ നിദാനമേ"യെന്നും ദുഃഖത്തിന്റെ വേളകളില്‍ "ദുരിതരുടെ സ്വാന്തനമേ"യെന്നും അപകടത്തിന്റെ വേളകളില്‍, "പാപികളുടെ അഭയമേ"യെന്നും വിളിക്കുന്നു. ഓരോ ജനതയുടെയും സംസ്കാരത്തിലും ജീവിത രീതിയിലും, ചിലപ്പോഴെങ്കിലും വൈകാരിക മാനസികാവസ്ഥയിലും ആഴത്തില്‍ വേരൂന്നിയ ദൈവാന്വേഷണമാണ് ഈ ഭാവപ്രകടനങ്ങള്‍.
പരിശുദ്ധ അമ്മയോടുള്ള ഭക്തി നാം അഭ്യസിക്കേണ്ടതും നയിക്കേണ്ടതും വിശുദ്ധമാക്കേണ്ടതുമാണ്. എന്റെ മുന്‍ഗാമി 'പോള്‍' വിളിക്കാന്‍ ഇഷ്ട്ടപ്പെട്ടിരിന്ന ഭാഷയില്‍ പറഞ്ഞാല്‍ 'എളിയവരുടെയും ദരിദ്രരുടെയും ഈ മാതൃഭക്തി', ദൈവത്തിനായുള്ള ആവേശത്തെയാണ് പൊതുവായി പ്രകടിപ്പിക്കുന്നത്. അങ്ങനെ വരുമ്പോള്‍, ഇത് ഒരു അവ്യക്തമായ വികാരമോ, അല്ലെങ്കില്‍ വിലകുറഞ്ഞ മതാചാര പ്രകടനമോ അല്ലാതാകുന്നു. മറിച്ച് പരിശുദ്ധ അമ്മയോടുള്ള ഭക്തി അഗാധമായ ദൈവബോധവും, ദൈവത്തിന്റെ സ്നേഹസാന്നിധ്യവും കാരുണ്യവും തിരിച്ചറിയാനുള്ളു മാര്‍ഗ്ഗമായി മാറുന്നു.
( വിശുദ്ധ ജോൺ പോള്‍ രണ്ടാമൻ മാർപാപ്പ, ബെലെം, 08.07.80).
{{'പ്രവാചക ശബ്ദം' വെബ്സൈറ്റില്‍ വി. ജോണ്‍ പോള്‍ രണ്ടാമന്‍ മാര്‍പാപ്പയുടെ പ്രഭാഷണങ്ങളില്‍ നിന്നും പ്രബോധനങ്ങളില്‍ നിന്നും തിരഞ്ഞെടുത്ത പ്രസക്ത ഭാഗങ്ങള്‍ ഉള്‍ക്കൊള്ളിച്ചു കൊണ്ടുള്ള ധ്യാനചിന്തകള്‍ കലണ്ടര്‍ രൂപത്തില്‍ ലഭ്യമാണ്. ഓരോ ദിവസത്തെയും ധ്യാനചിന്തകള്‍ വായിക്കുവാന്‍ ഇവിടെ ക്ലിക്ക് ചെയ്യുക. -> http://pravachakasabdam.com/index.php/site/Calendar/5?type=6 }}
|
|---|
