| Content | കൊച്ചി: കൊച്ചി രൂപതയുടെ നേതൃത്വത്തിൽ നടക്കുന്ന കൃപാഭിഷേകം ബൈബിൾ കൺവെൻഷന് തുടക്കമായി. അണക്കര മരിയൻ ധ്യാനകേന്ദ്രം ഡയറക്ടർ ഫാ. ഡൊമിനിക് വാളന്മനാലാണ് കണ്‍വെന്‍ഷന്‍ നയിക്കുന്നത്. ഇടക്കൊച്ചി അക്വിനാസ് കോളജ് മൈതാനിയിൽ ആരംഭിച്ച കണ്‍വെന്‍ഷനില്‍ ആയിരങ്ങളാണ് പങ്കെടുക്കുന്നത്. കൊച്ചി ബിഷപ്പ് റവ. ഡോ. ജോസഫ് കരിയിൽ തിരിതെളിയിച്ചു.
ജപമാല, ദിവ്യബലി, വചനപ്രഘോഷണം, സൌഖ്യാരാധന, വിടുതല്‍ ശുശ്രൂഷ എന്നിവ ബൈബിള്‍ കണ്‍വെന്‍ഷന്റെ ഭാഗമായി നടക്കും. എല്ലാ ദിവസവും വൈകീട്ട് 4.30 മുതല്‍ 09:30 വരെയാണ് കണ്‍വെന്‍ഷന്‍. തത്സമയ സംപ്രേക്ഷണം Fr Dominic Valanmanal Official യൂട്യൂബ് ചാനലില്‍ ലഭ്യമാണ്. ബൈബിൾ കൺവെൻഷൻ 12 വരെ തുടരും. |
|---|
