| Content | റോം: മിഷ്ണറീസ് ഓഫ് ദി പ്രഷ്യസ് ബ്ലഡ് സന്ന്യാസ സമൂഹത്തിലെ വൈദികനായ ദൈവദാസൻ ജൊവാന്നി മെർലിനിയെ വാഴ്ത്തപ്പെട്ടവരുടെ ഗണത്തിലേക്ക് ഉയർത്തി. യേശുവിന്റെ ജ്ഞാനസ്നാന തിരുനാൾ ആഘോഷിച്ച ഇക്കഴിഞ്ഞ ജനുവരി പന്ത്രണ്ടാം തീയതി ഞായാറാഴ്ച, റോമിലെ ജോൺ ലാറ്ററൻ ബസിലിക്കയിൽവെച്ച്, നടന്ന തിരുക്കര്‍മ്മങ്ങളുടെ മധ്യേയാണ് ജൊവാന്നി മെർലിനിയെ വാഴ്ത്തപ്പെട്ടവരുടെ ഗണത്തിലേക്ക് ഉയർത്തിയത്. നാമകരണങ്ങൾക്കായുള്ള ഡിക്കാസ്റ്ററിയുടെ പ്രീഫെക്ട് കർദ്ദിനാൾ മർസെല്ലോ സെമരാരോ തിരുക്കർമ്മങ്ങൾക്ക് മുഖ്യകാർമ്മികത്വം വഹിച്ചു. വിശ്വാസം, സേവനം, ദൗത്യം എന്നിവയിൽ മെർലിനിയുടെ അചഞ്ചലമായ സമർപ്പണം കണക്കിലെടുത്താണ് വാഴ്ത്തപ്പെട്ടവരുടെ ഗണത്തിലേക്ക് ഉയര്‍ത്തിയത്.
1795 ഓഗസ്റ്റ് 28ന് ഇറ്റലിയിലെ സ്പോലെറ്റോയിൽ ജനിച്ച ജിയോവാനി മെർലിനി 1818-ൽ വിശുദ്ധ ഗാസ്പർ ഡെൽ ബുഫലോയുടെ പ്രബോധനത്താലും ആഴത്തിലുള്ള ആത്മീയതയാലും സ്ഥാപിതമായ മിഷ്ണറീസ് ഓഫ് ദി പ്രഷ്യസ് ബ്ലഡ് സന്യാസ സമൂഹത്തില്‍ പ്രവേശിച്ചു. 1837-ൽ വിശുദ്ധ ഗാസ്പറിൻ്റെ മരണശേഷം ഫാ. മെർലിനി സഭയുടെ മൂന്നാമത്തെ മോഡറേറ്റർ ജനറലായി തിരഞ്ഞെടുക്കപ്പെട്ടു, ഏകദേശം മൂന്ന് പതിറ്റാണ്ടോളം ഫാ. മെർലിനിയുടെ നേതൃത്വം, സഭയ്ക്ക് കാര്യമായ ഊര്‍ജ്ജം പകര്‍ന്നിരിന്നു.
പ്രസംഗം, മതബോധനം, രേഖാമൂലമുള്ള കൃതികൾ എന്നിവയിലൂടെ ഈശോയുടെ വിലയേറിയ രക്തത്തോടുള്ള ഭക്തി പ്രോത്സാഹിപ്പിച്ചു. 1849-ൽ ഒൻപതാം പിയൂസ് മാർപാപ്പ സഭയിൽ സാർവത്രിക സഭയില്‍ സ്ഥാപിച്ച ഈശോയുടെ വിലയേറിയ രക്തത്തിൻ്റെ തിരുനാളിന് വേണ്ടി നിര്‍ണ്ണായക ഇടപെടല്‍ നടത്തിയ വ്യക്തിയായിരിന്നു ഫാ. മെർലിനി. അക്കാലത്തെ സഭാ നേതാക്കളുമായുള്ള അദ്ദേഹത്തിൻ്റെ സഹകരണം ഐക്യവും ഐക്യവും വളർത്തുന്നതിനു നിര്‍ണ്ണായക ചാലക ശക്തിയായി. തിരുരക്ത ഭക്തി പ്രോത്സാഹിപ്പിക്കുന്ന വിവിധ സന്യാസ സമൂഹങ്ങള്‍ സ്ഥാപിക്കുന്ന കാര്യത്തിലും അദ്ദേഹം പ്രധാന പങ്കുവഹിച്ചു. 1873 ജനുവരി 12നു അദ്ദേഹം നിത്യസമ്മാനത്തിന് വിളിക്കപ്പെട്ടു.
▛ {{ കര്‍ത്താവിന്റെ സത്യവചനം അനേകരിലേക്ക് എത്തിക്കുവാന്‍ 'പ്രവാചകശബ്‌ദ'ത്തെ സഹായിക്കാമോ? ->http://www.pravachakasabdam.com/index.php/site/news/23220}} ▟
<div class="iframely-embed"><div class="iframely-responsive" style="padding-bottom: 62.5%; padding-top: 120px;"><a href="https://www.pravachakasabdam.com/index.php/site/news/23370" data-iframely-url="//iframely.net/q3GNwvA"></a></div></div><script async src="//iframely.net/embed.js"></script
|
|---|
