| Content | വത്തിക്കാന്‍ സിറ്റി/ ടിരാന: അൽബേനിയയിലെ ഓർത്തഡോക്സ് സഭയെ നയിച്ചിരുന്ന ആർച്ച് ബിഷപ്പ് അനസ്താതിയോസിന്റെ വിയോഗത്തില്‍ അനുശോചനവുമായി ഫ്രാൻസിസ് പാപ്പ. അൽബേനിയയിലെ ഓർത്തഡോക്സ് സഭാസിനഡിനും, സഭാംഗങ്ങൾക്കും, അൽബേനിയയിലെ ഓർത്തഡോക്സ് സഭയുടെ ഉത്തരവാദിത്വമുള്ള കോർസ മെത്രാപ്പോലീത്തയ്ക്കും അയച്ച സന്ദേശത്തില്‍ ആർച്ച് ബിഷപ്പിന്റെ കഷ്ടപ്പാടുകൾക്ക് കാരുണ്യവാനായ ദൈവം പ്രതിഫലമേകട്ടെയെന്ന് പാപ്പ കുറിച്ചു. ഇറ്റലിക്ക് പുറത്തേക്കുള്ള തന്റെ പ്രഥമ അപ്പസ്തോലിക യാത്രയിൽ ആർച്ച് ബിഷപ്പ് അനസ്താതിയോസിനെ കണ്ടുമുട്ടിയതും, തുടർന്നുള്ള സൗഹാര്‍ദ്ദപരമായ ബന്ധവും പാപ്പ തന്റെ സന്ദേശത്തിൽ അനുസ്മരിച്ചു.
തന്റെ ജീവിതകാലം മുഴുവൻ, സുവിശേഷത്തിന് പൂർണ്ണമായി നയിച്ച അദ്ദേഹം ഗ്രീസ്, ആഫ്രിക്ക, അൽബേനിയ, തുടങ്ങി വിവിധ സാംസ്‌കാരിക, പ്രാദേശിക ഇടങ്ങളിൽ കർത്താവിനെ ശുശ്രൂഷിക്കുകയും പ്രഘോഷിക്കുകയും ചെയ്തുവെന്ന് പാപ്പ അനുശോചന സന്ദേശത്തില്‍ കുറിച്ചു. "എല്ലാപ്രകാരത്തിലും കുറേപ്പേരെ രക്ഷിക്കേണ്ടതിന് ഞാൻ എല്ലാവർക്കും എല്ലാമായി" എന്ന് പറയാൻ തക്കവിധം അദ്ദേഹം വിശുദ്ധ പൗലോസിന്റെ ജീവിതം അനുകരിച്ചുവെന്ന് പാപ്പ അനുസ്മരിച്ചു.
1991-ൽ കമ്യൂണിസ്റ് ഭരണത്തിൽനിന്ന് സ്വതന്ത്രമായ അൽബേനിയൻ ഓർത്തഡോക്സ് സഭയെ നയിച്ചത് ആര്‍ച്ച് ബിഷപ്പ് അനസ്താതിയോസായിരിന്നു. അൽബേനിയയിലെ ഓർത്തഡോക്സ് സഭാധ്യക്ഷനായും തിരാന, ഡ്യൂറസ്, മുഴുവൻ അൽബേനിയ എന്നിവയുടെ ആർച്ച്ബിഷപ്പുമായി അദ്ദേഹം സേവനം ചെയ്തു. കഴിഞ്ഞ ആഴ്ച ഏഥന്‍സില്‍വെച്ചായിരിന്നു അന്ത്യം. അൽബേനിയയിലെ ടിറാനയിലുള്ള ക്രിസ്തുവിൻ്റെ പുനരുത്ഥാന കത്തീഡ്രലില്‍ ഇന്നലെ വ്യാഴാഴ്ച നടന്ന മൃതസംസ്കാര ശുശ്രൂഷയില്‍ പതിനായിരങ്ങള്‍ പങ്കെടുത്തു. 2023 ലെ സെൻസസ് അനുസരിച്ച്, അൽബേനിയയിലെ ഓർത്തഡോക്സ് ക്രിസ്ത്യാനികൾ രാജ്യത്തെ ആകെ ജനസംഖ്യയുടെ 7% ആണ്.
♦️ {{ കര്‍ത്താവിന്റെ സത്യവചനം അനേകരിലേക്ക് എത്തിക്കുവാന്‍ 'പ്രവാചകശബ്‌ദ'ത്തെ സഹായിക്കാമോ? ->http://www.pravachakasabdam.com/index.php/site/news/23220}} ♦️
<div class="iframely-embed"><div class="iframely-responsive" style="padding-bottom: 62.5%; padding-top: 120px;"><a href="https://www.pravachakasabdam.com/index.php/site/news/23370" data-iframely-url="//iframely.net/q3GNwvA"></a></div></div><script async src="//iframely.net/embed.js"></script |
|---|
