| Content | ചങ്ങനാശേരി: വാർധക്യത്തിൽ എത്തിയവർക്ക് ആശ്വാസവും പ്രത്യാശയും പകര്ന്നുള്ള ചങ്ങനാശേരി അതിരൂപതയുടെ സീയോൻ ധ്യാന കേന്ദ്രം ഒരുക്കുന്ന 'ഗ്രേസ് ഫുൾ ധ്യാനം' മാര്ച്ച് 27 മുതല് 30 വരെ നടക്കും. അറുപത് മുതൽ നൂറ് വയസുവരെ പ്രായമുള്ളവരെ മാത്രം കേന്ദ്രീകരിച്ചുള്ള താമസിച്ചുക്കൊണ്ടുള്ള മൂന്ന് ദിവസത്തെ ധ്യാനത്തിന് ധ്യാനകേന്ദ്രം ഡയറക്ടർ ഫാ. തോമസ് പ്ലാപ്പറമ്പിൽ, ഫാ. ഷാജി തുമ്പേച്ചിറയിൽ എന്നിവര് നേതൃത്വം നല്കും. പ്രായമുള്ളവർക്കായി നിലവില് നടന്ന ഗ്രേസ് ഫുൾ ധ്യാനങ്ങള് അനേകർക്ക് അനുഗ്രഹമായി മാറിയിരിന്നു.
ജീവിത സായാഹ്നത്തിലെ ഒറ്റപ്പെടലും അവഗണനയും മറന്ന് സന്തോഷം കണ്ടെത്താൻ സഹായിക്കുന്ന ധ്യാനവിചിന്തനങ്ങളും പ്രാർത്ഥനയും വാർധക്യത്തിലെ പ്രശ്നങ്ങളും പ്രതിവിധികളും സംബന്ധിച്ച വിദഗ്ധരുടെ പ്രഭാഷണങ്ങളും സൗഖ്യദായക ശുശ്രൂഷകളും കൗൺസലിംഗും അനേകര്ക്ക് പ്രത്യാശ പകരുന്നുണ്ട്. വിദഗ്ധ ഡോക്ടർമാരും വൈദികരും നയിക്കുന്ന ധ്യാനത്തിൽ പങ്കെടുക്കാൻ വാർധക്യത്തിലെത്തിയ നിരവധിപ്പേരാണ് സീയോനിലേക്ക് കടന്നുവരുന്നത്.
കൂടുതൽ വിവരങ്ങൾക്കും പേര് രജിസ്റ്റർ ചെയ്യാനും 8086399023, 9495107045 എന്നീ നമ്പരുകളിൽ ബന്ധപ്പെടുക. |
|---|
