| Content | വാഷിംഗ്ടണ് ഡിസി: ക്രൈസ്തവര്ക്ക് നേരെയുള്ള പീഡനം ഇന്ന് ലോകത്തിലെ ഏറ്റവും ഗുരുതരമായ മനുഷ്യാവകാശ പ്രതിസന്ധികളിൽ ഒന്നായി മാറിയിരിക്കുകയാണെന്ന് അമേരിക്കന് ബിഷപ്പും പ്രമുഖ വചനപ്രഘോഷകനുമായ ബിഷപ്പ് റോബര്ട്ട് ബാരണ്. ഫോക്സ് ന്യൂസ് പ്രസിദ്ധീകരിച്ച അഭിപ്രായ ലേഖനത്തിലാണ് അദ്ദേഹം ഇക്കാര്യം ചൂണ്ടിക്കാണിച്ചിരിക്കുന്നത്. പല പ്രദേശങ്ങളിലെയും ക്രൈസ്തവര് വിശ്വാസം നിമിത്തം അക്രമവും വിവേചനവും മരണവും പോലും നേരിടുന്ന സാഹചര്യമാണുള്ളതെന്നു അദ്ദേഹം കുറിച്ചു.
മതസ്വാതന്ത്ര്യം സംരക്ഷിക്കുന്നതിനും ലോകമെമ്പാടുമുള്ള പീഡനത്തിന് ഇരയാകുന്ന ക്രൈസ്തവര്ക്കൊപ്പം നിലനിൽക്കുന്നതിനും ശക്തമായ ശ്രമം നടത്തണമെന്നും അദ്ദേഹം അഭ്യർത്ഥിച്ചു. നിലവിലെ സാഹചര്യത്തെ ഒരു ആഗോള പ്രശ്നമായാണ് ബിഷപ്പ് വിശേഷിപ്പിച്ചത്. പീഡനത്തിന്റെ വ്യാപ്തി പലപ്പോഴും അവഗണിക്കപ്പെടുന്നുണ്ടെന്ന് അദ്ദേഹം വ്യക്തമാക്കി. ലോകത്തിന്റെ വിവിധ ഭാഗങ്ങളിൽ എണ്ണമറ്റ ക്രിസ്ത്യാനികളെ അക്രമികള് ലക്ഷ്യമിടുന്നുണ്ടെന്നും, ഇന്നത്തെ ഏറ്റവും വലിയ മതപീഡനങ്ങളിലൊന്നായി ഇത് മാറുകയാണെന്നും ബിഷപ്പ് ബാരണ് ചൂണ്ടിക്കാട്ടി.
മതസ്വാതന്ത്ര്യം സംരക്ഷിക്കപ്പെടുന്ന രാജ്യങ്ങളിൽ താമസിക്കുന്നവർക്ക് ഇടയില് അവബോധം വളർത്താനും പീഡിപ്പിക്കപ്പെടുന്ന സമൂഹങ്ങളുടെ അവകാശങ്ങൾ സംരക്ഷിക്കാനും ധാർമ്മിക കടമയുണ്ട്. ദുരിതമനുഭവിക്കുന്ന പല ക്രിസ്ത്യാനികളും പ്രതീക്ഷയുടെയും പിന്തുണയുടെയും ഉറവിടമായി അത്തരം രാജ്യങ്ങളെ ഉറ്റുനോക്കുകയാണ്. ക്രൈസ്തവര്ക്ക് നേരെയുള്ള അതിക്രമങ്ങളില് വ്യക്തികളും സ്ഥാപനങ്ങളും സർക്കാരുകളും നിശബ്ദത പാലിക്കരുതെന്നും ബിഷപ്പ് ബാരൺ അഭ്യർത്ഥിച്ചു.
♦️ {{ 'പ്രവാചകശബ്ദ'ത്തെ സഹായിക്കാമോ? ->http://www.pravachakasabdam.com/index.php/site/news/23220}} ♦️
<iframe src="https://www.pravachakasabdam.com/index.php/site/news/24772" width="100%"height="600" style="border:none;"> </iframe>
|
|---|
