| Content | നവ സുവിശേഷവത്കരണ രംഗത്ത് മാർഗദീപമായി നിലകൊള്ളുന്ന റവ.ഫാ സോജി ഓലിക്കൽ നയിക്കുന്ന രണ്ടാം ശനിയാഴ്ച യൂണിവേഴ്സൽ കാത്തലിക് ബൈബിൾ കൺവെൻഷൻ 14 ന് ബർമിംങ്ഹാം ബഥേൽ സെന്ററിൽ നടക്കും." ജീസസ് or ബറാബസ് " എന്ന പേരിൽ കുട്ടികൾ ഒരുക്കുന്ന മ്യൂസിക്കൽ ബൈബിൾ ഡ്രാമ ഇത്തവണ കൺവെൻഷനിൽ അരങ്ങേറും. സുവിശേഷവത്കരണത്തിന്റെ നൂതനാശയങ്ങളുമായി സാൽഫോഡ് രൂപത ബിഷപ്പ്പും വചനപ്രഘോഷകനുമായ ജോൺ അർനോൾഡ് ,വചനാഭിഷേകത്തിന്റെ നേർസാക്ഷ്യവുമായി, പരിശുദ്ധാത്മാഭിഷേക ധ്യാനങ്ങളിലൂടെ അനേകരെ വിശ്വാസജീവിതത്തിലേക്കു നയിച്ചുകൊണ്ടിരിക്കുന്ന ,പ്രമുഖ സുവിശേഷപ്രവർത്തകനും ,വിടുതൽ ശുശ്രൂഷകനുമായ ഡോ.ജോൺ ദാസ് എന്നിവരും ഇത്തവണത്തെ കൺവെൻഷന്റെ ഭാഗമാകും.
കഴിഞ്ഞ അനേക വർഷങ്ങളായി അത്ഭുതങ്ങളും അടയാളങ്ങളും വഴി ആയിരങ്ങൾക്ക് ജീവിതനവീകരണവും മാനസാന്തരവും പകർന്നുനൽകിക്കൊണ്ട് സുവിശേഷവത്കരണം സാദ്ധ്യമാക്കുന്ന രണ്ടാംശനിയാഴ്ച കൺവെൻഷന്റെ പ്രധാന സവിശേഷത കുട്ടികൾക്കും യുവജനങ്ങൾക്കും ലഭിക്കുന്ന ക്രിസ്തീയ ജീവിതമൂല്യങ്ങളാണ്. അനേകം കുട്ടികളും കൌമാരപ്രായക്കാരുമാണ് ഓരോ രണ്ടാംശനിയാഴ്ച കൺവെൻഷനിലും മാതാപിതാക്കളോടോ മറ്റ് മുതിർന്നവർക്കൊപ്പമോ യു കെ യുടെ വിവിധ പ്രദേശങ്ങളിൽനിന്നായി എത്തിക്കൊണ്ടിരിക്കുന്നത്.
കുട്ടികൾക്ക് പ്രായഭേദമനുസരിച്ച് പ്രത്യേക ക്ലാസ്സുകൾ നടത്തപ്പെടുന്നു. പരിശുദ്ധാത്മ പ്രേരണയാൽ കുട്ടികളുടെ ആത്മീയവും മാനസികവുമായ വളർച്ചയെ ലക്ഷ്യമാക്കി ഓരോ മാസവും പ്രസിദ്ധീകരിക്കുന്ന " കിംങ്ഡം റവലേറ്റർ " മാഗസിൻ ദൈവകൃപയാൽ തീർത്തും സൌജന്യമായി കൺവെൻഷനിൽ വിതരണം ചെയ്തുവരുന്നു. കൺവെൻഷനായി കടന്നുവരുന്ന ഏതൊരാൾക്കും കുമ്പസാരിക്കുന്നതിനും സ്പിരിച്വൽ ഷെയറിംങ്ങിനുമുള്ള സൌകര്യം ഉണ്ടായിരിക്കും.
വിവിധ പ്രായക്കാരായ ആളുകൾക്ക് ഇംഗ്ലീഷിലും മലയാളത്തിലുമുള്ള ബൈബിൾ, പ്രാർത്ഥനാ പുസ്തകങ്ങൾ , മറ്റ് പ്രസിദ്ധീകരണങ്ങൾ എന്നിവ കൺവെൻഷൻ സെന്ററിൽ ലഭ്യമാണ്. പതിവുപോലെ രാവിലെ 8 ന് മരിയൻ റാലിയോടെ തുടങ്ങുന്ന കൺവെൻഷൻ വൈകിട്ട് 4 ന് ദിവ്യകാരുണ്യ പ്രദക്ഷിണത്തോടെ സമാപിക്കും. കൺവെൻഷന്റെ ആത്മീയവിജയത്തിനായി പ്രാർത്ഥനാസഹായം അപേക്ഷിക്കുന്ന ഫാ.സോജി ഓലിക്കലും സെഹിയോൻ കുടുംബവും യേശുനാമത്തിൽ മുഴുവനാളുകളെയും 14 ന് രണ്ടാംശനിയാഴ്ച ബർമിംങ്ഹാം ബഥേൽ കൺവെൻഷൻ സെന്ററിലേക്ക് ക്ഷണിക്കുന്നു.
#{blue->n->n->അഡ്രസ്സ്: }#
BETHEL CONVENTION CENTRE
KELVIN WAY
WEST BROMWICH
BIRMINGHAM.
B70 7JW.
#{red->n->n->കൂടുതൽ വിവരങ്ങൾക്ക്: }#
ഷാജി. 07878149670
അനീഷ്. 07760254700
#{green->n->n->വിവിധ സ്ഥലങ്ങളിൽനിന്നും കൺവെൻഷൻ സെന്ററിലേക്കുള്ള കോച്ചുകളെയും മറ്റ് വാഹനങ്ങളെയും സംബന്ധിച്ച പൊതുവിവരങ്ങൾക്ക്: }#
ടോമി ചെമ്പോട്ടിക്കൽ. 07737935424.
|
|---|
