| Content | കൊച്ചി: സംസ്ഥാന ബാലാവകാശ കമ്മീഷൻ അംഗമായി സിസ്റ്റർ ബിജി ജോസ് ചുമതലയേറ്റു. ഇടുക്കി സിഎംസി കാർമൽഗിരി പ്രൊവിൻസ് അംഗമായ സിസ്റ്റർ ബിജി ജോസ് നാലുവർഷമായി ഇടുക്കി ജില്ല ചൈൽഡ് വെൽഫെയർ കമ്മിറ്റി അംഗമാണ്. മൂന്നുവർഷത്തേക്കാണ് നിയമനം. സിസ്റ്റര്‍ ബിജിയെ കൂടാതെ കമ്മിഷനിൽ പുതുതായി നിയമിതരായ അഞ്ച് അംഗങ്ങൾ ചുമതലയേട്ടിട്ടുണ്ട്. ടി.ബി.സുരേഷ്, എൻ.ശ്രീലാ മേനോൻ, പി.പി.ശ്യാമളാദേവി, എം.പി.ആന്റണി, സി.ജെ.ആന്റണി എന്നിവരാണ് അംഗങ്ങള്‍.
2010-ലെ മികച്ച സ്പെഷൽ സ്കൂൾ അധ്യാപികയ്ക്കുള്ള ദേശീയ അവാർഡ് നേടിയ സിസ്റ്റര്‍ ബിജി എസിആർസിഐ നാഷണൽ എക്സിക്യൂട്ടീവ് കമ്മിറ്റി അംഗവും കേരളത്തിൽനിന്നുള്ള പ്രതിനിധിയും സംസ്ഥാന സ്പെഷൽ ഒളിന്പിക്സ് കമ്മിറ്റിയിൽ അസിസ്റ്റന്‍റ് സ്പോർട്സ് ഡയറക്ടറുമാണ്. ബോംബെ യൂണിവഴ്സിറ്റിയിൽനിന്നും സ്പെഷൽ ബിഎഡും ബിരുദാനന്തര ബിരുദവും കരസ്ഥമാക്കിയിട്ടുണ്ട്. വാഴക്കുളം കളന്പാട്ടേൽ കെ.വി. ജോസഫ് - ലില്ലി ദമ്പതികളുടെ മകളാണ്. |
|---|
