| Content | ന്യൂഡൽഹി: ഗുജറാത്തിൽ ഒന്‍പതാം ക്ലാസ് പാഠപുസ്തകത്തിൽ യേശുവിനെ പിശാച് എന്നു വിശേഷിപ്പിച്ചത് അപമാനകരവും ദുഃഖകരവുമാണെന്ന്‍ സി‌സി‌ബി‌ഐ. അക്ഷന്തവ്യമായ സൂക്ഷ്മതക്കുറവാണെന്ന് പുസ്തകത്തിലേത് സിബിസിഐ ഡെപ്യൂട്ടി സെക്രട്ടറി ജനറൽ മോൺ. ജോസഫ് സി. ചിന്നയ്യൻ വ്യക്തമാക്കി.
പാഠപുസ്തകങ്ങൾ തയാറാക്കേണ്ടത് ഏറെ ഉത്തരവാദിത്വത്തോടെയാണ്. തലമുറയ്ക്കുതന്നെ വെളിച്ചം പകരേണ്ട പുസ്തകങ്ങളിൽ സൂക്ഷ്മതക്കുറവുകൊണ്ട് ഇത്തരം ഗുരുതരമായ പിശകുകൾ വരുന്നത് വലിയ തെറ്റു തന്നെയാണ്. അച്ചടിത്തെറ്റാണെന്നു സർക്കാർ തന്നെ വിശദീകരണം നൽകിയതിന്‍റെ അടിസ്ഥാനത്തിൽ ക്രൈസ്തവ പാരമ്പര്യം അനുസരിച്ചു ക്ഷമിക്കുകയാണെന്നും സിബിസിഐയ്ക്കു വേണ്ടി മോൺ ചിന്നയ്യൻ പറഞ്ഞു. |
|---|
