| Content | പ്രസ്റ്റണ്‍: ഗ്രേറ്റ് ബ്രിട്ടന്‍ സീറോ മലബാര്‍ രൂപത വൈദിക വിദ്യാര്‍ഥികളുടെ പരിശീലനത്തിനായി പ്രസ്റ്റണില്‍ അമലോത്ഭവ സെമിനാരി ആരംഭിച്ചു. ലങ്കാസ്റ്റാര്‍ രൂപതാധ്യക്ഷന്‍ ഡോ. മൈക്കിള്‍ ജി. കാമ്പല്‍ ഒഎസ്എ ആശീര്‍വാദ കര്‍മം നിര്‍വഹിച്ചു. ദൈവത്തിന്റെ വിസ്മയകരമായ പ്രവൃത്തിയാണ് ഗ്രേറ്റ് ബ്രിട്ടന്‍ സീറോ മലബാര്‍ രൂപത സ്ഥാപിതമായി ഒരു വര്‍ഷത്തിനുള്ളില്‍ പ്രസ്റ്റണിലെ സെന്റ് അല്‍ഫോന്‍സാ ഓഫ് ഇമ്മാകുലേറ്റ് കണ്‍സപ്ഷന്‍ കത്തീഡ്രലിനോടു ചേര്‍ന്നു വൈദിക പരിശീലന കേന്ദ്രം ആരംഭിക്കാന്‍ സാധിച്ചതും ഗ്രേറ്റ് ബ്രിട്ടനില്‍ വളര്‍ന്ന മൂന്നു വൈദിക വിദ്യാര്‍ഥികളെ ലഭിച്ചതെന്നും ബിഷപ് ഡോ. മൈക്കിള്‍ ഉദ്ഘാടന സന്ദേശത്തില്‍ പറഞ്ഞു.
രൂപതാധ്യക്ഷന്‍ മാര്‍ ജോസഫ് സ്രാമ്പിക്കല്‍, പ്രോട്ടോ സിഞ്ചെല്ലൂസ് റവ. ഡോ. തോമസ് പാറയടിയില്‍ എംഎസ്ടി, സിഞ്ചെല്ലൂസ് റവ. ഡോ. മാത്യു ചൂരപ്പൊയ്കയില്‍, റവ. കാനന്‍ റോബര്‍ട്ട് ഹോണ്‍, ഫാ. റോബര്‍ട്ട് ബില്ലിംഗ്, ഫാ. ജോണ്‍ മില്ലര്‍, ഫാ. ഡാനിയേല്‍ എറ്റിനേ, റവ. ഡോ. സോണി കടംതോട്, റവ. ഡോ. മാത്യു പിണക്കാട്ട്, ഫാ. മാത്യു മുളയോലില്‍, ഫാ. അജീഷ് കുമ്പുക്കല്‍, ഫാ. ഫാന്‍സുവ പത്തില്‍, സിസ്റ്റര്‍ ഷാരണ്‍ സിഎംസി, സിസ്റ്റര്‍ ഡോ. മേരി ആന്‍ സിഎംസി, സിസ്റ്റര്‍ റോജിറ്റ് സിഎംസി, വൈദിക വിദ്യാര്‍ഥികളായ റ്റിജു ഒഴുങ്ങാലില്‍, റ്റോണി കോച്ചേരി, ജെറിന്‍ കക്കുഴി, അല്‍മായ പ്രതിനിധികള്‍ എന്നിവടക്കം നിരവധി വിശ്വാസികള്‍ ആശീര്‍വാദ കര്‍മത്തില്‍ പങ്കുചേര്‍ന്നു.
|
|---|
