ഹനോയ്‌: ക്രൈസ്‌തവര്‍ നിരന്തരം പീഢിപ്പിക്കപ്പെടുന്ന മ്യാമറില്‍നിന്നും ലഭിച്ചുകൊണ്ടിരിക്കുന്ന വാര്‍ത്തകള്‍ ലോകത്തെമ്പാടുമുള്ള വിശ്വാസികളെ ആശങ്കയിലാഴ്‌ത്തുന്നു. 2011 മുതല്‍ കാച്ചിന്‍ സംസ്ഥാനത്തു മാത്രം 60 ലേറെ ദൈവാലയങ്ങള്‍ തകര്‍ക്കപ്പട്ടു.മാധ്യമ വിലക്കുകള്‍ മൂലം റിപ്പോര്‍ട്ട്‌ ചെയ്യാതെ പോകുന്ന നിരവധി സംഭവങ്ങള്‍ പുറത്തു കൊണ്ടു വന്ന ജോണ്‍ അലന്‍ വെളിപ്പെടുത്തിയതാണിത്‌.

മതപീഢനങ്ങള്‍ ഭയന്ന്‌ ക്രൈസ്‌തവര്‍ ഉള്‍പ്പെടെ ആയിരക്കണക്കിന്‌ സാധാരണക്കാര്‍ ചൈനയിലേക്കു രക്ഷപ്പെടുന്നു. കൂടുതല്‍ അഭയാര്‍ത്ഥികള്‍ വരാതിരിക്കാന്‍ ചൈന അതൃത്തിയില്‍ പട്ടാളത്തെ വിന്യസിപ്പിച്ചിരിക്കയാണ്‌. ഇതുമൂലം 2,000 പേര്‍ കുടൂങ്ങിക്കിടക്കുന്നതായി റിപ്പോര്‍ട്ടുണ്ട്‌. 10,000ത്തിലേറെ പേര്‍ അതൃത്തി പട്ടണമായ മാന്‍ഹായില്‍ അഭയം തേടി.

മ്യാമറിലെ 5.69 കോടി ജനങ്ങിളില്‍ 88 ശതമാനവും ബുദ്ധമത വിശ്വാസികളാണ്‌. ആറ്‌ ശതമാനം ക്രിസ്‌ത്യാനികളും നാല്‌ ശതമാനം മുസ്ലിമുകളുമുണ്ട്‌.

തീവ്ര ബുദ്ധമത വിശ്വാസികളുടെ അതിക്രമങ്ങളും പീഢനങ്ങളും മ്യാമറിലെ ക്രൈസ്‌തവരേയും രോഹിങ്‌ഗ്യാ മുസ്ലിമുകളേയും ഇടതടവില്ലാതെ വേട്ടയാടിക്കൊണ്ടിരിക്കയാണ്‌.

ഷാന്‍ സംസ്ഥാനത്തിലെ കത്തോലിക്ക ദൈവാലയവും അതിനോടു ചേര്‍ന്നുള്ള വിദ്യാലയവും മ്യാമര്‍ പട്ടാളം ബോംബിട്ട്‌ നശിപ്പിച്ചത്‌ റിപ്പോര്‍ട്ട്‌ ചെയ്യാന്‍ മാധ്യമ പ്രവര്‍ത്തകര്‍ക്ക്‌ സഹായങ്ങള്‍ ചെയ്‌തു കൊടുത്തു എന്നാരോപിച്ച്‌ രണ്ടു കത്തോലിക്ക പുരോഹിതരെ അധികൃതര്‍ പിടിച്ചു കൊണ്ടു പോയിരുന്നു .എന്നാല്‍, ഇവരെപ്പറ്റി യാതൊരു വിവരവും ഇതുവരെ ലഭിച്ചില്ലെന്നത്‌ സഭാ വൃത്തങ്ങളില്‍ ആശങ്ക ജനിപ്പിച്ചു.കഴിഞ്ഞ ക്രിസ്‌തുമസ്‌ തലേന്നായിരുന്നു ഇരുവരുടേയും തിരോധാനം.

യഥാര്‍ത്ഥ്യത്തില്‍ മാധ്യമപ്രവര്‍ത്തകര്‍ക്ക്‌ സഹായവാഗ്‌ദാനം നല്‍കിയത്‌ രണ്ട്‌ ബാപ്‌റ്റിസ്റ്റ്‌ നേതാക്കളായിരുന്നെന്നു പറയുന്നു. കാരണം, പ്രാദേശിക കത്തോലിക്കാ പുരോഹിതരോട്‌ പട്ടാളമേധാവികള്‍ ഇക്കാര്യത്തെപ്പറ്റി മുന്നറിയിപ്പു നല്‍കിയിരുന്നു.

മ്യാമറില്‍ മതന്യൂനപക്ഷങ്ങള്‍ക്കെതിരെയുള്ള പീഢനങ്ങള്‍ വര്‍ദ്ധിക്കുകയാണ്‌, പീഢനകഥകള്‍ ലോകം അറിയാതിരിക്കാന്‍ കനത്ത നിയന്ത്രണത്തിലാണ്‌ മാധ്യമങ്ങളും മാധ്യമ പ്രവര്‍ത്തകരും.

പുതിയ ദൈവാലയ നിര്‍മ്മാണത്തിനു അനുമതിയില്ലെന്നതിനു പുറമെ പള്ളികള്‍ സര്‍ക്കാര്‍ തിയ്യിട്ടും ബോംബിട്ടും നശിപ്പിക്കുന്നത്‌ മ്യാമറില്‍ സാധാരണ സംഭവമായിട്ടുണ്ട്‌.