News - 2025
മെലാനിയ ട്രംബ്‌ ചരിത്രമെഴുതി, സ്വര്‍ഗ്ഗസ്ഥനായ പിതാവിനോടൊത്ത്‌
സ്വന്തം ലേഖകന്‍ 20-02-2017 - Monday
ഫ്‌ളോറിഡ: അമേരിക്കയില്‍ മാത്രമല്ല ലോകത്തില്‍ തന്നെ ഒരു പ്രഥമ വനിത രാഷ്ട്രത്തിന്റെ ഭരണതലവനെ പരിചയപ്പെടുത്താനും അഭിനന്ദിക്കാനും ചേര്‍ന്ന മഹാസമ്മേളം ആദ്യമായി സ്വര്‍ഗ്ഗസ്ഥനായ പിതാവെ എന്ന പ്രാര്‍ത്ഥനയോടെ ആരംഭിച്ച്‌ ചരിത്രമെഴുതി. മെല്‍ബണ്‍ പട്ടണത്തില്‍ നടന്ന റാലിയില്‍ അമേരിക്കന്‍ പ്രസിഡന്റെ്‌ ഡൊണാള്‍ഡ്‌ ട്രംബിനെ പരിചയപ്പെടുത്തുന്നതിനു തൊട്ടു മുമ്പായിരുന്നു ഭാര്യ മെലാനിയ ട്രംബ്‌ നമുക്കു പ്രാര്‍ത്ഥിക്കാമെന്ന മുഖവുരയോടെ ലോകത്തെമ്പാടുമുള്ള ക്രൈസ്‌തവര്‍ നെഞ്ചിലേറ്റുന്ന പ്രാര്‍ത്ഥന ചൊല്ലിയത്‌.
അര മിനിറ്റുമാത്രം നീണ്ട പ്രാര്‍ത്ഥന ആമേന്‍ ചൊല്ലി അവസാനിച്ചപ്പോള്‍ ആയിരങ്ങള്‍ കയ്യടിച്ച്‌ സ്വാഗതമരുളി. എതിരാളികള്‍ എന്തു പറഞ്ഞാലും തന്റെ പ്രവര്‍ത്തനങ്ങള്‍ ലോകത്തെവിടേയുമുള്ള സ്‌ത്രികള്‍ക്കും കുട്ടികള്‍ക്കും പ്രയോജനം ചെയ്യുന്നതാകുമെന്ന്‌ അവര്‍ പറഞ്ഞു. നിങ്ങളുടെ താത്‌പര്യങ്ങളാണ്‌ എനിക്കു പ്രധാനം. നിങ്ങളുടെ വളര്‍ച്ചക്കു വേണ്ട എല്ലാ ക്രിയാത്മകമായ പ്രവര്‍ത്തനങ്ങള്‍ക്കും എന്റെ ഹൃദയത്തില്‍ തട്ടിയ പിന്‍തുണയുണ്ടാകും.
വളരെ സുരക്ഷിതവും സമൃദ്ധിയുമുള്ള ഒരമേരിക്കയാണ്‌ എന്റെ ഭര്‍ത്താവ്‌ നിങ്ങള്‍ക്കായി ഒരുക്കുന്നത്‌ എന്ന മുഖവുരയോടെയായിരുന്നു മെലാനിയ പ്രസിഡന്റ്‌ ട്രംബിനെ പരിചയപ്പെടുത്താന്‍ തുടങ്ങിയത്‌.
