India - 2026
വിശാഖപട്ടണത്തിന്റെ പ്രഥമ ആർച്ച് ബിഷപ്പ് ദിവംഗതനായി
സ്വന്തം ലേഖകന് 27-02-2018 - Tuesday
വിശാഖപട്ടണം: വിശാഖപട്ടണത്തിന്റെ പ്രഥമ ആർച്ച് ബിഷപ്പ് കഗിതപു മരിയാദാസ് എം.എസ്.എഫ്.എസ് നിര്യാതനായി. 81 വയസ്സായിരിന്നു. രണ്ടുമാസമായി സെന്റ് ജോസഫ് ആശുപത്രിയിൽ ചികിത്സയിലായിരുന്ന അദ്ദേഹം ഇന്നലെ ഉച്ചകഴിഞ്ഞു വിടവാങ്ങുകയായിരിന്നു. 1936 സെപ്തംബർ 7 ന് വിശാഖപട്ടണം രൂപതയിലെ ഗ്നാനപുരത്തു ജനിച്ച അദ്ദേഹം എം.എസ്.എഫ്.എസ് സഭയില് അംഗമായി. 1961 ജൂൺ 10 ന് തിരുപട്ടം സ്വീകരിച്ചു. 1974 ഡിസംബർ 19 ന് പോൾ ആറാമൻ പാപ്പാ അദ്ദേഹത്തെ ഗുണ്ടൂരിലെ നാലാമത്തെ ബിഷപ്പായി നിയമിച്ചു. 1982 സെപ്റ്റംബർ 10-ന് വിശാഖപട്ടണത്തിന്റെ ബിഷപ്പായി നിയമിതനായി.
2001 ഒക്ടോബർ 16-ന് അദ്ദേഹം വിശാഖപട്ടണം അതിരൂപതയുടെ ആർച്ചു ബിഷപ്പായി ഉയർത്തപ്പെട്ടു. രൂപതാധ്യക്ഷനായി ഉയർത്തപ്പെടുന്നതിനു മുൻപ് അദ്ദേഹം ബാംഗ്ലൂരിലെ സെന്റ് പീറ്റേഴ്സ് സെമിനാരിയിൽ പ്രൊഫസറായി സേവനം ചെയ്തിരുന്നു. അതിരൂപതയിലെ ശുശ്രൂഷയിൽ നിന്ന് വിരമിക്കല് അഭ്യര്ത്ഥിച്ചുകൊണ്ടുള്ള കത്ത് 2012-ലാണ് ബനഡിക്ട് പതിനാറാമൻ പാപ്പാക്കു കൈമാറിയത്. തുടര്ന്നു ജൂബിലി ഹോമില് വിശ്രമ ജീവിതം നയിക്കുകയായിരിന്നു. 40 വർഷത്തോളമാണ് അദ്ദേഹം മെത്രാനായി സേവനം ചെയ്തത്. മൃതസംസ്കാരം നാളെ (ഫെബ്രുവരി 28) വിശാഖപട്ടണത്തെ ഗ്നാനപുരം സെന്റ് പീറ്റേഴ്സ് കത്തീഡ്രലിൽ നടക്കും.
'പ്രവാചകശബ്ദ'ത്തിന്റെ ശുശ്രൂഷകളെ സഹായിക്കാമോ?
നിങ്ങൾ നൽകുന്ന സഹായം ദൈവരാജ്യ മഹത്വത്തിനായുള്ള 'പ്രവാചകശബ്ദ'ത്തിന്റെ ശുശ്രൂഷകൾ തുടരാൻ ഞങ്ങളെ സഹായിക്കുന്നു.
സംഭാവന നൽകുക / Donate

















