News
കാര്‍ളി പൗളിയുടെ 'ആവേ മരിയ' കരുണയുടെ വര്‍ഷത്തിന്റെ ഔദ്യോഗിക ഗാനം
സ്വന്തം ലേഖകന്‍ 28-05-2016 - Saturday
വത്തിക്കാന്‍: ബ്രിട്ടീഷ് ഗായിക കാര്‍ളി പൗളിയുടെ മധുര ശബ്ദത്തില്‍ പാടിയ 'ആവേ മരിയ' എന്ന ഗാനം കരുണയുടെ ജൂബിലി വര്‍ഷത്തിന്റെ ഔദ്യോഗിക ഗാനമായി തെരഞ്ഞെടുക്കപ്പെട്ടു. ഫ്രാന്‍സിസ് പാപ്പ പ്രഖ്യാപിച്ച കരുണയുടെ വര്‍ഷത്തിന്റെ ഔദ്യോഗിക ഗാനം ആലപിക്കുവാന്‍ കഴിഞ്ഞതിന്റെ സന്തോഷത്തിലാണ് ഗായികയായ കാര്‍ളി പൗളി.
യുണീസെഫ് സംഘടിപ്പിച്ച ഒരു ഷോയില്‍ പാടുവാന്‍ എത്തിയ കാര്‍ളിയുടെ 'ആവ്വേ മരിയ' എന്ന ഗാനം മോണ്‍സിഞ്ചോര്‍ ആന്‍ഡ്രിയാറ്റ കേള്‍ക്കുവാന്‍ ഇടയായിരുന്നു. ഫ്രാന്‍സിസ് പാപ്പ പ്രഖ്യാപിച്ച കരുണയുടെ ജൂബിലി വര്‍ഷത്തിന്റെ പല പ്രധാന കര്‍മ്മങ്ങളും ഉള്‍ക്കൊള്ളുന്ന രീതിയിലാണ് ഗാനത്തിന്റെ വരികളെന്ന് ആന്‍ഡ്രിയാറ്റ അന്നു തന്നെ കാര്‍ളിയോടു പറഞ്ഞിരുന്നു.
"ആവേ മരിയ എന്ന ഗാനം ജൂബിലി വര്‍ഷത്തിന്റെ ഔദ്യോഗിക ഗാനമായി തെരഞ്ഞെടുക്കപ്പെട്ടതില്‍ സന്തോഷമുണ്ട്. ഇത് വലിയ ദൈവകൃപയാണ്. കരുണയുടെ സന്ദേശം ഉള്‍ക്കൊള്ളുന്ന ഒരു ഗാനമാണ് ആവേ മരിയ. ഗാനത്തിലൂടെ കരുണയുടെ ജൂബിലി വര്‍ഷത്തിന്റെ ഭാഗമാകുവാന്‍ സാധിച്ചതില്‍ ഞാന്‍ അതിയായി സന്തോഷിക്കുന്നു". കാര്‍ളി പൗളി തന്റെ സന്തോഷം പങ്കുവെച്ചു.
ആവേ മരിയ ഗാനം യൂടൂബിലൂടെയും ഐഫോണിലൂടെയും പ്രചരിക്കുന്നതിന്റെ ഭാഗമായി കിട്ടുന്ന വരുമാനത്തിന്റെ പകുതിയും വത്തിക്കാന്‍ ജൂബിലി വര്‍ഷത്തില്‍ നടത്തുന്ന ജീവകാരുണ്യ പ്രവര്‍ത്തനങ്ങള്‍ക്കാണ് ഉപയോഗിക്കുന്നത്. ഗാനരചനയ്ക്കുള്ള ഓസ്‌കാര്‍ പുരസ്‌കാരം നേടിയ ഡോണ്‍ ബ്ലാക്കിന്റെ മകന്‍ ഗ്രാന്റ് ബ്ലാക്കാണ് ആവേ മരിയയുടെ വരികള്‍ എഴുതിയിരിക്കുന്നത്.
ലോകത്തിലെ പ്രശസ്തരായ പോപ് ഗായികമാരില്‍ ഒരാളാണ് കാര്‍ളി പൗളി. 2014-ല്‍ ഡേവിഡ് ഫോസ്റ്റിന്റെ കൂടെ അരങ്ങേറ്റം കുറിച്ച കാര്‍ളി പൗളി 16 തവണ ഗ്രാമി അവാര്‍ഡ് നേടി. ബ്രിട്ടീഷ് രാജകുമാരന്റെ ക്ഷണം സ്വീകരിച്ച് വിന്‍സ്റ്റര്‍ കാസ്റ്റിലില്‍ പാടുവാനും കാര്‍ളി പൗളിയ്ക്ക് കഴിഞ്ഞിട്ടുണ്ട്. റോം സന്ദര്‍ശിക്കുവാന്‍ എത്തുന്നവര്‍ക്ക് ഈ വര്‍ഷം പ്രധാനമായും കേള്‍ക്കുവാന്‍ കഴിയുന്ന ഒരു ഗാനമായി ആവേ മരിയ മാറും.
റോമിന്റെ വീഥികളില്‍ എല്ലാം തന്നെ കരുണയുടെ വര്‍ഷവുമായി ബന്ധപ്പെട്ട് നിരവധി പരിപാടികളാണ് സംഘടിപ്പിക്കുന്നത്. 2016 പകുതി പിന്നിടുമ്പോള്‍ തന്നെ എട്ടു മില്യണ്‍ തീര്‍ത്ഥാടകര്‍ റോം സന്ദര്‍ശിച്ചു കഴിഞ്ഞുവെന്നാണ് കണക്ക്. കരുണയുടെ വര്‍ഷത്തിന്റെ സന്ദേശം സംഗീത രൂപത്തില്‍ കാര്‍ളി പൗളിയുടെ ആവ്വേ മരിയ ഗാനത്തിലൂടെ ഇനി അനേകരിലേക്ക് എത്തും.
More Readings »
മറിയത്തിന്റെ സ്വര്‍ഗ്ഗാരോപണം എങ്ങനെ വിശ്വസിക്കും? പ്രൊട്ടസ്റ്റന്‍റ് സഹോദരങ്ങള്‍ക്കുള്ള മറുപടി
1950-ല്‍ പന്ത്രണ്ടാം പീയൂസ് മാര്‍പാപ്പ മറിയത്തിന്റെ സ്വര്‍ഗ്ഗാരോപണം വിശ്വാസ സത്യമായി...
നൈജീരിയയിൽ എട്ട് മാസത്തിനിടെ 7087 ക്രൈസ്തവര്‍ കൊല്ലപ്പെട്ടുവെന്ന് വെളിപ്പെടുത്തല്‍
അനാംബ്ര: നൈജീരിയയിൽ കഴിഞ്ഞ എട്ട് മാസത്തിനിടെ 7087 ക്രിസ്ത്യാനികൾ കൊല്ലപ്പെട്ടുവെന്ന്...
നമ്മൾ പരാജയപ്പെട്ടാലും, ദൈവത്തിന് പരാജയമില്ലായെന്നതാണ് പ്രത്യാശ: ലെയോ പാപ്പ
വത്തിക്കാന്‍ സിറ്റി: നമ്മൾ പരാജയപ്പെട്ടാലും, ദൈവം ഒരിക്കലും പരാജയപ്പെടില്ലായെന്ന് അറിയുന്നതാണ്...
ലോക സമാധാനത്തിനായി ആഗോള സന്യസ്തര്‍ ഇന്ന് ഉപവാസ പ്രാര്‍ത്ഥനാദിനമായി ആചരിക്കുന്നു
റോം: പരിശുദ്ധ കന്യകാമറിയത്തിന്റെ സ്വർഗ്ഗാരോപണ തിരുനാളിന്റെ തലേ ദിനമായ ഇന്ന് ആഗോള കത്തോലിക്ക...
കോതമംഗലത്ത് പെൺകുട്ടി ജീവനൊടുക്കിയ സംഭവത്തില്‍ കേന്ദ്ര അന്വേഷണം ആവശ്യപ്പെട്ട് സീറോ മലബാർ സഭ
കോട്ടയം: കോതമംഗലത്ത് പെൺകുട്ടി ജീവനൊടുക്കിയതുമായി ബന്ധപ്പെട്ട കേസ് കേന്ദ്ര ഏജൻസികൾ...
പിശാച് വിശ്രമിക്കില്ല; മാര്‍പാപ്പയ്ക്കു വേണ്ടി പ്രാർത്ഥിക്കണം: ആഹ്വാനവുമായി ലെയോ പാപ്പയുടെ സെക്രട്ടറി
ചിക്ലായോ, പെറു: പരിശുദ്ധ പിതാവിനുവേണ്ടി തീക്ഷ്ണമായി പ്രാർത്ഥിക്കാൻ ആഗോള കത്തോലിക്ക വിശ്വാസികളോട്...
