തൊടുപുഴ: കെസി​ബി​സി വി​ദ്യാ​ഭ്യാ​സ കമ്മീഷൻ സെ​ക്ര​ട്ട​റി​യാ​യി ഫാ. ​ജോ​സ് ക​രി​വേ​ലി​ക്കലിനെ തിരഞ്ഞെടുത്തു. കേ​ര​ള​ത്തി​ലെ കത്തോലിക്ക സ്കൂ​ളു​ക​ളു​ടെ മാ​നേ​ജേ​ഴ്സ് അ​സോ​സി​യേ​ഷ​ന്‍റെ സെ​ക്ര​ട്ട​റി​യാ​യും ഇ​ടു​ക്കി രൂ​പ​ത വി​ദ്യാ​ഭ്യാ​സ സെ​ക്ര​ട്ട​റിയായും സേവനമനുഷ്ഠിക്കുന്നതിനിടെയാണ് പുതിയ നിയമനം. ഇന്ന് ഒൗ​ദ്യോ​ഗി​ക​മാ​യി ചു​മ​ത​ല​യേ​ൽ​ക്കും. മേ​രി​കു​ള​ത്ത് ക​രി​വേ​ലി​ക്ക​ൽ ജോ​ർ​ജി​ന്‍റ​യും അ​ന്ന​മ്മ​യു​ടേ​യും അ​ഞ്ചാ​മ​ത്തെ മകനാണ് ഫാ. ​ജോ​സ്.1990 മു​ത​ൽ മൂ​വാ​റ്റു​പു​ഴ നി​ർ​മ​ല സ്കൂ​ൾ ഹോ​സ്റ്റ​ൽ വാ​ർ​ഡ​നായും തുടര്‍ന്നു ഹെ​ഡ്മാ​സ്റ്റ​റായും സേവനമനുഷ്ഠിച്ചിട്ടുണ്ട്.

2003-ൽ ​ഇ​ടു​ക്കി രൂപത രൂ​പം​ കൊ​ണ്ട​പ്പോ​ൾ രൂ​പ​ത വി​ദ്യാ​ഭ്യാ​സ സെ​ക്ര​ട്ട​റി​യാ​യി നി​യ​മി​ത​നാ​യി. എ​ട്ടാം​ക്ലാ​സി​ലെ കു​ട്ടി​ക​ളു​ടെ സ​മ​ഗ്ര പ​രി​ശീ​ല​ന പരിപാടി സ​ക്സ​സ് മൈ​ൻ​ഡ്, എ​സ്എ​സ്എ​ൽ​സി, പ്ല​സ് ടു ​വി​ദ്യാ​ർ​ഥി​ക​ളു​ടെ പ​ഠ​ന മി​ക​വ് ല​ക്ഷ്യ​മി​ട്ട് ആ​സൂ​ത്ര​ണം​ ചെ​യ്ത വി​ജ​യ​മ​ന്ത്ര, നി​ർ​ധ​ന​രാ​യ വി​ദ്യാ​ർ​ഥി​ക​ൾ​ക്ക് പ​ഠ​ന​സ​ഹാ​യം ന​ൽ​കു​ന്ന ജീ​വ​കാ​രു​ണ്യ സ്കോ​ള​ർ​ഷി​പ്പ്, കു​ട്ടി​ക​ളു​ടെ ചി​കി​ത്സ​യ്ക്കു​വേ​ണ്ടി ന​ട​പ്പി​ലാ​ക്കി​യ സ്നേ​ഹ​നി​ധി, സ്കൂ​ൾ കൗ​ണ്‍സി​ലിം​ഗ് പ​ദ്ധ​തി​യാ​യ ക്യാ​റ്റ് തു​ട​ങ്ങി​ നിരവധി പദ്ധതികള്‍ ഫാ. ​ജോ​സ് ക​രി​വേ​ലി​ക്കലിന്റെ സംഭാവനകളാണ്.