India - 2025
കെസിബിസി പ്രോലൈഫ് സമിതി ഭാരവാഹികളെ തിരഞ്ഞെടുത്തു
സ്വന്തം ലേഖകന്‍ 05-11-2018 - Monday
കൊച്ചി: കേരളത്തിലെ 32 കത്തോലിക്കാ രൂപതകളിലൂടെ പ്രവര്‍ത്തിക്കുന്ന കെസിബിസി പ്രോലൈഫ് സമിതിയുടെ പുതിയ ഭാരവാഹികളെ തിരഞ്ഞെടുത്തു. സംസ്ഥാന പ്രസിഡന്റായി സാബു ജോസിനെയും ജനറല്‍ സെക്രട്ടറിയായി അഡ്വ. ജോസി സേവ്യറിനെയും മറ്റ് ഭാരവാഹികളെയുമാണ് തിരഞ്ഞെടുത്തത്. കെസിബിസി ഫാമിലി കമ്മീഷന്‍ സെക്രട്ടറിയും പ്രോലൈഫ് സമിതി ഡയറക്ടറുമായ ഫാ. പോള്‍ മാടശേരി തിരഞ്ഞെടുപ്പ് സമ്മേളനത്തിന് നേതൃത്വം നല്കി.
എറണാകുളം-അങ്കമാലി അതിരൂപതാംഗമാണ് സംസ്ഥാന പ്രസിഡന്റായി തിരഞ്ഞെടുക്കപ്പെട്ട സാബു ജോസ്. സീറോ മലബാര്‍ സഭയുടെ പ്രോലൈഫ് അപ്പോസ്തലേറ്റ് സെക്രട്ടറി, പബ്ലിക് അഫയേഴ്‌സ് സമിതി അംഗം, ന്യൂമാന്‍സ് അസോസിയേഷന്‍ കേരള ചാപ്റ്റര്‍ വൈസ് പ്രസിഡന്റ്, ഗുഡ് ന്യൂസ് കമ്യൂണിക്കേഷന്‍സ് ഡയറക്ടര്‍ എന്നീ പദവികളിലും പ്രവര്‍ത്തിച്ചുവരുന്നു. മുന്‍പ് കെസിബിസി പ്രോലൈഫ് സമിതി ജനറല്‍ സെക്രട്ടറി, കേരള കാത്തലിക് ബൈബിള്‍ സൊസൈറ്റി ജോയിന്റ് സെക്രട്ടറി എന്നീ നിലകളില്‍ പ്രവര്‍ത്തിച്ചിട്ടുണ്ട്.
ജനറല്‍ സെക്രട്ടറി അഡ്വ. ജോസി സേവ്യര്‍ കൊച്ചി രൂപതാംഗവും തോപ്പുപടി സെന്റ് സെബാസ്റ്റ്യന്‍ ഇടവകാംഗവുമാണ്. 'പ്രൊ എക്ലേഷ്യ എത്ത് പൊന്തിഫിച്ചെ' എന്ന ബഹുമതി ഫ്രാന്‍സിസ് മാര്‍പാപ്പയില്‍ നിന്നും ലഭിച്ചിട്ടുണ്ട്. കെആര്‍എല്‍സിസി ലെയ്റ്റി കമ്മീഷന്‍ അംഗം, കൊച്ചിരൂപത സമുദായ കാര്യലയം പിആര്‍ഒ നിലകളില്‍ പ്രവര്‍ത്തിക്കുന്നു.
വൈസ് പ്രസിഡന്റുമാര്‍: ഉമ്മച്ചന്‍ പി ചക്കുപുരയ്ക്കല്‍ (ആലപ്പുഴ), ജെയിംസ് ആഴ്ചങ്ങാടന്‍ (തൃശൂര്‍), നാന്‍സി പോള്‍ (ബത്തേരി),
സെക്രട്ടറിമാര്‍: മോളി ജേക്കബ് (ബത്തേരി), മാര്‍ട്ടിന്‍ ന്യൂനസ് (വരാപ്പുഴ), റോണ റിബെയ്‌റോ (കൊല്ലം), ഷിബു കൊച്ചുപറമ്പില്‍ (താമരശേരി), വര്‍ഗീസ് എം. എ (തൃശൂര്‍),
ട്രഷറര്‍: ടോമി പ്ലാത്തോട്ടം (താമരശേരി)
ആനിമേറ്റര്‍: സിസ്റ്റര്‍ മേരി ജോര്‍ജ് എഫ്.സി.സി.(പാലാ), ജോര്‍ജ്ജ് എഫ് സേവ്യര്‍ (കൊല്ലം).
