News - 2026

സുവിശേഷവത്ക്കരണം ഊര്‍ജിതപ്പെടുത്താന്‍ ഫിലിപ്പീന്‍സില്‍ ന്യൂ ഇവാഞ്ചലൈസേഷന്‍ കോണ്‍ഫറന്‍സ്

സ്വന്തം ലേഖകന്‍ 03-01-2020 - Friday

മനില: വത്തിക്കാന്‍ സുവിശേഷവത്കരണ തിരുസംഘത്തിന്റെ തലവനായി നിയമിതനായ മനിലയിലെ മെത്രാപ്പോലീത്ത കര്‍ദ്ദിനാള്‍ ലൂയിസ് അന്റോണിയോ ടാഗിൾ പുതിയ പദവി ഏറ്റെടുക്കുന്നതിന് മുന്‍പായി നവ സുവിശേഷവത്കരണത്തെക്കുറിച്ചുള്ള ഏഴാമത് ഫിലിപ്പീന്‍ കോണ്‍ഫറന്‍സ് (പി.സി.എന്‍.ഇ) സംഘടിപ്പിക്കുവാന്‍ ഒരുങ്ങുന്നു. ജനുവരി 28-29 തിയതികളിലായി നടക്കുന്ന കോണ്‍ഫറന്‍സിന്റെ മുഖ്യ പ്രമേയം 'ആരാണ് എന്റെ അയല്‍ക്കാരന്‍?' (സിനോ ആങ് അകിങ് കാപ്വാ) എന്ന വിശുദ്ധ ലൂക്കായുടെ (ലൂക്കാ 10:29) സുവിശേഷ വാക്യമാണ്. സാധാരണ ഗതിയില്‍ നവംബര്‍ മാസത്തിലാണ് ഈ കോണ്‍ഫറന്‍സ് സംഘടിപ്പിക്കാറുള്ളതെങ്കിലും പി.സി.എന്‍.ഇ 7-ല്‍ നിന്നും ലഭിക്കുന്ന നവ ചൈതന്യത്തോടെ പുതിയ ദൗത്യമേറ്റെടുക്കാമെന്ന പ്രതീക്ഷയിലാണ് കര്‍ദ്ദിനാള്‍ ടാഗിൾ.

ഈ വര്‍ഷം എക്യുമെനിസം വര്‍ഷമായി ആഘോഷിക്കുന്ന ഫിലിപ്പീന്‍സ് ജനതയെ സംബന്ധിച്ചിടത്തോളം വളരെ പ്രധാനപ്പെട്ട കോണ്‍ഫറന്‍സായിരിക്കും ‘പി.സി.എന്‍.ഇ-7’ എന്നു വിലയിരുത്തപ്പെടുന്നു. ‘ചിറ്റോ’ എന്ന് വിശ്വാസികള്‍ക്കിടയില്‍ പ്രസിദ്ധനായ കര്‍ദ്ദിനാള്‍ ടാഗിളിനു ഉദിച്ച ആശയമാണ് ഫിലിപ്പീന്‍ ന്യൂ ഇവാഞ്ചലൈസേഷന്‍ കോണ്‍ഫറന്‍സ്. വര്‍ഷംതോറും നടത്തിവരുന്ന ഈ കോണ്‍ഫറന്‍സില്‍ മെത്രാന്‍മാരും, പുരോഹിതരും, കന്യാസ്ത്രീകളും, അല്‍മായരും ഉള്‍പ്പെടെ അയ്യായിരത്തിലധികം ആളുകളാണ് പങ്കെടുക്കുന്നത്. സ്തുതി ഗീതവും, പ്രാര്‍ത്ഥനയും, ആരാധനയും, പ്രഭാഷണങ്ങളും വിശ്വാസ സാക്ഷ്യങ്ങളുമായി സുവിശേഷ തീക്ഷണത വര്‍ദ്ധിപ്പിക്കുകയാണ് കോണ്‍ഫറന്‍സിന്റെ ലക്ഷ്യം.

'പ്രവാചകശബ്‌ദ'ത്തിന്റെ ശുശ്രൂഷകളെ സഹായിക്കാമോ?

നിങ്ങൾ നൽകുന്ന സഹായം ദൈവരാജ്യ മഹത്വത്തിനായുള്ള 'പ്രവാചകശബ്ദ'ത്തിന്റെ ശുശ്രൂഷകൾ തുടരാൻ ഞങ്ങളെ സഹായിക്കുന്നു.

സംഭാവന നൽകുക / Donate

Related Articles »