India - 2026

ഫാ. ഡോ. ഫിലിപ്പ് പയ്യമ്പിള്ളിൽ 'ചായ്' പ്രസിഡൻ്റ്; സിസ്റ്റർ തേജസ് സെക്രട്ടറി

പ്രവാചകശബ്ദം 25-08-2026 - Tuesday

കൊച്ചി: കാത്തലിക് ഹോസ്‌പിറ്റൽ അസോസിയേഷൻ ഓഫ് ഇന്ത്യ (ചായ്) കേരള റീജണിൻ്റെ 2026-2029 കാലയളവിലേക്കുള്ള ഭാരവാഹികളെ തെരഞ്ഞെടുത്തു. മാനന്തവാടി ദ്വാരക പാസ്റ്ററൽ സെന്ററിൽ നടന്ന 64-ാമത് വാർഷിക ജനറൽ ബോഡി യോഗത്തിലായിരുന്നു തെരഞ്ഞെടുപ്പ്. ഫാ. ഡോ. ഫിലിപ്പ് പയ്യമ്പിള്ളിലാണു പ്രസിഡൻ്റ്. തിരുവല്ല പുഷ്‌പഗിരി ഇൻസ്റ്റിറ്റ്യൂഷൻസ് സിഇഒയും സെക്രട്ടറിയുമാണ് ഇദ്ദേഹം.

എറണാകുളം ലൂർദ് ആശുപത്രി ഡയറക്‌ടർ ഫാ. വിമൽ ഫ്രാൻസിസ് - വൈസ് പ്രസിഡൻ്റ്, പോട്ട ധന്യ മിഷൻ ആശുപത്രി അഡ്‌മിനിസ്ട്രേറ്റർ സിസ്റ്റർ തേജസ് എഫ്‌സിസി- സെക്രട്ടറി, ആലപ്പുഴ സഹൃദയ ആശുപത്രി എക്‌സിക്യൂട്ടീവ് ഡയറക്‌ടർ ഫാ. ആൻ്റോ ആൻ്റണി പെരുമ്പിള്ളിത്തറ- ജോയിൻ്റ് സെക്രട്ടറി, തൃശൂർ അമല മെഡിക്കൽ കോളജ് ജോയിൻ്റ് ഡയറക്‌ടർ ഫാ.ഷിബു പുത്തൻപുര യ്ക്കൽ സിഎംഐ - ട്രഷറർ എന്നിവരാണു മറ്റു ഭാരവാഹികൾ.

മേഖലാ കോ-ഓർഡിനേറ്റർമാരായി ഫാ. ബിനു കുന്നത്ത് (തിരുവനന്തപുരം), ഫാ. ഉല്ലാസ് (കോട്ടയം), ഫാ. ക്ലൗഡിൻ ബിവേറ (എറണാകുളം), ഫാ. ഡെമിൻ (തൃശൂർ), സിസ്റ്റർ ജോസ്‌ന (മലബാർ) എന്നിവരെ തെരഞ്ഞെടുത്തു.

'പ്രവാചകശബ്‌ദ'ത്തിന്റെ ശുശ്രൂഷകളെ സഹായിക്കാമോ?

നിങ്ങൾ നൽകുന്ന സഹായം ദൈവരാജ്യ മഹത്വത്തിനായുള്ള 'പ്രവാചകശബ്ദ'ത്തിന്റെ ശുശ്രൂഷകൾ തുടരാൻ ഞങ്ങളെ സഹായിക്കുന്നു.

സംഭാവന നൽകുക / Donate

Related Articles »