India - 2026
ഫാത്തിമാ പ്രത്യക്ഷീകരണത്തിന്റെ ശതാബ്ദിയുടെ ഭാഗമായി കേരളത്തിലും ആഘോഷങ്ങള്
സ്വന്തം ലേഖകന് 17-03-2017 - Friday
കൊച്ചി: ഫാത്തിമാ പ്രത്യക്ഷീകരണത്തിന്റെ ശതാബ്ദിയുടെ ഭാഗമായി കെസിബിസി കരിസ്മാറ്റിക് കമ്മീഷന്റെയും വിവിധ മരിയൻ മരിയന് മൂവ്മെന്റുകളുടെയും ആഭിമുഖ്യത്തില് വിവിധ ശുശ്രൂഷകള് നടത്തുവാന് തീരുമാനിച്ചു. ജൂബിലി ആഘോഷങ്ങൾക്കു നേതൃത്വം നല്കുന്നതിനായി കരിസ്മാറ്റിക് കമ്മീഷൻ ചെയർമാൻ ബിഷപ് സാമുവൽ മാർ ഐറേനിയോസ് രക്ഷാധികാരിയായി സമിതിക്കു രൂപം നൽകി. കരിസ്മാറ്റിക് കമ്മീഷൻ സെക്രട്ടറി ഫാ. വർഗീസ് മുണ്ടക്കലാണു ചെയർമാൻ.
എല്ലാ മരിയൻ മിനിസ്ട്രികളുടെയും പങ്കാളിത്തത്തോടെ ഏപ്രിൽ 23ന് കളമശേരി എമ്മാവൂസിൽ ഒരുക്ക ധ്യാനം നടത്തും. ഫാത്തിമായിലെ ആദ്യ പ്രത്യക്ഷപ്പെടലിന്റെ മേയ് 13നു ആഘോഷങ്ങൾ നടക്കും. ഓഗസ്റ്റ് മാസത്തില് ഇരിങ്ങാലക്കുട ആളൂരിൽ നടക്കുന്ന കരിസ്മാറ്റിക് ജൂബിലിവർഷ അഖില ലോക മലയാളി സംഗമവേദിയിൽ ഫാത്തിമാ മാതാവിന്റെ തിരുസ്വരൂപം പ്രതിഷ്ഠിക്കും. കണ്വെന്ഷനു ശേഷം ആരംഭിക്കുന്ന തിരുസ്വരൂപ പ്രയാണം കേരളത്തിലെ 31 കത്തോലിക്ക രൂപതകളിലൂടെയും കടന്ന് പോകും. ഒക്ടോബര് അവസാനത്തോടെ തിരുസ്വരൂപ പ്രയാണം പൂർത്തിയാകും.
'പ്രവാചകശബ്ദ'ത്തിന്റെ ശുശ്രൂഷകളെ സഹായിക്കാമോ?
നിങ്ങൾ നൽകുന്ന സഹായം ദൈവരാജ്യ മഹത്വത്തിനായുള്ള 'പ്രവാചകശബ്ദ'ത്തിന്റെ ശുശ്രൂഷകൾ തുടരാൻ ഞങ്ങളെ സഹായിക്കുന്നു.
സംഭാവന നൽകുക / Donate

















