News
പ്രവാചകശബ്ദം 05-05-2025 - Monday
എനുഗു: നൈജീരിയയിലെ എനുഗു സംസ്ഥാനത്ത് ഉണ്ടായ വാഹനാപകടത്തിൽ ഏഴ് കപ്പൂച്ചിൻ സന്യാസിമാർക്കു ദാരുണാന്ത്യം. മെയ് 3ന് എനുഗു സ്റ്റേറ്റിൽ നിന്ന് ക്രോസ് റിവർ സ്റ്റേറ്റിലേക്ക് യാത്ര ചെയ്യുന്നതിനിടെ ഉണ്ടായ റോഡപകടത്തിലാണ് ഇവര്‍ക്ക് ജീവൻ നഷ്ടമായത്. പതിമൂന്ന് സന്യാസിമാര്‍ സഞ്ചരിച്ച വാഹനമാണ് ദാരുണമായ അപകടത്തിൽപ്പെട്ടത്. ആറ് പേർ ഗുരുതര പരിക്കുകളോടെ ചികിത്സയിലാണ്. പരിക്കേറ്റവരെ വിദഗ്ദ ചികിത്സാര്‍ത്ഥം എനുഗുവിലേക്ക് തിരികെ കൊണ്ടുവന്നിട്ടുണ്ട്.
നൈജീരിയയിലെ കപ്പൂച്ചിൻ സമൂഹത്തിന്റെ ഉത്തരവാദിത്വമുള്ള ബ്രദർ ജോൺ-കെന്നഡി, സന്യാസിമാരുടെ മരണ വാര്‍ത്ത സ്ഥിരീകരിച്ചു. ബ്രദർ. സോമാഡിന ഇബെ-ഒജുലുഡു ഒഎഫ്എം, ബ്രദർ ചിനെഡു ന്വാചുക്വു ഒഎഫ്എം, ബ്രദർ. മാർസെൽ എസെൻവാഫോർ, , ബ്രദർ. ജെറാൾഡ് ന്യൂവോഗീസ് ഒഎഫ്എം, ബ്രദർ കിംഗ്സ്ലി ന്യൂസോസു ഒഎഫ്എം, ബ്രദർ. വിൽഫ്രഡ് അലെക്കെ ഒഎഫ്എം ബ്രദർ. ചുക്വുഡി ഒബ്യൂസ് എന്നിവരാണ് മരണപ്പെട്ടത്.
സന്യാസിമാരുടെ അപ്രതീക്ഷിത വിയോഗത്തില്‍ കപ്പൂച്ചിന്‍ സന്യാസ സമൂഹം പ്രാര്‍ത്ഥന യാചിച്ചു. പ്രാർത്ഥനയിൽ ഐക്യപ്പെടാൻ ബ്രദർ ജോൺ കെന്നഡി ആഹ്വാനം ചെയ്തു. ഇവരുടെ ആത്മാക്കളെ ദൈവത്തിന്റെ കരുണാമയമായ സ്നേഹത്തിൽ സമർപ്പിക്കുകയാണെന്നും മൃതസംസ്കാരത്തിന്റെ വിശദാംശങ്ങൾ പിന്നീട് അറിയിക്കുമെന്നും അദ്ദേഹം പ്രസ്താവനയില്‍ പറഞ്ഞു. ക്രോസ് റിവർ ഗവർണർ ബാസി ഒട്ടു കപ്പൂച്ചിന്‍ വൈദിക വിദ്യാര്‍ത്ഥികളുടെ ആകസ്മിക മരണത്തില്‍ ദുഃഖം പ്രകടിപ്പിച്ചു.
⧪ പ്രവാചകശബ്‌ദത്തെ സഹായിക്കാമോ?
'പ്രവാചകശബ്ദ'ത്തിന്റെ ശുശ്രൂഷകളെ സഹായിക്കാമോ?
നിങ്ങൾ നൽകുന്ന സഹായം ദൈവരാജ്യ മഹത്വത്തിനായുള്ള 'പ്രവാചകശബ്ദ'ത്തിന്റെ ശുശ്രൂഷകൾ തുടരാൻ ഞങ്ങളെ സഹായിക്കുന്നു.
സംഭാവന നൽകുക / Donate
കൊല്‍ക്കത്ത: ക്രൈസ്തവ സമൂഹങ്ങൾക്കും ആരാധനാലയങ്ങൾക്കും നേരെയുള്ള ആക്രമണങ്ങൾ അവസാനിപ്പിക്കുവാനും...
'സ്വർഗ്ഗം' എന്ന പദം നമ്മുടെ ദൈനംദിന ജീവിതത്തില്‍ നാം ധാരാളമായി കേള്‍ക്കാറുണ്ട്. നന്മയും സന്തോഷവും...
അഡിസ് അബാബ: എത്യോപ്യയിൽ ക്രൈസ്തവ കൂട്ടകൊലകളിലും ക്രൈസ്തവരുടെ സ്വത്തുക്കൾ കൊള്ളയടിക്കുന്നതിലും...
ചെഷയര്‍: ഇംഗ്ലണ്ടിലെ വാറിങ്ടണിലുള്ള ബ്യൂസി സെന്റ് ആല്‍ബന്‍സ് കത്തോലിക്ക പള്ളിയ്ക്കു മുന്‍പില്‍...
വത്തിക്കാൻ സിറ്റി: ലോകമെമ്പാടുമുള്ള കുടുംബങ്ങളുടെ നിലവിലെ അവസ്ഥയിലും വിവിധ രാജ്യങ്ങളിൽ...
മാനന്തവാടി: സീറോ മലബാർ സഭ 2026 സമുദായ വർഷമായി ആചരിക്കുന്നതിൻ്റെ ഭാഗമായി മാനന്തവാടി രൂപതയുടെ...
