തൊ​ടു​പു​ഴ: യ​മ​നി​ൽ ഭീ​ക​ര​രു​ടെ ത​ട​ങ്ക​ലി​ൽ ക​ഴി​യു​ന്ന ഫാ. ​ടോം ഉ​ഴു​ന്നാ​ലി​ലി​ന്‍റെ മോചനത്തിനായി സ​ഭ ഒ​ന്നാ​യി നില കൊ​ള്ളു​മെ​ന്നും അച്ചന്‍റെ മോചനമാണു സ​ഭ​യു​ടെ ല​ക്ഷ്യ​മെ​ന്നും കോതമംഗലം രൂ​പ​ത അ​ധ്യ​ക്ഷ​ൻ മാ​ർ ജോ​ർ​ജ് മ​ഠ​ത്തി​ക്ക​ണ്ട​ത്തി​ൽ. ക​ത്തോ​ലി​ക്ക കോണ്‍ഗ്രസിന്റെ നേ​തൃ​ത്വ​ത്തി​ൽ ന​ട​ന്ന ജ​പ​മാ​ല​റാ​ലി​യു​ടെ സ​മാ​പ​ന​ത്തി​ൽ സന്ദേശം ന​ൽ​കു​ക​യാ​യി​രു​ന്നു അദ്ദേഹം.

ഫാ. ​ടോ​മി​ന്‍റെ മോചന​ത്തി​നാ​യി കേ​ന്ദ്ര സം​സ്ഥാ​ന സ​ർ​ക്കാ​രു​ക​ളു​ടെ ക്രി​യാ​ത്മ​ക​മാ​യ പ്രവര്‍ത്തനങ്ങള്‍ക്ക് പ്രാർത്ഥനാ​നി​ർ​ഭ​ര​മാ​യ പി​ന്തു​ണ ന​ൽ​ക​ണം പ്രാ​ർ​ഥ​നയ്​ക്കു ദൈ​വം ഉ​ത്ത​രം നല്‍കാതെയിരിക്കുകയില്ല. കേ​ര​ള​സ​ഭ മുഴുവൻ ഒ​രു ല​ക്ഷ്യ​ത്തോ​ടെ പ്രാ​ർ​ഥി​ക്കുമ്പോൾ ദൈ​വ​ത്തി​ൽ നിന്നും മ​റു​പ​ടി ല​ഭി​ക്കും. വി​ശ്വാ​സ​ത്തോ​ടു​ള്ള പ്രാ​ർ​ഥ​ന ദൈവം ഒ​രി​ക്ക​ലും നി​ര​സി​ക്കു​ക​യി​ല്ല. ദൈവത്തിനൊന്നും അ​സാ​ധ്യ​മാ​യി​ട്ടി​ല്ല.അ​ദ്ദേ​ഹം പ​റ​ഞ്ഞു.

വൈ​ദി​ക​രും സ​ന്യ​സ്ത​രും വി​വി​ധ ഭ​ക്ത​സം​ഘ​ട​ന പ്ര​വ​ർ​ത്ത​ക​രും ഉ​ൾ​പ്പെ​ടെ പ്രാ​ർ​ഥ​ന​റാ​ലി​യി​ൽ സ​ജീ​വ​മാ​യി പ​ങ്കു​ചേ​ർ​ന്നു. റാ​ലി​ക്ക് തൊ​ടു​പു​ഴ ടൗ​ണ്‍ പ​ള്ളി വി​കാ​രി ഫാ. ​ജോ​സ് പു​ല്ലോ​പ്പി​ള്ളി, ഡി​വൈ​ൻ മേ​ഴ്സി ഷ്റൈ​ൻ റെ​ക്ട​ർ ഫാ. ​ജോ​സ് പൊ​തൂ​ർ, ക​ത്തോ​ലി​ക്ക കോ​ണ്‍​ഗ്ര​സ് നേ​താ​ക്ക​ളാ​യ ബി​ജു പ​റ​യ​നി​ലം, ഐ​പ്പ​ച്ച​ൻ ത​ടി​ക്കാ​ട്ട്, ജോ​സ് ഇ​ല​ഞ്ഞി​ക്ക​ൽ, ജോ​ണ്‍ മു​ണ്ട​ങ്കാ​വി​ൽ, വി.​യു. ചാ​ക്കോ, ജോ​സ് പു​തി​യി​ടം, ജി​മ്മി ചെ​ന്പ​ര​ത്തി, സ​ജി മൈ​ലാ​ടി, സോ​ജ​ൻ അ​രീ​ക്കാ​ട്ട്, ജി​ബോ​യി​ച്ച​ൻ വ​ട​ക്ക​ൻ, ജോ​യി ക​ണ്ട​ത്തി​ങ്ക​ര, റോ​ജോ ജോ​സ​ഫ്, ജോ​ർ​ജ് അ​ര​കു​ന്നേ​ൽ തു​ട​ങ്ങി​യ​വ​ർ നേ​തൃ​ത്വം ന​ൽ​കി.