കൊ​ച്ചി: ക്രി​സ്തു​വി​ന്‍റെ ജീ​വി​ത​ത്തി​ന​നു​സൃ​ത​മാ​യി പ്ര​വ​ർ​ത്തി​ച്ച് അവിടുത്തെ കൃ​പാ​വ​ര​ത്തി​നാ​യി തീ​ക്ഷ്ണ​മാ​യി പ്രാ​ർ​ഥി​ച്ച്, സക​ല​തും ക്രിസ്തുവിൽ സ​മ​ർ​പ്പി​ച്ചാ​ൽ സകല പ്ര​ശ്ന​ങ്ങ​ൾ​ക്കും ശാ​ശ്വ​ത പ​രി​ഹാ​രം കാ​ണാ​നാ​കുമെന്ന്‍ എ​റ​ണാ​ങ്കു​ളം- അ​ങ്ക​മാ​ലി അ​തി​രൂ​പ​ത സഹായ മെ​ത്രാ​ൻ മാ​ർ സെ​ബാ​സ്റ്റ്യ​ൻ എ​ട​യ​ന്ത്ര​ത്ത്. എ​റ​ണാ​കു​ളം മ​റൈ​ൻ​ഡ്രൈ​വ് ബൈ​ബി​ൾ ക​ണ്‍​വ​ൻ​ഷ​ന്‍റെ ര​ണ്ടാം ദി​വ​സം ദി​വ്യ​ബ​ലി​ അര്‍പ്പിച്ച് വ​ച​ന​സ​ന്ദേ​ശം ന​ല്കു​ക​യാ​യി​രു​ന്നു അ​ദ്ദേ​ഹം.

ആ​ത്മാ​വി​ന്‍റെ ബ​ന്ധ​ന​ങ്ങ​ളി​ൽ നിന്നും മോ​ചനം ല​ഭി​ക്കാ​ൻ ദൈ​​വീ​ക നി​യ​മ​ങ്ങ​ളോ​ട് പ​രി​പൂ​ർ​ണ വി​ശ്വ​സ്തത പുലർത്തുകയും ജീവിത നിയോഗ​ങ്ങ​ളോ​ട് ക്രി​യാ​ത്മ​ക​മാ​യി പ്ര​തി​ക​രി​ക്കു​ക​യും ചെ​യ്യ​ണ​മെ​ന്നും മാ​ർ എ​ട​യ​ന്ത്ര​ത്ത് ഓര്‍മ്മിപ്പിച്ചു. ഫാ.​ ജേക്ക​ബ് പു​തി​യേ​ട​ത്ത്, ഫാ.​ പീ​റ്റ​ർ മ​ണി​ക്കു​റ്റി​യാ​ൽ എ​ന്നി​വ​ർ സ​ഹ​കാ​ർ​മി​ക​രാ​യി​രു​ന്നു. ഇ​ന്നത്തെ കണ്‍വെന്‍ഷനില്‍ കൊ​ച്ചി രൂ​പ​ത മു​ൻ​ചാ​ൻ​സ​ല​ർ ഫാ.​ ജോ​സി കണ്ടനാ​ട്ടു​ത​റ ദി​വ്യ​ബ​ലി​ക്ക് മുഖ്യ​കാ​ർ​മി​ക​ത്വം വ​ഹി​ച്ചു വ​ച​നസ​ന്ദേ​ശം ന​ല്കും.

ഇടുക്കി അണക്കര മരിയന്‍ ധ്യാനകേന്ദ്രം ഡയറക്ടര്‍ ഫാ.ഡൊമിനിക് വാളന്മനാലാണു കണ്‍വന്‍ഷന്‍ നയിക്കുന്നത്. കണ്‍വെന്‍ഷന്‍ 20 ന് സമാപിക്കും.