തിരുവനന്തപുരം: ഓഖി ദുരന്തത്തില്‍പ്പെട്ട കുടുംബങ്ങളെ സഹായിക്കാനായി ചങ്ങനാശേരി അതിരൂപത 50 ലക്ഷം രൂപ സംഭാവനയായി നല്‍കി. ദുരന്തത്തില്‍പ്പെട്ടവരെ സഹായിക്കാനായി ആര്‍ച്ച്ബിഷപ് മാര്‍ ജോസഫ് പെരുന്തോട്ടത്തിന്റെ നിര്‍ദേശത്തെത്തുടര്‍ന്ന് ഇടവകകളില്‍നിന്നു സ്വരൂപിച്ച തുകയാണ് ദുരന്തത്തിനിരയായവരുടെ കുടുംബങ്ങള്‍ക്കായി കൈമാറിയത്. 40 ലക്ഷം രൂപ കെസിബിസി വഴിയും 10 ലക്ഷം രൂപ തക്കല രൂപതയ്ക്കുമാണു സഹായധനമായി ചങ്ങനാശേരി അതിരൂപത കൈമാറിയത്.