മ​ല​യാ​റ്റൂ​ർ: വിശുദ്ധ വാരത്തിന് തുടക്കമായതോടെ അ​ന്ത​ർ​ദേ​ശീ​യ തീ​ർ​ഥാ​ട​ന കേ​ന്ദ്ര​മാ​യ മ​ല​യാ​റ്റൂ​ർ കു​രി​ശു​മു​ടി​യിലേക്ക് വിശ്വാസികളുടെ പ്രവാഹം. രാത്രിയിലും പകലും ചെറുതും വലുതുമായ കുരിശുകള്‍ വഹിച്ചു കൊണ്ട് ആയിരങ്ങളാണ് മല കയറുന്നത്.

ഇ​ന്ന​ലെ ​രാ​വി​ലെ കു​രി​ശു​മു​ടി​യി​ൽ ന​ട​ന്ന ഓശാന ശുശ്രൂഷകളില്‍ ആയിരകണക്കിന് ആളുകള്‍ പങ്കെടുത്തു. ശുശ്രൂഷകള്‍ക്ക് റെ​ക്ട​ർ ഫാ. ​സേ​വ്യ​ർ തേ​ല​ക്കാ​ട്ട് മു​ഖ്യ​കാ​ർമി​ക​ത്വം വ​ഹി​ച്ചു. കു​രി​ശു​മു​ടി സ്പി​രി​ച്വ​ൽ ഡ​യ​റ​ക്ട​ർ ഫാ. ​സ്മി​ന്‍റോ ഇ​ട​ശേ​രി സ​ഹ​കാ​ർ​മി​ക​നാ​യി. തുടര്‍ന്നു കു​രി​ശു​മു​ടി​യി​ലെ സ​ന്നി​ധി ചു​റ്റി കു​രു​ത്തോ​ല പ്ര​ദ​ക്ഷി​ണം ന​ട​ന്നു. ഫാ. ​ഷാ​ജി കൊ​ച്ചു​പു​ര​യി​ൽ വ​ച​ന​സ​ന്ദേ​ശം ന​ൽ​കി.

സെ​ന്‍റ് തോ​മ​സ് പ​ള​ളി​യി​ൽ (താ​ഴ​ത്തെ പ​ള​ളി) ന​ട​ന്ന ഓശാന തി​രു​ക്ക​ർ​മ്മ​ങ്ങൾക്ക് വി​കാ​രി റ​വ.​ഡോ.​ജോ​ണ്‍ തേ​യ്ക്കാ​ന​ത്ത് നേതൃത്വം നല്കി. മ​ല​യാ​റ്റൂ​ർ സെ​ന്‍റ് തോ​മ​സ് ഹ​യ​ർ സെ​ക്ക​ൻഡറി സ്കൂ​ൾ ഗ്രൗ​ണ്ടിൽ ​കു​രു​ത്തോ​ല വെ​ഞ്ച​രി​പ്പും പ​ള​ളി​യി​ലേ​ക്ക് കു​രു​ത്തോ​ല പ്ര​ദ​ക്ഷി​ണ​വും ഉ​ണ്ടായി​രു​ന്നു.

ഫാ. ​ജി​ബി​ൻ ക​ണ്ണാ​ട്ട്, ഫാ. ​ജോ​യ്സ​ൺ, ഫാ. ​ചാ​ൾ​സ് കോ​റോ​ത്ത് എ​ന്നി​വ​ർ സ​ഹ​കാ​ർമി​ക​രാ​യി. തു​ട​ർ​ന്ന് വിശുദ്ധ ബലിയര്‍പ്പണം നടന്നു. ദുഃഖവെള്ളിയാഴ്ചയ്ക്ക് ദിവസങ്ങള്‍ ശേഷിക്കേ മല കയറാനുള്ള വിശ്വാസികളുടെ പ്രവാഹം വളരെ ശക്തമായി തുടരുകയാണ്.