News - 2026
സൃഷ്ടികളുടെ സംരക്ഷണം; ആഗോള പ്രാര്ത്ഥനാദിനം ഇന്ന്
സ്വന്തം ലേഖകന് 01-09-2018 - Saturday
വത്തിക്കാന് സിറ്റി: സൃഷ്ടികളുടെ സംരക്ഷണത്തിനായുള്ള നാലാമത് ആഗോള പ്രാര്ത്ഥനാദിനം ഇന്ന്. സെപ്റ്റംബര് ഒന്നിന് മറ്റ് സഭകളോട് കൂടി ചേര്ന്ന് സൃഷ്ടിയുടെ സംരക്ഷണ പ്രാര്ത്ഥനാ ദിനം ആചരിക്കുന്ന പതിവ് 2015 മുതലാണ് കത്തോലിക്ക സഭയില് ആരംഭിച്ചത്. 1989-ല് ഓര്ത്തഡോക്സ് സഭയാണ് ദൈവീക സൃഷ്ടികളുടെ സംരക്ഷണത്തിനായി പ്രാര്ത്ഥനാ ദിനം പ്രത്യേകം ആചരിക്കുന്ന പതിവ് ആദ്യമായി ആരംഭിച്ചത്. 2015 ആഗസ്റ്റ് ആറാം തീയതി കത്തോലിക്ക സഭയും വിവിധ സഭകളോട് ചേര്ന്ന് ഈ ദിനം ആചരിക്കണമെന്ന പ്രത്യേക നിര്ദ്ദേശം ഫ്രാന്സിസ് മാര്പാപ്പയും നല്കുകയായിരുന്നു. പ്രകൃതിയുടെ സംരക്ഷണത്തിന് പ്രത്യേക ഊന്നല് നല്കണമെന്ന് തന്റെ ചാക്രിക ലേഖനത്തിലൂടെ ഫ്രാന്സിസ് മാര്പാപ്പ നേരത്തെ ആഹ്വാനം ചെയ്തിരിന്നു.
'പ്രവാചകശബ്ദ'ത്തിന്റെ ശുശ്രൂഷകളെ സഹായിക്കാമോ?
നിങ്ങൾ നൽകുന്ന സഹായം ദൈവരാജ്യ മഹത്വത്തിനായുള്ള 'പ്രവാചകശബ്ദ'ത്തിന്റെ ശുശ്രൂഷകൾ തുടരാൻ ഞങ്ങളെ സഹായിക്കുന്നു.
സംഭാവന നൽകുക / Donate

















