Contents
Displaying 14151-14160 of 25133 results.
Content:
14504
Category: 18
Sub Category:
Heading: കന്യാസ്ത്രീ അവഹേളനം: സാമുവല്‍ കൂടലിനെതിരേ കോടതി നിര്‍ദ്ദേശത്തെ തുടര്‍ന്നു പോലീസും കേസെടുത്തു
Content: കോട്ടയം: സാമൂഹ്യ മാധ്യമങ്ങളിലൂടെ കത്തോലിക്ക സന്യാസിനികളെ അശ്ലീല പദമുപയോഗിച്ച് അവഹേളിച്ച പത്തനംതിട്ട കലത്തൂര്‍ സ്വദേശിയായ വ്ലോഗര്‍ സാമുവല്‍ കൂടലിനെതിരേ കോടതിയുടെ നിര്‍ദ്ദേശത്തെ തുടര്‍ന്നു ചങ്ങനാശ്ശേരി പോലീസും കേസെടുത്തു. സാമുവലിനെതിരേ ചങ്ങനാശ്ശേരി സ്വദേശി ജോസ് മാത്യു ഓലിക്കല്‍ ചങ്ങനാശ്ശേരി കോടതിയില്‍ കേസ് ഫയല്‍ ചെയ്തിരുന്നു. കോടതിയുടെ നിര്‍ദേശാനുസരണമാണ് ഇന്നലെ ചൊവ്വാഴ്ച ചങ്ങനാശ്ശേരി പോലീസും കേസെടുത്തത്. കേസില്‍ അന്വേഷണം ആരംഭിച്ചതായി പോലിസ് പറഞ്ഞു. സാമുവല്‍ കൂടലിനെതിരേ കഴിഞ്ഞയാഴ്ച വനിതാ കമ്മീഷനും കേസെടുത്തിരുന്നു. 139 പരാതികളാണ് ഇയാള്‍ക്കെതിരേ വനിതാ കമ്മീഷന് ലഭിച്ചത്. ഫേസ്ബുക്ക് പേജിലൂടെയും യൂട്യൂബ് ചാനലിലൂടെയും കന്യാസ്ത്രീകളെയും വൈദികരെയും ലൈംഗീകമായി അധിക്ഷേപിച്ചെന്നാണ് പരാതി. ഭാഗ്യലക്ഷ്മി അടക്കമുളളവരുടെ പരസ്യപ്രതിഷേധം നേരിടേണ്ടിവന്ന വിജയ് പി നായര്‍ക്കെതിരേ ഉയര്‍ന്ന സമാന ആരോപണമാണ് സാമുവല്‍ കൂടലിനെതിരെയും സന്യാസിനികള്‍ ഉന്നയിച്ചത്. ആദ്യം നല്‍കിയ പരാതി വനിത കമ്മീഷന് ഗൗരവമായെടുക്കാതെ വന്നതോടെ പരാതികള്‍ കൂട്ടത്തോടെയെത്തുകയായിരുന്നു. കേരള വനിതകമ്മീഷന്റെ ചരിത്രത്തിലാദ്യമായാണ് ഒരാള്‍ക്കെതിരെ ഇത്രയധികം പരാതികള്‍ ഒരുമിച്ചെത്തുന്നത്. #{blue->none->b->ക്രൈസ്തവ ലോകത്തെ ഓരോ ചലനങ്ങളും ഉടനടി അറിയുവാന്‍ ആഗ്രഹിക്കുന്നുവോ? പ്രവാചക ശബ്ദത്തിന്റെ വാട്സാപ്പ്/ ടെലഗ്രാം ഗ്രൂപ്പുകളിലേക്ക് സ്വാഗതം }# ➤ {{ വാട്സാപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക ->https://chat.whatsapp.com/CDrwfiLvyqQICD4I0lLMhX}} ➤ {{ ടെലഗ്രാം ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക -> https://t.me/joinchat/I8BEmRGGZPdjjx48g3En4Q }}
Image: /content_image/India/India-2020-10-07-17:05:55.jpg
Keywords: സാമു
Category: 18
Sub Category:
Heading: കന്യാസ്ത്രീ അവഹേളനം: സാമുവല്‍ കൂടലിനെതിരേ കോടതി നിര്‍ദ്ദേശത്തെ തുടര്‍ന്നു പോലീസും കേസെടുത്തു
Content: കോട്ടയം: സാമൂഹ്യ മാധ്യമങ്ങളിലൂടെ കത്തോലിക്ക സന്യാസിനികളെ അശ്ലീല പദമുപയോഗിച്ച് അവഹേളിച്ച പത്തനംതിട്ട കലത്തൂര്‍ സ്വദേശിയായ വ്ലോഗര്‍ സാമുവല്‍ കൂടലിനെതിരേ കോടതിയുടെ നിര്‍ദ്ദേശത്തെ തുടര്‍ന്നു ചങ്ങനാശ്ശേരി പോലീസും കേസെടുത്തു. സാമുവലിനെതിരേ ചങ്ങനാശ്ശേരി സ്വദേശി ജോസ് മാത്യു ഓലിക്കല്‍ ചങ്ങനാശ്ശേരി കോടതിയില്‍ കേസ് ഫയല്‍ ചെയ്തിരുന്നു. കോടതിയുടെ നിര്‍ദേശാനുസരണമാണ് ഇന്നലെ ചൊവ്വാഴ്ച ചങ്ങനാശ്ശേരി പോലീസും കേസെടുത്തത്. കേസില്‍ അന്വേഷണം ആരംഭിച്ചതായി പോലിസ് പറഞ്ഞു. സാമുവല്‍ കൂടലിനെതിരേ കഴിഞ്ഞയാഴ്ച വനിതാ കമ്മീഷനും കേസെടുത്തിരുന്നു. 139 പരാതികളാണ് ഇയാള്‍ക്കെതിരേ വനിതാ കമ്മീഷന് ലഭിച്ചത്. ഫേസ്ബുക്ക് പേജിലൂടെയും യൂട്യൂബ് ചാനലിലൂടെയും കന്യാസ്ത്രീകളെയും വൈദികരെയും ലൈംഗീകമായി അധിക്ഷേപിച്ചെന്നാണ് പരാതി. ഭാഗ്യലക്ഷ്മി അടക്കമുളളവരുടെ പരസ്യപ്രതിഷേധം നേരിടേണ്ടിവന്ന വിജയ് പി നായര്‍ക്കെതിരേ ഉയര്‍ന്ന സമാന ആരോപണമാണ് സാമുവല്‍ കൂടലിനെതിരെയും സന്യാസിനികള്‍ ഉന്നയിച്ചത്. ആദ്യം നല്‍കിയ പരാതി വനിത കമ്മീഷന് ഗൗരവമായെടുക്കാതെ വന്നതോടെ പരാതികള്‍ കൂട്ടത്തോടെയെത്തുകയായിരുന്നു. കേരള വനിതകമ്മീഷന്റെ ചരിത്രത്തിലാദ്യമായാണ് ഒരാള്‍ക്കെതിരെ ഇത്രയധികം പരാതികള്‍ ഒരുമിച്ചെത്തുന്നത്. #{blue->none->b->ക്രൈസ്തവ ലോകത്തെ ഓരോ ചലനങ്ങളും ഉടനടി അറിയുവാന്‍ ആഗ്രഹിക്കുന്നുവോ? പ്രവാചക ശബ്ദത്തിന്റെ വാട്സാപ്പ്/ ടെലഗ്രാം ഗ്രൂപ്പുകളിലേക്ക് സ്വാഗതം }# ➤ {{ വാട്സാപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക ->https://chat.whatsapp.com/CDrwfiLvyqQICD4I0lLMhX}} ➤ {{ ടെലഗ്രാം ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക -> https://t.me/joinchat/I8BEmRGGZPdjjx48g3En4Q }}
Image: /content_image/India/India-2020-10-07-17:05:55.jpg
Keywords: സാമു
Content:
14505
Category: 4
Sub Category:
Heading: നിലാദ്രി കൺഹർ - കന്ധമാലിലെ വിശുദ്ധ പൗലോസ് | കന്ധമാല്‍ ലേഖന പരമ്പര- ഭാഗം 7
Content: #{black->none->b->കന്ധമാല്‍ ക്രൈസ്തവ കൂട്ടക്കുരുതി: ഗൂഢാലോചനയില്‍ വിരിഞ്ഞ കലാപം }# {{ ലേഖന പരമ്പരയുടെ ആദ്യഭാഗം വായിക്കുവാന്‍ ഇവിടെ ക്ലിക്ക് ചെയ്യുക -> http://www.pravachakasabdam.com/index.php/site/news/14148}} #{black->none->b->കന്ധമാലില്‍ ക്രൈസ്തവ വിശ്വാസത്തിനു വേണ്ടി തീപ്പന്തമായ കർഷകൻ }# {{ ലേഖന പരമ്പരയുടെ രണ്ടാം ഭാഗം വായിക്കുവാന്‍ ഇവിടെ ക്ലിക്ക് ചെയ്യുക -> http://www.pravachakasabdam.com/index.php/site/news/14208}} #{black->none->b->പാറക്കല്ലുകൊണ്ട് കൊല്ലപ്പെട്ട പാസ്റ്റർ - കന്ധമാലിലെ വിശുദ്ധ എസ്തപ്പാനോസ് }# {{ ലേഖന പരമ്പരയുടെ മൂന്നാം ഭാഗം വായിക്കുവാന്‍ ഇവിടെ ക്ലിക്ക് ചെയ്യുക -> http://pravachakasabdam.com/index.php/site/news/14265}} #{black->none->b->കന്ധമാല്‍ കൂട്ടക്കൊലയിലെ പ്രഥമ രക്തസാക്ഷി രസാനന്ദും യേശുവിലുള്ള വിശ്വാസത്തെ പ്രതി മരണം വരിച്ച കന്തേശ്വരും }# {{ ലേഖന പരമ്പരയുടെ നാലാം ഭാഗം വായിക്കുവാന്‍ ഇവിടെ ക്ലിക്ക് ചെയ്യുക -> http://www.pravachakasabdam.com/index.php/site/news/14328}} #{black->none->b-> വിശ്വാസം വെടിയാതെ വീരമൃത്യു പ്രാപിച്ച പാസ്റ്ററും രക്തസാക്ഷിയായ ഫാ. ബെര്‍ണാഡും }# {{ ലേഖന പരമ്പരയുടെ അഞ്ചാം ഭാഗം വായിക്കുവാന്‍ ഇവിടെ ക്ലിക്ക് ചെയ്യുക -> http://www.pravachakasabdam.com/index.php/site/news/14387}} #{black->none->b-> അഗ്നിനാളങ്ങളെ അതിജീവിച്ച വൈദികൻ }# {{ ലേഖന പരമ്പരയുടെ ആറാം ഭാഗം വായിക്കുവാന്‍ ഇവിടെ ക്ലിക്ക് ചെയ്യുക -> http://pravachakasabdam.com/index.php/site/news/14444}} ആഴ്ചകളോളം നീണ്ടുനിന്ന പൈശാചിക ആക്രമണങ്ങളിൽ ഡസൻ കണക്കിനു ക്രൈസ്തവരാണ് കൊല്ലപ്പെട്ടത്. എന്നാൽ ഏതാനുംപേർ ആ കിരാത മർദ്ദനങ്ങൾ അത്ഭുതകരമായി അതിജീവിച്ചു. മരണത്തിന്റെ വക്കിൽ നിന്ന് തങ്ങളെ രക്ഷിച്ച അനുഗ്രഹത്തിന്റെ കഥകൾ ലോകത്തിന് വെളിപ്പെടുത്തുവാൻ അവരെ തുണച്ച ദൈവത്തിന്റെ വഴികൾ എത്രയോ നിഗൂഢങ്ങളാണ്. ഭാഗിക രക്തസാക്ഷിത്വം സഹിച്ച് ഭാഗ്യവശാൽ രക്ഷപെട്ടവർ അനുഭവിച്ച ക്രൂരമർദ്ദനങ്ങളുടെ കരളലിയിക്കുന്ന ഏതാനും സാക്ഷ്യങ്ങൾ ഇവിടെ ചേർക്കുന്നു. #{black->none->b->നിലാദ്രി കൺഹർ - കന്ധമാലിലെ വിശുദ്ധ പൗലോസ് }# ക്രിസ്തുവിന്റെ അനുയായികളെ പീഡിപ്പിക്കുന്നത് തന്റെ കടമയായി സ്വീകരിച്ച സാവൂൾ പൗലോസായിത്തീർന്ന മാനസാന്തരം ക്രൈസ്തവ ചരിത്രത്തിലെ ഏറ്റവും ആവേശോജ്ജ്വലമായ ഒന്നാണ്. ഡമാസ്‌ക്കസിലേക്കുള്ള യാത്രാമധ്യേയുണ്ടായ ദർശനം അദ്ദേഹത്തിന്റെ ഹൃദയത്തെ ആർദ്രമാക്കി. സാവൂൾ അനുതപിക്കുകയും ക്രിസ്ത്യാനിയാകുകയും പിന്നീട് കഠിനമായ പീഡനങ്ങൾക്ക് ഇരയാവുകയും ചെയ്തു. ഇതിനു തുല്യമാണ് നിലാദ്രി കൺഹറിന്റെ മാനസാന്തരം. സാവൂളിനെപോലെ, ക്രിസ്തീയ വിശ്വാസം ആശ്ലേഷിക്കുന്നതുവരെ വർഷങ്ങളോളം ക്രൈസ്തവരെ പീഡിപ്പിച്ച വ്യക്തിയാണ് നിലാദ്രി. ഫിരിംഗിയായ്ക്കടുത്തുള്ള തിലപ്പിള്ളി ഗ്രാമത്തിലാണ് 1970-ൽ നിലാദ്രി ജനിച്ചത്. കൗമാരകാലത്ത് സ്വാമി ലക്ഷ്മണാനന്ദയുടെ കാവൽഭടനായി വളർന്ന അദ്ദേഹം മൂന്നു പതിറ്റാണ്ടിലേറെ മൗലികവാദികളുടെ സഹചാരിയായിരുന്നു. വിശ്വ ഹിന്ദു പരിഷത്തിന്റെ പ്രാദേശിക നേതാവ് എന്ന സ്ഥാനത്തേക്ക് ക്രമേണ ഉയർന്ന നിലാദ്രി ക്രൈസ്തവർക്കെതിരെ അനേകം ആക്രമണങ്ങൾ സംഘടിപ്പിക്കുകയുണ്ടായി. വളരെയധികം ക്രൈസ്തവരെ വിശ്വാസം ത്യജിച്ച് ഹിന്ദുക്കളാകാൻ നിർബന്ധിക്കുകയും നിരവധി ദൈവാലയങ്ങൾ തകർക്കുന്നതിന് നേതൃത്വം നൽകുകയും ചെയ്തു അദ്ദേഹം. നിലാദ്രി ക്രൈസ്തവനാകാൻ നിശ്ചയിച്ചതോടെ അദ്ദേഹത്തിന്റെ ലോകംതന്നെ കീഴ്മേൽ മറിഞ്ഞപോലെയായി. അതോടെ അയാൾ സ്വന്തം കുടുംബാംഗങ്ങൾക്കുപോലും അനഭിമതനായി. കൂടാതെ, കാവിപ്പടയുടെ വിദ്വേഷവും സാമൂഹിക ബഹിഷ്‌കരണവും നിലാദ്രിക്കും കുടുംബത്തിനും സഹിക്കേണ്ടിവന്നു. നിലാദ്രിയുടെ ഭാര്യ ഉഷാറാണിക്ക് 2005 -ൽ ഉണ്ടായ ദർശനങ്ങളാണ് അദ്ദേഹത്തിന്റെ ജീവിതത്തിലെ നാടകീയ പരിവർത്തനത്തിന് വഴിയൊരുക്കിയത്. മദ്യപാനം ഉപേക്ഷിക്കണമെന്ന് അവൾ ഭർത്താവിനോട് നിർദ്ദേശിച്ചു. വീട്ടിൽ മത്സ്യമാംസാദികൾ ഉപയോഗിക്കുന്നതും വിലക്കി. തന്റെ അഞ്ചു മക്കളെയും രോഗബാധിതരാക്കിയിരുന്ന ദുഷ്ടശക്തിയെ ആട്ടിയോടിക്കുവാനുള്ള ശ്രമമായിരുന്നു അത്. (പിന്നീട് അവൾക്ക് ഒരു കുഞ്ഞ് കൂടി പിറന്നിരുന്നു.) ഒരാളുടെ അസുഖം ശമിക്കുമ്പോഴേക്കും അടുത്ത ആൾ കിടപ്പിലാകും. ഉഷാറാണി അനുസ്മരിച്ചു. പ്രശ്നപരിഹാരാർത്ഥം ആ കുടുംബം അനേകം ക്ഷേത്രങ്ങളിൽ പോയി. പൂജാരിമാരെ സന്ദർശിച്ചു. ദുഷ്ടാരൂപികളെ ബഹിഷ്‌കരിക്കുന്നതിന് അവർ നിർദ്ദേശിച്ച യാഗക്രിയകളെല്ലാം നിറവേറ്റി. ഈ നെട്ടോട്ടത്തിനിടയിൽ സ്വർണ്ണാഭരണങ്ങളും 18 ആടുകളെയും വിൽക്കേണ്ടിവന്നു. കുടുംബസ്വത്തായി ലഭിച്ച ഫലഭൂയിഷ്‌ഠമായ അഞ്ചേക്കർ സ്ഥലത്ത് കൃഷിയിറക്കുവാൻ, നിരാശയും ദാരിദ്ര്യവും നിമിത്തം, നിലാദ്രിക്കു കഴിഞ്ഞില്ല. കൃഷിയിടം പാട്ടത്തിനുകൊടുത്ത് മുൻകൂറായി കിട്ടിയ സംഖ്യ കൊണ്ടാണ് നിലാദ്രി കുടുംബം മുന്നോട്ടുകൊണ്ടുപോയിരുന്നത്. ക്ഷേത്ര സന്ദർശനങ്ങളും ബലിയർപ്പണങ്ങളും തുടരുമ്പോഴും സ്ഥിതിഗതികൾ കൂടുതൽ വഷളാവുകയായിരുന്നു. മാരകമായി രോഗം ബാധിച്ച മൂന്നാമത്തെ കുട്ടി മീനയെ 2005 ഒക്ടോബർ മൂന്നിന് ആശുപത്രിയിൽ പ്രവേശിപ്പിക്കേണ്ടി വന്നു.നിലാദ്രി മകളോടൊത്ത് ആശുപത്രിയിലും ഭാര്യ മറ്റു മക്കൾക്ക് സുഖമില്ലാതിരുന്നതിനാൽ വീട്ടിലുമാണ് കഴിഞ്ഞിരുന്നത്. ഒക്ടോബർ ആറാംതീയതി വീട്ടിൽ തിരിച്ചെത്തിയ നിലാദ്രിയോട് രണ്ടു ദിവസം മുമ്പ് ഒരു പാസ്റ്റർ വീട്ടിൽ വന്ന വിശേഷം ഉഷാറാണി പങ്കുവച്ചു. പാസ്റ്റർ പവിത്ര മഹാമ കാട്ടയെ ആദ്യം കണ്ട അനുഭവം നിലാദ്രി പങ്കുവച്ചു. "എനിക്ക് മറ്റു മാർഗ്ഗങ്ങളൊന്നും ഉണ്ടായിരുന്നില്ല. ചുറ്റുപാടും ഇരുട്ടും നിരാശയുമായിരുന്നു. അതിനാൽ പാസ്റ്റർ പ്രാർത്ഥന ആരംഭിച്ചപ്പോൾ ഞാനും അത് ശ്രദ്ധിച്ചു. രണ്ടുമണിക്കൂർ ദീർഘിച്ച പ്രാർത്ഥനയ്ക്കുശേഷം എനിക്ക് അൽപം ആശ്വാസം തോന്നി. പാസ്റ്റർ പവിത്രയുടെ സന്ദർശനത്തോടെ വീട്ടിലുണ്ടായ അത്ഭുതകരമായ മാറ്റങ്ങളെക്കുറിച്ച് നിലാദ്രി പറഞ്ഞു; 'മീനയുടെ സ്ഥിതി മെച്ചമായി. വളരെ ദിവസങ്ങൾക്കുശേഷം അവൾ ഭക്ഷണം കഴിച്ചു. മറ്റു കുട്ടികളാകട്ടെ, ഓടിക്കളിക്കാനും തുടങ്ങി. പെട്ടെന്നുള്ള ഈ മാറ്റങ്ങൾ കണ്ട് എനിക്ക് വിശ്വസിക്കാൻ കഴിഞ്ഞില്ല. ഏറെ നാളുകൾക്കുശേഷം കുടുംബത്തിൽ നിരാശയ്ക്കു പകരം പ്രത്യാശയും ആഹ്ളാദവും കളിയാടി." പാസ്റ്റർ പവിത്ര, നിലാദ്രിയുടെ ഭവനത്തിൽ നിത്യസന്ദർശകനാനണെന്നത് കാട്ടുതീ പോലെ പടർന്നു. അതോടെ നിലാദ്രിയുടെ സംഘപരിവാർ കൂട്ടാളികൾ കലിപൂണ്ടു. 2006 ഫെബ്രുവരിയിൽ നിലാദ്രിയുടെ ബുദ്ധിമാന്ദ്യമുള്ള പതിനാറുകാരനായ മകൻ ബാന്ധുവിനെ കാണാതായി. ഇതറിഞ്ഞ ഏതാനും ഹിന്ദുക്കൾ പ്രതികരിച്ചത് ഇപ്രകാരമാണ്. "നീ ക്രിസ്തുമതം സ്വീകരിച്ചതിനാൽ നിനക്ക് മകനെ ഒരിക്കലും തിരിച്ചുകിട്ടുകയില്ല. നിന്റെ മകനെ നഷ്ടപ്പെട്ടപ്പോൾ നിന്റെ കർത്താവ് എവിടെയാണ്?" കുത്തുവാക്കുകൾ ശ്രദ്ധിക്കാതെ നിലാദ്രി ആത്മധൈര്യത്തോടെ പ്രാർത്ഥന തുടർന്നു. അദ്ദേഹം മകന്റെ തിരോധാനത്തെക്കുറിച്ച് പോലീസിൽ പരാതിപ്പെട്ടതിനെ തുടർന്ന് കേസ് രജിസ്റ്റർ ചെയ്തു. കന്ധമാൽ ജില്ലാ കളക്ടർക്ക് നിവേദനം നൽകി. മകനെ കണ്ടെത്തുന്നതിന് വക്കീലന്മാരുടെ സഹായത്തോടെ ഒഡീഷാ ഹൈക്കോടതിയെ സമീപിക്കുകയും ചെയ്തു. നിലാദ്രിയുടെ പരിശ്രമങ്ങൾ വിഫലമായില്ല. കന്ധമാലിൽ നിന്ന് 1,500 കി.മീ. അകലെയുള്ള പോണ്ടിച്ചേരിയിൽ നിന്ന് മകനെ കണ്ടുകിട്ടി. കാണാതായതിന് 37 ദിവസങ്ങൾക്കു ശേഷം ബാന്ധുവിനെ വീട്ടിൽ തിരിച്ചെത്തിച്ചപ്പോഴാണ് ഗൂഡാലോചനയുടെ ചുരുളഴിഞ്ഞത്. ഹിന്ദുമതം ഉപേക്ഷിച്ച നിലാദ്രിയെ ഒരു പാഠം പഠിപ്പിക്കുന്നതിന് കാവിസംഘം തന്നെ നടപ്പിലാക്കിയതായിരുന്നു ഈ തട്ടിക്കൊണ്ടുപോകൽ. പാസ്റ്റർ പവിത്രയുടെ പ്രാർത്ഥനാഫലമായി നിലാദ്രിയുടെ കുടുംബം കൈവരിച്ച സൗഖ്യം അറിഞ്ഞ അയൽവാസികൾ അത്ഭുതപ്പെട്ടു. ശമിക്കാത്ത രക്തസ്രാവമുണ്ടായിരുന്ന മകൾക്കുവേണ്ടി, ലോഹരി കൺഹർ പാസ്റ്ററിനെ തേടി നിലാദ്രിയുടെ ഭവനത്തിലെത്തിയത് അങ്ങനെയാണ്. രോഗിയായ പെൺകുട്ടിക്കുവേണ്ടി പ്രാർത്ഥിച്ചതിനുശേഷം, പാസ്റ്റർ പവിത്ര ആ അമ്മയോടു പറഞ്ഞു: "ദൈവം നിങ്ങളുടെ മകളെ രക്ഷിക്കും." അവരുടെ അഭ്യർത്ഥന മാനിച്ച് പാസ്റ്റർ ആ സ്ത്രീയുടെ വീട്ടിൽ പോയി പ്രാർത്ഥിച്ചു. ഏറെ ദിവസങ്ങളായി അബോധാവസ്ഥയിലായിരുന്നു അവളുടെ മകൾ, പ്രാർത്ഥന കഴിഞ്ഞയുടൻ കണ്ണുകൾ തുറന്ന് "അമ്മേ" എന്ന് വിളിച്ചു. ഇതുകണ്ടുനിന്ന ലോഹരി വിസ്മയിച്ചു. നിലാദ്രി ആ വീട്ടിൽ ചെല്ലുമ്പോൾ ആ പെൺകുട്ടി എഴുന്നേറ്റിരിക്കുകയായിരുന്നു. പിറ്റേദിവസം പാസ്റ്ററുമൊത്ത് നിലാദ്രി അവിടെ ചെന്നപ്പോൾ ആ കുട്ടി പുസ്തകം വായിക്കുന്നതാണ് കണ്ടത്. മറ്റൊരു ഹിന്ദു കുടുംബം കൂടി പാസ്റ്ററുടെ സ്വാധീനത്തിലായത് മൗലികവാദികൾ ചൊടിപ്പിച്ചു. അവർ 2007 മെയ് 6-ന് പാസ്റ്റർ പവിത്രയെ മർദ്ദിച്ചവശനാക്കി. (നീലാദ്രിയെക്കാൾ ഏറെമുമ്പ് ക്രിസ്തുമതം സ്വീകരിച്ച് പാസ്റ്ററായിത്തുതീർന്ന പവിത്ര കുറെ നാളുകളായി സ്വാമി ലക്ഷ്മണാനന്ദയുടെയും അനുയായികളുടെയും നോട്ടപ്പുള്ളികളിൽ ഒരാളായിരുന്നു. ചക്കപ്പാട് എന്ന സ്ഥലത്ത് സ്വാമി ലക്ഷ്മണാനന്ദ നടത്തിയിരുന്ന ഹോസ്റ്റലിൽ താമസിച്ച് ഹൈസ്ക്കൂൾ പഠനം പൂർത്തിയാക്കിയ പവിത്ര, 1999 വരെ സ്വാമിയുടെ ആഹ്വാനപ്രകാരം ദൈവാലയങ്ങൾ ആക്രമിക്കുകയും ക്രൈസ്തവരെ പുനർ പരിവർത്തനപ്പെടുത്തിത്തുകയും ചെയ്തിരുന്ന സംഘപരിവാറിലെ സജീവ അംഗമായിരുന്നു. മരണം വേട്ടയാടിയിരുന്നു ഒരു ഭവനമായിരുന്നു പവിത്രയുടേത്. മാതാപിതാക്കൾ, ജ്യേഷ്ഠൻ, അടുത്ത ബന്ധു എന്നിവരുടെ പെട്ടെന്നുള്ള മരണത്തെ തുടർന്ന് പവിത്രയ്ക്ക് ഒരു ദർശനമുണ്ടായി. ക്രൈസ്തവനാകാൻ പവിത്ര തീരുമാനിച്ചു. ക്രിസ്തുമതം സ്വീകരിച്ച് ഏതാനും വർഷങ്ങൾക്കുശേഷം തന്റെ ആദിഗര ഗ്രാമം വിട്ട്, കന്ധമാലിൽ നിന്ന് 350 കി.മീ. ദൂരെയുള്ള റൂർക്കല ബൈബിൾ കോളേജിൽ പരിശീലത്തിനായി പവിത്ര ചേർന്നു. തുടർന്ന്, പാസ്റ്ററായി കന്ധമാലിൽ മടങ്ങിവന്നപ്പോഴാണ് നിലാദ്രിയുടെ മാനസാന്തരത്തിന് പാസ്റ്റർ പവിത്ര വഴിയൊരുക്കിയത്.) ആക്രമണത്തിന്റെ ഫലമായി പാസ്റ്റർ പവിത്രയുടെ കഴുത്തിനും മറ്റും ഗുരുതരമായ പരുക്കുകൾ ഏറ്റു. മുറിവേറ്റ പാസ്റ്ററിനെ ആശുപത്രിയിലെത്തിക്കാൻ ഗ്രാമവാസികളിലാരും മുന്നോട്ട് വന്നില്ല, കാരണം, സംഘപരിവാർ നിലാദ്രിക്കും പാസ്റ്റർ പവിത്രയ്ക്കുമെതിരെ സാമൂഹിക ബഹിഷ്‌കരണം പ്രഖ്യാപിച്ചിരുന്നു. പോലീസ് എത്തേണ്ടിവന്നു അദ്ദേഹത്തെ ആശുപത്രിയിലേക്ക് കൊണ്ടുപോകുവാൻ. പാസ്റ്റർ പവിത്രയെ തല്ലിച്ചതച്ചതിനുശേഷം ആക്രമികൾ ഒന്നടങ്കം തൊട്ടടുത്തുള്ള പോലീസ്‌സ്റ്റേഷനിലേക്കു നീങ്ങി. നിലാദ്രിക്കെതിരെ അവർ നിരവധി ആരോപണങ്ങൾ ഉന്നയിച്ചു. മതപരിവർത്തന കുറ്റം ചുമത്തി അദ്ദേഹത്തെ ഉടൻ ബന്ധനസ്ഥനാക്കണമെന്ന് ശഠിച്ച് അവർ സ്റ്റേഷനിൽ കുത്തിയിരിപ്പു സമരവും നടത്തി. കാവിപ്പടയുടെ മുൻ സഹപ്രവർത്തകർ തന്നെയും ആക്രമിക്കുവാൻ പദ്ധതിയിട്ടത് മനസ്സിലാക്കിയ നിലാദ്രി ഗ്രാമം വിട്ടുപോയി. തന്റെ ജീവിതഗതി മാറ്റിമറിച്ച പാസ്റ്ററെ, രണ്ടു ദിവസം കഴിഞ്ഞ്, ആശുപത്രിയിലെത്തി നിലാദ്രി സന്ദർശിച്ചു. ദേഹമാസകലം പരുക്കുകളുണ്ടെങ്കിലും പാസ്റ്ററുടെ വിശ്വാസതീക്ഷ്ണതയ്ക്ക് ഒരു കുറവും സംഭവിച്ചിരുന്നില്ല. അദ്ദേഹം പതിവായി അതിരാവിലെ വിശ്വശാന്തിക്കുവേണ്ടിയും, ദേശീയ, സംസ്ഥാന, ഗ്രാമീണ തലങ്ങളിലുള്ള നേതാക്കൾക്കുവേണ്ടിയും പ്രാർത്ഥിച്ചിരുന്നു, നിലാദ്രി വിവരിച്ചു. അന്ന് പ്രഭാതപ്രാർത്ഥനയ്ക്കുശേഷം അദ്ദേഹം നിശ്ശബ്ദനായിരുന്നു. ഒന്നും സംസാരിക്കാത്തതിന്റെ കാരണം നിലാദ്രി ചോദിച്ചപ്പോൾ, പാസ്റ്റർ പറഞ്ഞു: "നീ വിശ്വാസത്തെ പ്രതി എന്നെക്കാൾ കൂടുതൽ സഹിക്കേണ്ടിവരും." ഇതു കേട്ടതോടെ നിലാദ്രി ഞെട്ടി. ഈ പ്രവചനം വൈകാതെ അന്വർത്ഥമായി. അക്രമിസംഘം ജൂലൈ 27-ന് നിലാദ്രിയെ പിടികൂടി. ഇരുകൈകളും പിന്നിൽ ബന്ധിച്ച് അയാളെ ഗ്രാമത്തിലെ സമ്മേളനസ്ഥലത്തേക്ക് കൊണ്ടുപോയി. തീപ്പന്തങ്ങളുടെ വെളിച്ചത്തിലാണ് അവർ നിലാദ്രിയെ വിചാരണ ചെയ്തത്. "എല്ലാവരും എനിക്കെതിരായിരുന്നു. ഒരാൾപോലും എന്നെ പിന്തുണച്ചില്ല. എന്നെ ക്രൂരമായി തല്ലിച്ചതച്ചിട്ട് അവർ പൊയ്ക്കളഞ്ഞു. പോലീസെത്തിയാണ് പാതിരായോടടുത്ത് എന്നെ സ്റ്റേഷനിൽ എത്തിച്ചത്. ഡോക്ടറുടെപക്കൽ കൊണ്ടുപോകണമെന്നുള്ള എന്റെ യാചന അവർ ചെവിക്കൊണ്ടില്ല. അസമയത്ത് ഒരു ഡോക്ടറെയും കാണിക്കാൻ കഴിയില്ലെന്ന് പോലീസുകാർ ശഠിച്ചു. അവസാനം പുലർച്ചെ മൂന്നുമണിയോടെ മുടന്തിയാണ് ഞാൻ വീട്ടിലെത്തിയത്," നിലാദ്രി തന്റെ തിക്താനുഭവം വിവരിച്ചു. നിലാദ്രി ഹിന്ദുമതത്തെ ഒറ്റിക്കൊടുക്കുകയും ക്രൈസ്തവനായിത്തീരുകയും ചെയ്തിട്ടും "എന്താണ് നിങ്ങൾ ഉറങ്ങുന്നത്?" എന്ന് ചോദിച്ച് സ്വാമി ലക്ഷ്മണാനന്ദ അവിടത്തെ സംഘപരിവാർ നേതാക്കളെ ശകാരിച്ചിരുന്നു. ഇതിനുശേഷമാണ് തനിക്കെതിരെ ആക്രമണം അഴിച്ചുവിട്ടതെന്ന് നിലാദ്രി എടുത്തുപറഞ്ഞു. സ്വാമി ലക്ഷ്മണാനന്ദയ്ക്ക് നിലാദ്രിയോട് കോപം തോന്നാൻ കാരണങ്ങളുണ്ടായിരുന്നു. സ്വാമിയാണ് ചക്കപ്പാടിലെ തന്റെ ആശ്രമത്തിനു സമീപത്തുള്ള ഹോസ്റ്റലിൽ 1980 മുതൽ രണ്ടു വർഷക്കാലം നിലാദ്രിയുടെ പഠനത്തിന് വഴിയൊരുക്കിയത്. "സ്വാമി യാത്ര ചെയ്യുമ്പോൾ അദ്ദേഹത്തിന്റെ മുറിക്ക് പുറത്ത് കാവൽക്കാരനായിരുന്നു ഞാൻ," നിലാദ്രി തന്റെ മുൻകാലം വെളിപ്പെടുത്തി. 1984-ൽ കന്ധമാലിലുടനീളമുള്ള സ്വാമിയുടെ രഥയാത്രയിൽ രക്ഷാഭടന്മാരിൽ ഒരാളായി അദ്ദേഹം നിലാദ്രിയെ തെരഞ്ഞെടുത്തിരുന്നു. ഈ യാത്രയ്ക്കിടയിൽ നൂറുകണക്കിന് ക്രൈസ്തവരെ ബലം പ്രയോഗിച്ച് പുനർപരിവർത്തനത്തിന് വിധേയരാക്കുകയും ചെയ്തിരുന്നു. വിശ്വസ്തനായ ശിഷ്യനായി മാറിയതോടെ, സ്വാമിയുടെ ഗ്രാമങ്ങളിലൂടെയുള്ള രഥയാത്ര പലതും നിലാദ്രിയായിരുന്നു സംഘടിപ്പിച്ചിരുന്നത്. സുബർണഗിരി, കൊട്ടഗഡ് എന്നീ സ്ഥലങ്ങളിൽ ക്രൈസ്തവരെ ആക്രമിക്കാനും ദൈവാലയങ്ങൾ തകർക്കാനും ക്രൈസ്തവരെ കൂട്ടമായി പുനർപരിവർത്തനച്ചടങ്ങിന് കൊണ്ടുവരുവാനും നിലാദ്രി നേതൃത്വം നൽകി. ഇത്തരം ആക്രമണങ്ങളുടെ പേരിൽ ക്രൈസ്തവർ പലതവണ നിലാദ്രിക്കെതിരെ പോലീസിൽ പരാതിപ്പെട്ടു. എങ്കിലും നിലാദ്രി കാവിപ്പടയുടെ ആളായിരുന്നതിനാൽ പോലീസ് ആരോപണങ്ങളൊന്നും ഗൗനിച്ചില്ല. അയാൾക്കെതിരെ ചെറുവിരൽ പോലും അനക്കിയുമില്ല. എന്നാൽ നിലാദ്രി ക്രിസ്ത്യാനിയായി മാറിയ നിമിഷം മുതൽ പോലീസിന്റെ കണ്ണുകളിൽ കുറ്റവാളിയായി. 2007 സെപ്റ്റംബറിൽ, മതപരിവർത്തന പ്രേരണാകുറ്റം ചുമത്തി, നിലാദ്രിയെയും പാസ്റ്റർ പവിത്രയെയും പോലീസ് അറസ്റ്റ് ചെയ്തു. ഒരു ക്രിസ്തീയ സംഘടനാ ജാമ്യത്തിലിറക്കുന്നതുവരെ ഒരാഴ്ചയോളം അവർക്കു ജയിലിൽ കിടക്കേണ്ടിവന്നു. ഇതിനിടയിൽ സംഘപരിവാർ നിലാദ്രിയെ "ഹിന്ദു വഞ്ചകൻ" എന്ന് പ്രഖ്യാപിക്കുകയും, അയാളുമായി സമ്പർക്കം പുലർത്തുന്നവർ പതിനായിരം രൂപ പിഴ അടയ്‌ക്കേണ്ടതാണെന്ന് കൽപ്പിക്കുകയും ചെയ്തു. നിലാദ്രിയുടെ ജ്യേഷ്ഠൻ നിർമൽ ഗ്രാമത്തിലെ പോസ്റ്റോഫീസ് നടത്തുകയായിരുന്നു. അദ്ദേഹവും ഇളയ സഹോദരൻ മുകുന്ദും നിലാദ്രിയെ സമീപിച്ച് ഹിന്ദുമതത്തിലേക്ക് മടങ്ങണമെന്ന് അഭ്യർത്ഥിച്ചു. അല്ലാത്തപക്ഷം നിലാദ്രിക്കെതിരെയുള്ള സാമൂഹിക ബഹിഷ്കരണത്തിൽ തങ്ങൾക്കും പങ്കുചേരേണ്ടിവരുമെന്ന് തുറന്നുപറയാനും അവർ മടിച്ചില്ല. നിലാദ്രിയുടെ നിലപാടിൽ മാറ്റമില്ലെന്ന് ബോധ്യമായതോടെ സ്വന്തം സഹോദരന്മാർപോലും മിണ്ടാതെയായി. എങ്കിലും, അവരുടെ ഭീതിയുടെയും വിദ്വേഷത്തിന്റെയും ആഴം എത്രമാത്രമുണ്ടെന്ന് നിലാദ്രിക്കു പിന്നീടാണ് മനസ്സിലായത്. ഇതിനകം ഗ്രാമവാസികളെല്ലാം നിലാദ്രിക്കെതിരെയുള്ള ഊരുവിലക്ക് കർക്കശമായി പാലിച്ചുതുടങ്ങിയിരുന്നു. തൽഫലമായി അദ്ദേഹത്തിന്റെ ഇളയ രണ്ടു മക്കൾക്ക് സ്ക്കൂളിൽ പോകാൻപോലും കഴിഞ്ഞില്ല. "ഞങ്ങളോട് സംസാരിക്കാൻപോലും ആരും തയ്യാറായില്ല. സ്വപ്നയെ സ്‌കൂളിൽ നിന്ന് അവർ പുറത്താക്കി," നിലാദ്രി വിവരിച്ചു. (മൂന്ന് വര്ഷങ്ങള്ക്കുശേഷം 11 വയസ്സായ ആ കുട്ടിയെ ഒരു ക്രിസ്ത്യൻ ഹോസ്റ്റൽ സ്‌കൂളിൽ മൂന്നാം ക്ലാസ്സിലാണ് ചേർത്തത്.) ഇളയമകൾ മീര ഗ്രാമത്തിലുള്ള ബാലവാടിയിൽ പഠിക്കുന്നതുപോലും അവർ തടഞ്ഞു. സാമൂഹിക ബഹിഷ്കരണത്തിന്റെ ഫലമായി സ്വന്തം കുടുംബത്തെ തീറ്റിപ്പോറ്റാനും നിലാദ്രി ഏറെ കഷ്ടപ്പെട്ടു. പലപ്പോഴും പട്ടിണി കിടക്കേണ്ടിവന്നുവെങ്കിലും വിശ്വാസത്തിനു ക്ഷതമേൽക്കാതെ അവർ ധൈര്യപൂർവ്വം ചെറുത്തുനിന്നു. 2007 ക്രിസ്മസ് സമയത്ത് ക്രൈസ്തവവിരുദ്ധ അക്രമങ്ങൾ പൊട്ടിപ്പുറപ്പെട്ടപ്പോൾ അപകടം മണത്തറിഞ്ഞ നിലാദ്രി ഒളിവിൽപോയി. അക്രമങ്ങൾ അവസാനിച്ചതോടെ നിലാദ്രി ഗ്രാമത്തിൽ തിരിച്ചെത്തി. കാവിപ്പടയിലെ തന്റെ മുൻകാല സുഹൃത്തുക്കളുമായി ചന്തയിൽവച്ച് അദ്ദേഹം ഒരു "സൗഹൃദ" സംഭാഷണത്തിലേർപ്പെട്ടു. "ഇന്ത്യയുടേത് ഒരു ഹൈന്ദവ പൈതൃകമാണ്. ക്രിസ്തുമതമാകട്ടെ ആരംഭം മുതൽ ഉണ്ടായിരുന്നില്ല. നീ എന്തിനാണ് ഒരു വിദേശിമതം സ്വീകരിക്കുന്നത്?" അവർ നിലാദ്രിയോട് ചോദിച്ചു. "എന്താണ് യഥാർത്ഥമതം എന്നതിനെക്കുറിച്ച് നിങ്ങളോട് പറയാൻ മാത്രം ഞാൻ പണ്ഡിതനല്ല. എന്നെ സംബന്ധിച്ച് മറ്റുള്ളവരെ സ്നേഹിക്കുന്നതും സേവിക്കുന്നതുമാണ് മതം. നുണ പറയുന്നതും അപരനെ പ്രഹരിക്കുന്നതും ഒരു മതത്തിന്റെയും ഭാഗമല്ലെന്നും എനിക്കറിയാം," നിലാദ്രി തിരിച്ചടിച്ചു. നിലാദ്രിയുടെ വാദങ്ങളെ ഖണ്ഡിക്കാൻ ശ്രമിച്ചുകൊണ്ട് ഹിന്ദുമതത്തിന് ക്രിസ്തുമതത്തേക്കാൾ ഏറെ പൈതൃകമുണ്ടെന്ന് അവർ സമർത്ഥിച്ചു. കൂടാതെ ഹൈന്ദവ ദേവീ-ദേവഗണങ്ങളെക്കുറിച്ച് അവർ വിശദീകരണവും നൽകി. ചർച്ച ഒരിടത്തും എത്താതെയായപ്പോൾ അവർ നിലാദ്രിയോട് പറഞ്ഞു: "ഒരു ക്രിസ്ത്യാനിയെപ്പോലും കന്ധമാലിൽ ജീവിക്കാൻ ഞങ്ങൾ അനുവദിക്കില്ല." വിട്ടുകൊടുക്കാൻ നീലാദ്രിക്ക് മനസുണ്ടായിരുന്നില്ല. ഉരുളയ്ക്കുപ്പേരി കണക്കെ നിലാദ്രി പറഞ്ഞു: " എന്റെ അവസാന ശ്വാസംവരെ ഞാൻ ക്രിസ്ത്യാനിയായിരിക്കും." അന്നേരം അവർ ഒന്നടങ്കം വിളിച്ചുകൂവി: "ഇയാൾക്ക് ഭ്രാന്താണ്." വൈകാതെ ആർ.എസ്.എസ്. അംഗമായ ഒരു മുതിർന്ന അഭിഭാഷകൻ നിലാദ്രിക്ക് വളരെ അടുപ്പമുള്ള മദ്ധ്യസ്ഥനെ അയച്ചു. കാവിസംഘത്തിൽ തിരിച്ചെത്തിയാൽ നഷ്ടപ്പെട്ട വസ്തുവകകളെല്ലാം നൽകാമെന്ന് അയാൾ ഉറപ്പുകൊടുത്തു. "ഒരിക്കലും സാധ്യമല്ല," എന്നായിരുന്നു നിലാദ്രിയുടെ ശക്തമായ മറുപടി. തന്നെയുമല്ല, തന്നെ കുമ്പിട്ടാരാധിച്ചാൽ, ഈ ലോക ;സമ്പത്തെല്ലാം ലഭ്യമാക്കാമെന്നു സാത്താൻ യേശുവിനെപോലും പ്രലോഭിപ്പിച്ച് സംഭവം അനുസ്മരിപ്പിച്ചതിനുശേഷമാണ് നിലാദ്രി ആ സന്ദേശവാഹകനെ മടക്കി അയച്ചത്. 2008 ആഗസ്റ്റ് 23-ന് സ്വാമി ലക്ഷ്മണാനന്ദ കൊല്ലപ്പെടുന്നതുവരെ മറ്റ് നാടകീയ സംഭവങ്ങളൊന്നും ഉണ്ടായില്ല. നടുക്കുന്ന ആ വാർത്ത കേട്ടപ്പോൾത്തന്നെ തനിക്കെന്താണ് സംഭവിക്കാൻ പോകുന്നതെന്ന് നിലാദ്രി ഊഹിച്ചു. പ്രതീക്ഷിച്ചതുപോലെ പിറ്റേദിവസം സന്ധ്യയ്ക്ക് മതഭ്രാന്തന്മാർ അയാളുടെ വീട്ടിലെത്തി. അതിനു മുമ്പേതന്നെ, നിലാദ്രി കുടുംബസമേതം കാട്ടിലേക്ക് പലായനം ചെയ്തിരുന്നു. തന്റെ മക്കൾ കാട്ടിൽ വിശന്നു പൊരിയുന്നതുകണ്ട്‌ നിവൃത്തിയില്ലാതെ, നാലു ദിവസങ്ങൾക്കുശേഷം, അവർ വീട്ടിലേക്കു മടങ്ങി. മാരകായുധങ്ങളേന്തിയ 40 പേരുടെ ഒരു സംഘം മണിക്കൂറുകൾക്കുള്ളിൽ നിലാദ്രിയുടെ വീട് വളഞ്ഞു. വീടിനുമുന്നിൽ നിന്നിരുന്ന അദ്ദേഹത്തെ ചിലർ കല്ലെറിഞ്ഞു. ആ കൂട്ടത്തിൽ കുറേപ്പേർ നിലാദ്രിയുടെ പൂർവ്വ സംഘപരിവാർ സഹചാരികളായിരുന്നു. അവർ പഴയസുഹൃത്തിനെ ആക്രമിക്കുവാൻ മടിച്ചുനിന്നു. "ഞാൻ ഒന്നും മിണ്ടാതെ അവരെ ശ്രദ്ധിച്ചുനിൽക്കുമ്പോൾ ഒരുത്തൻ പെട്ടെന്ന് മുന്നോട്ടു കുതിച്ച് ഇരുമ്പു ദണ്ഡുകൊണ്ട് എന്റെ ചെവി ഭാഗത്ത് ആഞ്ഞടിച്ചു. തൽക്ഷണം ഞാൻ ബോധമറ്റ് വീണു. അവർ തുടർന്നും മൃഗീയമായി മർദ്ദിക്കുകയും പോകുന്നതിനുമുമ്പ് എന്തോ ദ്രാവകം (മരക്കറ) എന്റെ കണ്ണിൽ ഒഴിക്കുകയുമുണ്ടായി," പിന്നീട് ഭാര്യ പറഞ്ഞത് നിലാദ്രി ആവർത്തിച്ചു. നിലാദ്രി നിശ്ചലനായി കിടക്കുന്നതുകണ്ട ഭാര്യ ഉഷാറാണി, ആ "മൃതശരീരം" ഒരു തുണിയിട്ടു മൂടി. ഒട്ടും വൈകാതെ, മക്കളെയും കൊണ്ട് അവൾ കാട്ടിലേയ്‌ക്കോടി. നിലാദ്രി മൃഗീയമായി ആക്രമിക്കപ്പെട്ട വിവരം അറിഞ്ഞ്, അന്ന് രാത്രീ വളരെ വൈകിയാണ് പോലീസ് ആ വിദൂര ഗ്രാമത്തിലെത്തിയത്. വഴിയിൽ നിറുത്തിയിട്ടിരുന്ന പോലീസ് വാഹനത്തിലേക്ക്, നിലാദ്രിയുടെ ബോധമറ്റ ശരീരം എടുത്തുവയ്ക്കുവാൻ ഗ്രാമവാസികളോട് അവർ ആവശ്യപ്പെട്ടു. സ്വന്തം സഹോദരന്മാർ ഉൾപ്പെടെ ഒരാളും അനങ്ങിയില്ല. നാട്ടുകാരുടെ നിസഹകരണം കണ്ട്, നിലാദ്രിയെ അവിടെയിട്ട് പോലീസ് തിരിച്ചുപോയി. ഭർത്താവ് ജീവനോടെയിരിക്കുന്ന കാഴ്ചയാണ് പിറ്റേന്ന് രാവിലെ ഉഷാറാണി വീട്ടിൽ വന്നപ്പോൾ കണ്ടത്. അവൾ അദ്ദേഹത്തിന് വെള്ളം കൊടുത്തു. "കഠിനവേദനകൊണ്ട് എനിക്ക് അനങ്ങാൻ പോലും സാധിച്ചില്ല. ആശുപത്രിയിലെവച്ച് പാസ്റ്റർ പവിത്ര പ്രവചിച്ചതിന്റെ പൊരുൾ അപ്പോഴാണ് എനിക്ക് ഓർമവന്നത്," നിലാദ്രി പറഞ്ഞു. വൈകാതെ പോലീസ് വീണ്ടും സ്ഥലത്തെത്തി. ഗ്രാമവാസികൾ പതിവുപോലെ ഓടിക്കൂടി.നിസ്സഹായാവസ്ഥയിലായിരുന്ന നിലാദ്രിയെ വണ്ടിയിൽ കയറ്റുവാൻ സഹായിക്കണമെന്ന് അവരോട് പോലീസ് വീണ്ടും ആവശ്യപ്പെട്ടപ്പോൾ ഒരാളും കൂട്ടാക്കിയില്ല. ആദ്യം ഒഴുഞ്ഞുമാറിയത് ഇളയ സഹോദരൻ മുകുന്ദായിരുന്നു. ഊരുവിലക്ക് ലംഘിച്ചാൽ പതിനായിരം രൂപ അടയ്‌ക്കേണ്ടിവരും എന്നതായിരുന്നു അയാളുടെ ഉത്കണഠ. ഒടുവിൽ, പോലീസുകാർ തന്നെ നിലാദ്രിയെ വണ്ടിയിൽ കയറ്റി ഫുൾബാനിയിലുള്ള സർക്കാർ ആശുപത്രിയിലേക്ക് കൊണ്ടുപോയി. "ഇതൊക്കെ കഴിഞ്ഞിട്ടും, എനിക്ക് നിരാശ തോന്നിയില്ല, തന്നെ അനുഗമിക്കുന്നവൻ പീഡിപ്പിക്കപ്പെടുമെന്നും വീട്ടുകാരാൽ പരിത്യജിക്കപ്പെടുമെന്നും യേശുതന്നെ പഠിപ്പിച്ചിട്ടുണ്ടല്ലോ," ദീർഘകാലം ക്രിസ്ത്യാനികളെ പീഡിപ്പിച്ച നിലാദ്രി വിശ്വാസതീക്ഷ്ണതയോടെ കൂട്ടിച്ചേർത്തു. "എന്നെ വധിക്കാനും ഭാര്യയേയും മക്കളെയും വീണ്ടും ഹിന്ദുക്കളാക്കാനും അവർക്ക് വ്യക്തമായ പദ്ധതി ഉണ്ടായിരുന്നു. അതുകൊണ്ടാണ് എന്റെ വീട് നശിപ്പിക്കാതിരുന്നത്," നിലാദ്രി എടുത്തുപറഞ്ഞു. ഫുൽബാനിയിലെ ജില്ലാ ആശുപത്രി പരുക്കേറ്റവരെക്കൊണ്ട് നിറഞ്ഞിരുന്നതുകൊണ്ട്, അവിടെനിന്ന് 180 കി.മീ. ദൂരെയുള്ള ബെറാംപൂരിലെ മെഡിക്കൽ കോളേജ് ആശുപത്രിയിലേക്ക് ഗുരുതരമായി പരിക്കേറ്റിരുന്ന നിലാദ്രിയെ മാറ്റി. "പല മുറിവുകളിലും രക്തം കട്ടപിടിച്ചിരുന്നു. എന്നാലും ഒരു എല്ലുപോലും ഒടിഞ്ഞിരുന്നില്ല. ഇത് അത്ഭുതമല്ലാതെ മറ്റെന്താണ്?" നിലാദ്രി ചോദിച്ചു. "ഈ സാക്ഷ്യം നൽകുന്നതിന് ഞാൻ ജീവിച്ചിരിക്കട്ടെയെന്ന് ദൈവം കരുതിയിരിക്കണം. അല്ലാത്തപക്ഷം, ഞാൻ കൊല്ലപ്പെടാതിരിക്കുവാൻ ഒരു കാരണവുമില്ല," നിലാദ്രി ഉറച്ച വിശ്വാസത്തോടെ പറഞ്ഞു. ക്രിസ്ത്യാനിയായതിന്റെ പേരിൽ പലതവണ മർദ്ദിക്കപ്പെട്ടതിൽ പരിതപിക്കുന്നുണ്ടോ എന്ന് ഞാൻ ചോദിച്ചപ്പോൾ, കോരിത്തരിപ്പിക്കുന്നതായിരുന്നു, നിലാദ്രിയുടെ മറുപടി: "യേശുവിനെ കുരിശിൽ തറച്ചു. ആ ക്രിസ്തുവിൽ വിശ്വസിക്കുന്നതിന്റെ പേരിൽ മുറിവേറ്റതിൽ എനിക്ക് സന്തോഷമേയുള്ളൂ." ബെരാംപൂരിലെ സർക്കാർ മെഡിക്കൽ കോളേജ് ആശുപത്രിയിൽ നിന്ന് 2008 ഒക്ടോബറിൽ ഡിസ്ചാർജ് ചെയ്തതുമുതൽ ഭുവനേശ്വറിലെ മിഷനറീസ് ഓഫ് ചാരിറ്റി സിസ്റ്റേഴ്‌സായിരുന്നു നിലാദ്രിയെ ശുശ്രൂഷിച്ചിരുന്നത്. ഇവിടെവച്ചാണ് 2009 ജനുവരിയിൽ ഞാൻ ആദ്യമായി നിലാദ്രിയെ കണ്ടുമുട്ടിയത്. അദ്ദേഹത്തിന്റെ ഇടതു കണ്ണിൽ ഒരു മുറിവുള്ളത് ഞാൻ ശ്രദ്ധിച്ചു. ഈ കാഴ്ചയാണ് മേലുദ്ധരിച്ച ചോദ്യത്തിന് എന്നെ പ്രേരിപ്പിച്ചത്. നിലാദ്രിയുടെ ഇടതുകണ്ണിൽ അക്രമികൾ മരക്കറ ഒഴിച്ചതിനാൽ മൂന്ന് ശസ്ത്രക്രിയയ്ക്കുശേഷവും ആ കണ്ണിന്റെ കാഴ്ചശക്തി തിരിച്ചുകിട്ടിയിരുന്നില്ല. പക്ഷെ, നിലാദ്രിക്ക് യാതൊരു പരിഭവവുമുണ്ടായിരുന്നില്ല എന്നതാണ് ശ്രദ്ധേയമായ കാര്യം. അഞ്ചുമാസമായി ഫുൾബാനിയിലെ അഭയാർത്ഥി കേന്ദ്രത്തിൽ നരകിച്ചു കഴിഞ്ഞിരുന്ന തന്റെ ഭാര്യയെയും മക്കളെയും നിലാദ്രിക്ക് കാണാൻ കഴിഞ്ഞിരുന്നില്ല. 2009 ഡിസംബറിൽ കന്ധമാലിൽ ചെന്ന്, ഞാൻ നിലാദ്രിയെ അന്വേഷിച്ച് കണ്ടെത്താനുള്ള ശ്രമം നടത്തി. പലരോട്‌ ചോദിച്ചതിന്റെ ഫലമായി ഫുൽബാനിയിൽ ചേരിയിലെ വാടകവീട്ടിലാണ് ഭാര്യയും മക്കളുമൊത്ത് അദ്ദേഹം താമസിക്കുന്നതെന്നറിഞ്ഞു. ഞാൻ നിലാദ്രി താമസിച്ചിരുന്ന ചേരിയിൽ പോയി അദ്ദേഹത്തിന്റെ വാടകവീട് കണ്ടെത്തി. "എന്റെ നാട്ടിൽ ക്രൈസ്തവനായി ഞാൻ മാത്രമേയുള്ളൂ. അവരെ എതിർത്ത് അവിടെ ജീവിക്കാൻ കഴിയില്ല. അതുകൊണ്ടാണ് ഞാൻ ഇവിടെ (ചേരിയിൽ) വാടകയ്ക്ക് താമസിക്കുന്നത്," തന്റെ നിസ്സഹായത വ്യക്തമാക്കിക്കൊണ്ട് നിലാദ്രി പറഞ്ഞു. മുതിർന്ന രണ്ട പെൺമക്കളെ ക്രിസ്ത്യൻ ഹോസ്റ്റലുകളിലാക്കിയിരുന്നു. എന്നാലും കുടുംബത്തെ തീറ്റിപ്പോറ്റാനും വീട്ടുവാടക കൊടുക്കാനും നിലാദ്രി ഞെരുങ്ങുകയായിരുന്നു. ആ കുടുംബത്തിന് അടിയന്തിര സഹായം നൽകിയാണ് ഞാൻ നിലാദ്രിയോട് യാത്രപറഞ്ഞത്. മൂന്നുമാസം കഴിഞ്ഞ് വീണ്ടും കണ്ടപ്പോൾ നിലാദ്രിക്ക് മറ്റൊരു കദനകഥ കൂടി പറയാനുണ്ടായിരുന്നു. ഭുവനേശ്വറിൽ നിന്ന് 60 കി.മീ. ദൂരെയുള്ള പൂരിയിൽ മിഷനറീസ് ഓഫ് ചാരിറ്റി ബ്രദേഴ്‌സ് നടത്തിയിരുന്ന സ്ഥാപനത്തിൽ നിന്ന് നിലാദ്രിയുടെ മൂത്ത മകൻ ബാന്ധുവിനെ 2010 ഫെബ്രുവരിയിൽ ആകസ്മികമായി കാണാതായതോടെ നിലാദ്രിയുടെ വിശ്വാസത്തനിമ വീണ്ടും പരീക്ഷിക്കപ്പെട്ടു. ബുദ്ധിമാന്ദ്യമുള്ള മൂത്തമകനെ കണ്ടെത്താനും കഴിഞ്ഞിട്ടില്ല. കുടുംബം പുലർത്തുന്നതിന് തന്റെ ഫലഭൂയിഷ്‌ഠമായ കൃഷിസ്ഥലം പാട്ടത്തിനുകൊടുക്കാൻ നിലാദ്രി നടത്തിയ ശ്രമം കാവിപ്പട തകിടംമറിച്ചു. ആ സ്ഥലത്ത് കൃഷിയിറക്കാൻ അദ്ദേഹത്തിന്റെ സഹോദരന്മാരെപോലും അവർ അനുവദിച്ചതുമില്ല. നിലാദ്രി ഗ്രാമത്തിൽ തിരിച്ചെത്തണമെന്നും ഹിന്ദുമതത്തിലേക്ക് വീണ്ടുംവരണം എന്നുമായിരുന്നു അവരുടെ ശാഠ്യം. അതുവരെ ആ സ്ഥലം കൃഷിചെയ്യാതെ കിടക്കട്ടെ എന്ന് അവർ കൽപിച്ചു. ക്രൈസ്തവവിരുദ്ധ കലാപത്തിന്റെ രണ്ടാം വാർഷികം പ്രമാണിച്ച് 2010 ആഗസ്റ്റ് 22-24 തീയതികളിൽ ന്യൂഡൽഹിയിൽ ദേശീയ ജനകീയ ട്രൈബൂണൽ മുമ്പാകെ പീഡനങ്ങളെക്കുറിച്ച് സാക്ഷ്യം പറയുന്നതിന് നിലാദ്രിയെയും എത്തിച്ചിരുന്നു. സാക്ഷ്യം നൽകാൻ നീലാദ്രി വേദിയിലെത്തിയപ്പോൾ ഒന്നും പറയാൻ വിധികർത്താക്കൾ സമ്മതിച്ചില്ല. പോലീസ് സ്റ്റേഷനിൽ പരാതിപ്പെടുകയും എഫ്.ഐ.ആർ. രജിസ്റ്റർ ചെയ്യുകയും ചെയ്തിരുന്ന കേസുകൾ മാത്രമേ ജനകീയ കോടതി പരിഗണിക്കുകയുള്ളൂവെന്ന് ഏതാനും മാസങ്ങൾ മുമ്പ് ഡൽഹി ഹൈക്കോടതി ചീഫ് ജസ്റ്റിസായി വിരമിച്ച എ.പി.ഷാ തീർപ്പു കൽപ്പിച്ചു. തന്നെ മരണാസന്നനാക്കിയ ആക്രമണത്തെക്കുറിച്ച് നിലാദ്രി പോലീസിൽ പരാതി കൊടുത്തിരുന്നില്ല. എന്തുകൊണ്ടാണ് ക്രൂരമായി പീഡിപ്പിക്കപ്പെട്ടിട്ടും കേസ് കൊടുക്കാതിരുന്നതെന്ന എന്റെ ചോദ്യത്തിന് നിലാദ്രിയുടെ മറുപടി ഇതായിരുന്നു. "കുരിശിൽ കിടന്ന് തന്നെ മർദ്ദിച്ചവരോട് നിരുപാധികമായി ക്ഷമിച്ച യേശുവിൽ വിശ്വസിക്കുന്ന എനിക്ക് എന്നെ ആക്രമിച്ചവർക്കെതിരേ എങ്ങനെ പോലീസിൽ പരാതിപ്പെടാനാകും? ശത്രുക്കളോട് ക്ഷമിക്കുവാനാണ് യേശു നമ്മെ പഠിപ്പിച്ചിട്ടുള്ളത്. ഞാൻ അവരോട് ഇതിനകം ക്ഷമിച്ചുകഴിഞ്ഞു." നിലാദ്രിയുടെ ജ്യേഷ്ഠൻ നിർമൽ 2010 ഒക്ടോബർ 9-ന് നിര്യാതനായി. ആ സന്ദർഭത്തിൽ തന്റെ ജീവൻ പണയപ്പെടുത്തിക്കൊണ്ടാണ് നിലാദ്രി സ്വന്തം ഗ്രാമത്തിലേക്ക് പോയത്. മൗലികവാദികളുടെ കോപം അസ്തമിച്ചിരുന്നില്ല. ഭീഷണിയുമായി അവർ രംഗത്തെത്തി. "ഹിന്ദുവാകാതെ ഈ ഗ്രാമത്തിലേക്കു തിരിച്ചുവരുവാൻ നിനക്കെങ്ങനെ ധൈര്യമുണ്ടായി? അടുത്തതവണ ഹിന്ദുവാകാതെ ഇവിടെ വന്നാൽ നീ ജീവനോടെ തിരിച്ചുപോകില്ല." ഇതുകേട്ട നിലാദ്രി ജ്യേഷ്ഠന്റെ മരണാനന്തര ചടങ്ങുകൾക്കുമുമ്പേ മടങ്ങി. ഏറ്റവും മൂത്ത സഹോദരന്റെ മരണശേഷവും ഇളയവനായ മുകുന്ദ് നിലാദ്രിയോട് വിദ്വേഷത്തോടെയാണ് പെരുമാറിയിരുന്നത്. നിലാദ്രി ഹിന്ദുമതം ഉപേക്ഷിക്കുക വഴി തങ്ങളുടെ കുടുംബത്തിനുതന്നെ പേരുദോഷം വരുത്തിവച്ച് എന്നതായിരുന്നു മുകുന്ദിന്റെ പരാതി. നിർമ്മലിന്റെ മരണത്തിനുശേഷം മൂന്നാഴ്‌ച കഴിഞ്ഞപ്പോൾ അദ്ദേഹത്തിന്റെ 21 വയസ്സുകാരി മകൾ ടൂണി അപസ്മാര രോഗത്താൽ മരണമടഞ്ഞു. വിവരമറിഞ്ഞിട്ടും സ്വന്തം ഗ്രാമത്തിലേക്ക് പോകുവാൻ നിലാദ്രി ധൈര്യപ്പെട്ടില്ല. 2011 ജനുവരി ആദ്യവാരത്തിൽ, ക്രിസ്തുമതം ത്യജിക്കാൻ തയ്യാറായാൽ, പൂമാല ചാർത്തി, പ്രദക്ഷിണമായി, സ്വന്തം ഗ്രാമത്തിലേക്ക് സ്വീകരിച്ചാനയിക്കാമെന്ന് മുതിർന്ന സംഘപരിവാർ നേതാക്കൾ നിലാദ്രിയെ പ്രലോഭിപ്പിച്ചു. നിലാദ്രിയാകട്ടെ, ക്രിസ്തീയ വിശ്വാസത്തിൽ ഉറച്ചുനിൽക്കുകയും വിശ്വാസത്തിന്റെ വിഷയത്തിൽ ഒരു വിട്ടുവീഴ്ചയ്ക്കും തയ്യാറല്ലെന്ന് തറപ്പിച്ചുപറയുകയും ചെയ്തു. "ഞാൻ തീരുമാനം എടുത്തുകഴിഞ്ഞു. അതിൽ ഉറച്ചുനിൽക്കുന്നതിന് എന്ത് വിലകൊടുക്കാനും ഞാൻ സന്നദ്ധനാണ്. വീണ്ടും അവിടെ ചെന്നാൽ, ഞാൻ മുൻകാലങ്ങളിൽ ചെയ്തിട്ടുള്ളതുപോലെ, അവർ എന്നെ ബലംപ്രയോഗിച്ച് പുനർപരിവർത്തനപ്പെടുത്താനിടയുണ്ട്," നിലാദ്രി പറഞ്ഞു. "ദൈവത്തിന് എന്നെക്കുറിച്ച് ചില പദ്ധതികൾ ഉണ്ടായിരിക്കും. എനിക്ക് ഒട്ടും ഉത്കണ്ഠയില്ല." "കന്ധമാലിലെ വിശുദ്ധ പൗലോസ്" എന്ന ശീർഷകം തീർത്തും അർഹിക്കുന്ന നിലാദ്രി കൂട്ടിച്ചേർത്തു. പൗലോസിനെപോലെ അദ്ദേഹവും ഒരു പുതിയ ജീവിതപാത വെട്ടിത്തെളിച്ചു. സ്വാമിയുടെ ഘാതകരെയാണ് മുദ്രകുത്തി ജീവപര്യന്തത്തിന് ശിക്ഷിക്കപ്പെട്ട് ജയിലിൽ കഴിയുന്ന നിരപരാധികളായ ഏഴ് ക്രിസ്ത്യാനികളുടെ പതിവ് സന്ദർശകനായി മാറി നിലാദ്രി. ക്രൈസ്തവനായതിന്റെ പേരിൽ മതപരിവർത്തന കുറ്റം ചാർത്തി ഒരുകാലത്ത് തന്നെ പാർപ്പിച്ച ഫുൽബാനി ജയിൽ സന്ദർശിക്കുകയും തടവിൽകഴിയുന്ന ക്രൈസ്തവരെ സമാശ്വസിപ്പിക്കുകയും ചെയ്ത കൂലിക്കാരനായ നിലാദ്രി സ്വന്തം ജീവൻ തൃണവത്ഗണിച്ച് ഒഡീഷയിലും മറ്റ് സംസ്ഥാനങ്ങളിൽപോലും ക്രൈസ്തവ സമ്മേളനങ്ങളിൽ അനുഭവസാക്ഷ്യം നൽകിവരുന്നു. സ്വാമി ലക്ഷ്മണാനന്ദയെ കൊലപ്പെടുത്തിയെന്ന കുറ്റമാരോപിച്ച് തടങ്കലിലടയ്ക്കപ്പെട്ടിരുന്ന ഏഴു ക്രൈസ്തവരെ സന്ദർശിക്കുന്നതിന്, 2012 ജൂലൈ അഞ്ചിന്, ഞാൻ ഫുൽബാനിയിലെ അതിവേഗ കോടതിയിൽ പോയിരുന്നു. അവരെ കോടതിയിൽ ഹാജരാക്കിയപ്പോൾ, ആ "കുറ്റാരോപിത" ക്രൈസ്തവരെ കാണുന്നതിന് നിലാദ്രി പാഞ്ഞെത്തിയതുകണ്ട്‌ ഞാൻ വിസമയഭരിതനായി. തടവുപുള്ളികളെയെല്ലാം, അവരുടെ കൈവിലങ്ങുകൾ കൂട്ടിക്കെട്ടി നിലത്താണ് ഇരുത്തിയിരുന്നത്. നീട്ടിപ്പിടിച്ച തോക്കുകളുമായി പോലീസ് ചുറ്റും നിന്നിരുന്നു. കോടതി മുറിയിൽ കൈവിലങ്ങണിഞ്ഞിരുന്ന തടവുകാരുടെയിടയിലിരിക്കുവാൻ നിലാദ്രിക്ക് ഭയമോ വൈമനസ്യമോ ഉണ്ടായിരുന്നില്ല. കോടതിയിൽ ഓരോ മാസവും രണ്ടുതവണ വീതം ഈ തടവുകാരെ വിചാരണക്ക് കൊണ്ടുവന്നപ്പോൾ, നിലാദ്രി ആ അവസരം നഷ്ടപ്പെടുത്താറില്ലായിരുന്നു. (ഞാൻ രചിച്ച "|Shining Faith in Kandhamal " 'തീയിൽ തിളങ്ങിയ വിശ്വാസം' എന്ന് മലയാള വിവർത്തനം എന്ന പുസ്തകത്തിന്റെ ആമുഖ കഥയിൽ നിലാദ്രിയുടെ അവിശ്വസനീയമായ സാക്ഷ്യം പ്രസിദ്ധപ്പെടുത്തിയതുമുതൽ, ഞാൻ അദ്ദേഹത്തെ ബന്ധപ്പെടുകയും സഹായിക്കുകയും ചെയ്തുകൊണ്ടിരിക്കുകയാണ്. നിലാദ്രിയുടെ അത്ഭുതാവഹമായ ക്രൈസ്തവസാക്ഷ്യം വായിച്ചറിഞ്ഞ ചിലർ അദ്ദേഹത്തെ സഹായിക്കുന്നതിനായി എന്നെ ബന്ധപ്പെടാറുണ്ട്. അതോടുകൂടി ഞാനും നിലാദ്രിയും തമ്മിലുള്ള ബന്ധം കൂടുതൽ വളർന്നു. തൃശൂർ അതിരൂപതയിലെ ഞാൻ അംഗമായ ആമ്പക്കാട് ഇടവകയുടെ സഹായത്തോടെ നിലാദ്രിക്ക് ഫുൽബാനിയിൽ അഞ്ച് സെന്റ് സ്ഥലം വാങ്ങിക്കുകയും വായനക്കാരുടെ സഹായത്തോടെ വീടുപണി പൂർത്തിയാക്കുകയും ചെയ്തു. #{black->none->b->തുടരും...}# (അടുത്ത ബുധനാഴ്ച: 'യേശു എന്നെ രക്ഷിച്ചു: വെടിയുണ്ട പേറുന്ന പോലീസുകാരന്‍ ) ➤ [ 2008ൽ ഒഡിഷയിലെ കന്ധമാൽ കാടുകളിൽ ക്രിസ്ത്യാനികൾക്കെതിരെ അരങ്ങേറിയ നിഷ്ഠൂര മതപീഡനത്തെ ലോകത്തിനുമുമ്പിൽ അവതരിപ്പിച്ച പത്രപ്രവർത്തകൻ ആന്റോ അക്കരയുടെ ‘Early Christians of 21st Century’ (ഇരുപത്തിയൊന്നാം നൂറ്റാണ്ടിലെ ആദിമ ക്രിസ്ത്യാനികൾ') എന്ന ഗ്രന്ഥത്തിൽ നിന്ന് എടുത്തിട്ടുള്ളതാണ്' ഈ പരമ്പര] #{blue->none->b->ക്രൈസ്തവ ലോകത്തെ ഓരോ ചലനങ്ങളും ഉടനടി അറിയുവാന്‍ ആഗ്രഹിക്കുന്നുവോ? പ്രവാചക ശബ്ദത്തിന്റെ വാട്സാപ്പ്/ ടെലഗ്രാം ഗ്രൂപ്പുകളിലേക്ക് സ്വാഗതം }# ➤ {{ വാട്സാപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക ->https://chat.whatsapp.com/CDrwfiLvyqQICD4I0lLMhX}} ➤ {{ ടെലഗ്രാം ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക -> https://t.me/joinchat/I8BEmRGGZPdjjx48g3En4Q }}
Image: /content_image/Mirror/Mirror-2020-10-07-19:41:25.jpg
Keywords: കന്ധമാ
Category: 4
Sub Category:
Heading: നിലാദ്രി കൺഹർ - കന്ധമാലിലെ വിശുദ്ധ പൗലോസ് | കന്ധമാല്‍ ലേഖന പരമ്പര- ഭാഗം 7
Content: #{black->none->b->കന്ധമാല്‍ ക്രൈസ്തവ കൂട്ടക്കുരുതി: ഗൂഢാലോചനയില്‍ വിരിഞ്ഞ കലാപം }# {{ ലേഖന പരമ്പരയുടെ ആദ്യഭാഗം വായിക്കുവാന്‍ ഇവിടെ ക്ലിക്ക് ചെയ്യുക -> http://www.pravachakasabdam.com/index.php/site/news/14148}} #{black->none->b->കന്ധമാലില്‍ ക്രൈസ്തവ വിശ്വാസത്തിനു വേണ്ടി തീപ്പന്തമായ കർഷകൻ }# {{ ലേഖന പരമ്പരയുടെ രണ്ടാം ഭാഗം വായിക്കുവാന്‍ ഇവിടെ ക്ലിക്ക് ചെയ്യുക -> http://www.pravachakasabdam.com/index.php/site/news/14208}} #{black->none->b->പാറക്കല്ലുകൊണ്ട് കൊല്ലപ്പെട്ട പാസ്റ്റർ - കന്ധമാലിലെ വിശുദ്ധ എസ്തപ്പാനോസ് }# {{ ലേഖന പരമ്പരയുടെ മൂന്നാം ഭാഗം വായിക്കുവാന്‍ ഇവിടെ ക്ലിക്ക് ചെയ്യുക -> http://pravachakasabdam.com/index.php/site/news/14265}} #{black->none->b->കന്ധമാല്‍ കൂട്ടക്കൊലയിലെ പ്രഥമ രക്തസാക്ഷി രസാനന്ദും യേശുവിലുള്ള വിശ്വാസത്തെ പ്രതി മരണം വരിച്ച കന്തേശ്വരും }# {{ ലേഖന പരമ്പരയുടെ നാലാം ഭാഗം വായിക്കുവാന്‍ ഇവിടെ ക്ലിക്ക് ചെയ്യുക -> http://www.pravachakasabdam.com/index.php/site/news/14328}} #{black->none->b-> വിശ്വാസം വെടിയാതെ വീരമൃത്യു പ്രാപിച്ച പാസ്റ്ററും രക്തസാക്ഷിയായ ഫാ. ബെര്‍ണാഡും }# {{ ലേഖന പരമ്പരയുടെ അഞ്ചാം ഭാഗം വായിക്കുവാന്‍ ഇവിടെ ക്ലിക്ക് ചെയ്യുക -> http://www.pravachakasabdam.com/index.php/site/news/14387}} #{black->none->b-> അഗ്നിനാളങ്ങളെ അതിജീവിച്ച വൈദികൻ }# {{ ലേഖന പരമ്പരയുടെ ആറാം ഭാഗം വായിക്കുവാന്‍ ഇവിടെ ക്ലിക്ക് ചെയ്യുക -> http://pravachakasabdam.com/index.php/site/news/14444}} ആഴ്ചകളോളം നീണ്ടുനിന്ന പൈശാചിക ആക്രമണങ്ങളിൽ ഡസൻ കണക്കിനു ക്രൈസ്തവരാണ് കൊല്ലപ്പെട്ടത്. എന്നാൽ ഏതാനുംപേർ ആ കിരാത മർദ്ദനങ്ങൾ അത്ഭുതകരമായി അതിജീവിച്ചു. മരണത്തിന്റെ വക്കിൽ നിന്ന് തങ്ങളെ രക്ഷിച്ച അനുഗ്രഹത്തിന്റെ കഥകൾ ലോകത്തിന് വെളിപ്പെടുത്തുവാൻ അവരെ തുണച്ച ദൈവത്തിന്റെ വഴികൾ എത്രയോ നിഗൂഢങ്ങളാണ്. ഭാഗിക രക്തസാക്ഷിത്വം സഹിച്ച് ഭാഗ്യവശാൽ രക്ഷപെട്ടവർ അനുഭവിച്ച ക്രൂരമർദ്ദനങ്ങളുടെ കരളലിയിക്കുന്ന ഏതാനും സാക്ഷ്യങ്ങൾ ഇവിടെ ചേർക്കുന്നു. #{black->none->b->നിലാദ്രി കൺഹർ - കന്ധമാലിലെ വിശുദ്ധ പൗലോസ് }# ക്രിസ്തുവിന്റെ അനുയായികളെ പീഡിപ്പിക്കുന്നത് തന്റെ കടമയായി സ്വീകരിച്ച സാവൂൾ പൗലോസായിത്തീർന്ന മാനസാന്തരം ക്രൈസ്തവ ചരിത്രത്തിലെ ഏറ്റവും ആവേശോജ്ജ്വലമായ ഒന്നാണ്. ഡമാസ്‌ക്കസിലേക്കുള്ള യാത്രാമധ്യേയുണ്ടായ ദർശനം അദ്ദേഹത്തിന്റെ ഹൃദയത്തെ ആർദ്രമാക്കി. സാവൂൾ അനുതപിക്കുകയും ക്രിസ്ത്യാനിയാകുകയും പിന്നീട് കഠിനമായ പീഡനങ്ങൾക്ക് ഇരയാവുകയും ചെയ്തു. ഇതിനു തുല്യമാണ് നിലാദ്രി കൺഹറിന്റെ മാനസാന്തരം. സാവൂളിനെപോലെ, ക്രിസ്തീയ വിശ്വാസം ആശ്ലേഷിക്കുന്നതുവരെ വർഷങ്ങളോളം ക്രൈസ്തവരെ പീഡിപ്പിച്ച വ്യക്തിയാണ് നിലാദ്രി. ഫിരിംഗിയായ്ക്കടുത്തുള്ള തിലപ്പിള്ളി ഗ്രാമത്തിലാണ് 1970-ൽ നിലാദ്രി ജനിച്ചത്. കൗമാരകാലത്ത് സ്വാമി ലക്ഷ്മണാനന്ദയുടെ കാവൽഭടനായി വളർന്ന അദ്ദേഹം മൂന്നു പതിറ്റാണ്ടിലേറെ മൗലികവാദികളുടെ സഹചാരിയായിരുന്നു. വിശ്വ ഹിന്ദു പരിഷത്തിന്റെ പ്രാദേശിക നേതാവ് എന്ന സ്ഥാനത്തേക്ക് ക്രമേണ ഉയർന്ന നിലാദ്രി ക്രൈസ്തവർക്കെതിരെ അനേകം ആക്രമണങ്ങൾ സംഘടിപ്പിക്കുകയുണ്ടായി. വളരെയധികം ക്രൈസ്തവരെ വിശ്വാസം ത്യജിച്ച് ഹിന്ദുക്കളാകാൻ നിർബന്ധിക്കുകയും നിരവധി ദൈവാലയങ്ങൾ തകർക്കുന്നതിന് നേതൃത്വം നൽകുകയും ചെയ്തു അദ്ദേഹം. നിലാദ്രി ക്രൈസ്തവനാകാൻ നിശ്ചയിച്ചതോടെ അദ്ദേഹത്തിന്റെ ലോകംതന്നെ കീഴ്മേൽ മറിഞ്ഞപോലെയായി. അതോടെ അയാൾ സ്വന്തം കുടുംബാംഗങ്ങൾക്കുപോലും അനഭിമതനായി. കൂടാതെ, കാവിപ്പടയുടെ വിദ്വേഷവും സാമൂഹിക ബഹിഷ്‌കരണവും നിലാദ്രിക്കും കുടുംബത്തിനും സഹിക്കേണ്ടിവന്നു. നിലാദ്രിയുടെ ഭാര്യ ഉഷാറാണിക്ക് 2005 -ൽ ഉണ്ടായ ദർശനങ്ങളാണ് അദ്ദേഹത്തിന്റെ ജീവിതത്തിലെ നാടകീയ പരിവർത്തനത്തിന് വഴിയൊരുക്കിയത്. മദ്യപാനം ഉപേക്ഷിക്കണമെന്ന് അവൾ ഭർത്താവിനോട് നിർദ്ദേശിച്ചു. വീട്ടിൽ മത്സ്യമാംസാദികൾ ഉപയോഗിക്കുന്നതും വിലക്കി. തന്റെ അഞ്ചു മക്കളെയും രോഗബാധിതരാക്കിയിരുന്ന ദുഷ്ടശക്തിയെ ആട്ടിയോടിക്കുവാനുള്ള ശ്രമമായിരുന്നു അത്. (പിന്നീട് അവൾക്ക് ഒരു കുഞ്ഞ് കൂടി പിറന്നിരുന്നു.) ഒരാളുടെ അസുഖം ശമിക്കുമ്പോഴേക്കും അടുത്ത ആൾ കിടപ്പിലാകും. ഉഷാറാണി അനുസ്മരിച്ചു. പ്രശ്നപരിഹാരാർത്ഥം ആ കുടുംബം അനേകം ക്ഷേത്രങ്ങളിൽ പോയി. പൂജാരിമാരെ സന്ദർശിച്ചു. ദുഷ്ടാരൂപികളെ ബഹിഷ്‌കരിക്കുന്നതിന് അവർ നിർദ്ദേശിച്ച യാഗക്രിയകളെല്ലാം നിറവേറ്റി. ഈ നെട്ടോട്ടത്തിനിടയിൽ സ്വർണ്ണാഭരണങ്ങളും 18 ആടുകളെയും വിൽക്കേണ്ടിവന്നു. കുടുംബസ്വത്തായി ലഭിച്ച ഫലഭൂയിഷ്‌ഠമായ അഞ്ചേക്കർ സ്ഥലത്ത് കൃഷിയിറക്കുവാൻ, നിരാശയും ദാരിദ്ര്യവും നിമിത്തം, നിലാദ്രിക്കു കഴിഞ്ഞില്ല. കൃഷിയിടം പാട്ടത്തിനുകൊടുത്ത് മുൻകൂറായി കിട്ടിയ സംഖ്യ കൊണ്ടാണ് നിലാദ്രി കുടുംബം മുന്നോട്ടുകൊണ്ടുപോയിരുന്നത്. ക്ഷേത്ര സന്ദർശനങ്ങളും ബലിയർപ്പണങ്ങളും തുടരുമ്പോഴും സ്ഥിതിഗതികൾ കൂടുതൽ വഷളാവുകയായിരുന്നു. മാരകമായി രോഗം ബാധിച്ച മൂന്നാമത്തെ കുട്ടി മീനയെ 2005 ഒക്ടോബർ മൂന്നിന് ആശുപത്രിയിൽ പ്രവേശിപ്പിക്കേണ്ടി വന്നു.നിലാദ്രി മകളോടൊത്ത് ആശുപത്രിയിലും ഭാര്യ മറ്റു മക്കൾക്ക് സുഖമില്ലാതിരുന്നതിനാൽ വീട്ടിലുമാണ് കഴിഞ്ഞിരുന്നത്. ഒക്ടോബർ ആറാംതീയതി വീട്ടിൽ തിരിച്ചെത്തിയ നിലാദ്രിയോട് രണ്ടു ദിവസം മുമ്പ് ഒരു പാസ്റ്റർ വീട്ടിൽ വന്ന വിശേഷം ഉഷാറാണി പങ്കുവച്ചു. പാസ്റ്റർ പവിത്ര മഹാമ കാട്ടയെ ആദ്യം കണ്ട അനുഭവം നിലാദ്രി പങ്കുവച്ചു. "എനിക്ക് മറ്റു മാർഗ്ഗങ്ങളൊന്നും ഉണ്ടായിരുന്നില്ല. ചുറ്റുപാടും ഇരുട്ടും നിരാശയുമായിരുന്നു. അതിനാൽ പാസ്റ്റർ പ്രാർത്ഥന ആരംഭിച്ചപ്പോൾ ഞാനും അത് ശ്രദ്ധിച്ചു. രണ്ടുമണിക്കൂർ ദീർഘിച്ച പ്രാർത്ഥനയ്ക്കുശേഷം എനിക്ക് അൽപം ആശ്വാസം തോന്നി. പാസ്റ്റർ പവിത്രയുടെ സന്ദർശനത്തോടെ വീട്ടിലുണ്ടായ അത്ഭുതകരമായ മാറ്റങ്ങളെക്കുറിച്ച് നിലാദ്രി പറഞ്ഞു; 'മീനയുടെ സ്ഥിതി മെച്ചമായി. വളരെ ദിവസങ്ങൾക്കുശേഷം അവൾ ഭക്ഷണം കഴിച്ചു. മറ്റു കുട്ടികളാകട്ടെ, ഓടിക്കളിക്കാനും തുടങ്ങി. പെട്ടെന്നുള്ള ഈ മാറ്റങ്ങൾ കണ്ട് എനിക്ക് വിശ്വസിക്കാൻ കഴിഞ്ഞില്ല. ഏറെ നാളുകൾക്കുശേഷം കുടുംബത്തിൽ നിരാശയ്ക്കു പകരം പ്രത്യാശയും ആഹ്ളാദവും കളിയാടി." പാസ്റ്റർ പവിത്ര, നിലാദ്രിയുടെ ഭവനത്തിൽ നിത്യസന്ദർശകനാനണെന്നത് കാട്ടുതീ പോലെ പടർന്നു. അതോടെ നിലാദ്രിയുടെ സംഘപരിവാർ കൂട്ടാളികൾ കലിപൂണ്ടു. 2006 ഫെബ്രുവരിയിൽ നിലാദ്രിയുടെ ബുദ്ധിമാന്ദ്യമുള്ള പതിനാറുകാരനായ മകൻ ബാന്ധുവിനെ കാണാതായി. ഇതറിഞ്ഞ ഏതാനും ഹിന്ദുക്കൾ പ്രതികരിച്ചത് ഇപ്രകാരമാണ്. "നീ ക്രിസ്തുമതം സ്വീകരിച്ചതിനാൽ നിനക്ക് മകനെ ഒരിക്കലും തിരിച്ചുകിട്ടുകയില്ല. നിന്റെ മകനെ നഷ്ടപ്പെട്ടപ്പോൾ നിന്റെ കർത്താവ് എവിടെയാണ്?" കുത്തുവാക്കുകൾ ശ്രദ്ധിക്കാതെ നിലാദ്രി ആത്മധൈര്യത്തോടെ പ്രാർത്ഥന തുടർന്നു. അദ്ദേഹം മകന്റെ തിരോധാനത്തെക്കുറിച്ച് പോലീസിൽ പരാതിപ്പെട്ടതിനെ തുടർന്ന് കേസ് രജിസ്റ്റർ ചെയ്തു. കന്ധമാൽ ജില്ലാ കളക്ടർക്ക് നിവേദനം നൽകി. മകനെ കണ്ടെത്തുന്നതിന് വക്കീലന്മാരുടെ സഹായത്തോടെ ഒഡീഷാ ഹൈക്കോടതിയെ സമീപിക്കുകയും ചെയ്തു. നിലാദ്രിയുടെ പരിശ്രമങ്ങൾ വിഫലമായില്ല. കന്ധമാലിൽ നിന്ന് 1,500 കി.മീ. അകലെയുള്ള പോണ്ടിച്ചേരിയിൽ നിന്ന് മകനെ കണ്ടുകിട്ടി. കാണാതായതിന് 37 ദിവസങ്ങൾക്കു ശേഷം ബാന്ധുവിനെ വീട്ടിൽ തിരിച്ചെത്തിച്ചപ്പോഴാണ് ഗൂഡാലോചനയുടെ ചുരുളഴിഞ്ഞത്. ഹിന്ദുമതം ഉപേക്ഷിച്ച നിലാദ്രിയെ ഒരു പാഠം പഠിപ്പിക്കുന്നതിന് കാവിസംഘം തന്നെ നടപ്പിലാക്കിയതായിരുന്നു ഈ തട്ടിക്കൊണ്ടുപോകൽ. പാസ്റ്റർ പവിത്രയുടെ പ്രാർത്ഥനാഫലമായി നിലാദ്രിയുടെ കുടുംബം കൈവരിച്ച സൗഖ്യം അറിഞ്ഞ അയൽവാസികൾ അത്ഭുതപ്പെട്ടു. ശമിക്കാത്ത രക്തസ്രാവമുണ്ടായിരുന്ന മകൾക്കുവേണ്ടി, ലോഹരി കൺഹർ പാസ്റ്ററിനെ തേടി നിലാദ്രിയുടെ ഭവനത്തിലെത്തിയത് അങ്ങനെയാണ്. രോഗിയായ പെൺകുട്ടിക്കുവേണ്ടി പ്രാർത്ഥിച്ചതിനുശേഷം, പാസ്റ്റർ പവിത്ര ആ അമ്മയോടു പറഞ്ഞു: "ദൈവം നിങ്ങളുടെ മകളെ രക്ഷിക്കും." അവരുടെ അഭ്യർത്ഥന മാനിച്ച് പാസ്റ്റർ ആ സ്ത്രീയുടെ വീട്ടിൽ പോയി പ്രാർത്ഥിച്ചു. ഏറെ ദിവസങ്ങളായി അബോധാവസ്ഥയിലായിരുന്നു അവളുടെ മകൾ, പ്രാർത്ഥന കഴിഞ്ഞയുടൻ കണ്ണുകൾ തുറന്ന് "അമ്മേ" എന്ന് വിളിച്ചു. ഇതുകണ്ടുനിന്ന ലോഹരി വിസ്മയിച്ചു. നിലാദ്രി ആ വീട്ടിൽ ചെല്ലുമ്പോൾ ആ പെൺകുട്ടി എഴുന്നേറ്റിരിക്കുകയായിരുന്നു. പിറ്റേദിവസം പാസ്റ്ററുമൊത്ത് നിലാദ്രി അവിടെ ചെന്നപ്പോൾ ആ കുട്ടി പുസ്തകം വായിക്കുന്നതാണ് കണ്ടത്. മറ്റൊരു ഹിന്ദു കുടുംബം കൂടി പാസ്റ്ററുടെ സ്വാധീനത്തിലായത് മൗലികവാദികൾ ചൊടിപ്പിച്ചു. അവർ 2007 മെയ് 6-ന് പാസ്റ്റർ പവിത്രയെ മർദ്ദിച്ചവശനാക്കി. (നീലാദ്രിയെക്കാൾ ഏറെമുമ്പ് ക്രിസ്തുമതം സ്വീകരിച്ച് പാസ്റ്ററായിത്തുതീർന്ന പവിത്ര കുറെ നാളുകളായി സ്വാമി ലക്ഷ്മണാനന്ദയുടെയും അനുയായികളുടെയും നോട്ടപ്പുള്ളികളിൽ ഒരാളായിരുന്നു. ചക്കപ്പാട് എന്ന സ്ഥലത്ത് സ്വാമി ലക്ഷ്മണാനന്ദ നടത്തിയിരുന്ന ഹോസ്റ്റലിൽ താമസിച്ച് ഹൈസ്ക്കൂൾ പഠനം പൂർത്തിയാക്കിയ പവിത്ര, 1999 വരെ സ്വാമിയുടെ ആഹ്വാനപ്രകാരം ദൈവാലയങ്ങൾ ആക്രമിക്കുകയും ക്രൈസ്തവരെ പുനർ പരിവർത്തനപ്പെടുത്തിത്തുകയും ചെയ്തിരുന്ന സംഘപരിവാറിലെ സജീവ അംഗമായിരുന്നു. മരണം വേട്ടയാടിയിരുന്നു ഒരു ഭവനമായിരുന്നു പവിത്രയുടേത്. മാതാപിതാക്കൾ, ജ്യേഷ്ഠൻ, അടുത്ത ബന്ധു എന്നിവരുടെ പെട്ടെന്നുള്ള മരണത്തെ തുടർന്ന് പവിത്രയ്ക്ക് ഒരു ദർശനമുണ്ടായി. ക്രൈസ്തവനാകാൻ പവിത്ര തീരുമാനിച്ചു. ക്രിസ്തുമതം സ്വീകരിച്ച് ഏതാനും വർഷങ്ങൾക്കുശേഷം തന്റെ ആദിഗര ഗ്രാമം വിട്ട്, കന്ധമാലിൽ നിന്ന് 350 കി.മീ. ദൂരെയുള്ള റൂർക്കല ബൈബിൾ കോളേജിൽ പരിശീലത്തിനായി പവിത്ര ചേർന്നു. തുടർന്ന്, പാസ്റ്ററായി കന്ധമാലിൽ മടങ്ങിവന്നപ്പോഴാണ് നിലാദ്രിയുടെ മാനസാന്തരത്തിന് പാസ്റ്റർ പവിത്ര വഴിയൊരുക്കിയത്.) ആക്രമണത്തിന്റെ ഫലമായി പാസ്റ്റർ പവിത്രയുടെ കഴുത്തിനും മറ്റും ഗുരുതരമായ പരുക്കുകൾ ഏറ്റു. മുറിവേറ്റ പാസ്റ്ററിനെ ആശുപത്രിയിലെത്തിക്കാൻ ഗ്രാമവാസികളിലാരും മുന്നോട്ട് വന്നില്ല, കാരണം, സംഘപരിവാർ നിലാദ്രിക്കും പാസ്റ്റർ പവിത്രയ്ക്കുമെതിരെ സാമൂഹിക ബഹിഷ്‌കരണം പ്രഖ്യാപിച്ചിരുന്നു. പോലീസ് എത്തേണ്ടിവന്നു അദ്ദേഹത്തെ ആശുപത്രിയിലേക്ക് കൊണ്ടുപോകുവാൻ. പാസ്റ്റർ പവിത്രയെ തല്ലിച്ചതച്ചതിനുശേഷം ആക്രമികൾ ഒന്നടങ്കം തൊട്ടടുത്തുള്ള പോലീസ്‌സ്റ്റേഷനിലേക്കു നീങ്ങി. നിലാദ്രിക്കെതിരെ അവർ നിരവധി ആരോപണങ്ങൾ ഉന്നയിച്ചു. മതപരിവർത്തന കുറ്റം ചുമത്തി അദ്ദേഹത്തെ ഉടൻ ബന്ധനസ്ഥനാക്കണമെന്ന് ശഠിച്ച് അവർ സ്റ്റേഷനിൽ കുത്തിയിരിപ്പു സമരവും നടത്തി. കാവിപ്പടയുടെ മുൻ സഹപ്രവർത്തകർ തന്നെയും ആക്രമിക്കുവാൻ പദ്ധതിയിട്ടത് മനസ്സിലാക്കിയ നിലാദ്രി ഗ്രാമം വിട്ടുപോയി. തന്റെ ജീവിതഗതി മാറ്റിമറിച്ച പാസ്റ്ററെ, രണ്ടു ദിവസം കഴിഞ്ഞ്, ആശുപത്രിയിലെത്തി നിലാദ്രി സന്ദർശിച്ചു. ദേഹമാസകലം പരുക്കുകളുണ്ടെങ്കിലും പാസ്റ്ററുടെ വിശ്വാസതീക്ഷ്ണതയ്ക്ക് ഒരു കുറവും സംഭവിച്ചിരുന്നില്ല. അദ്ദേഹം പതിവായി അതിരാവിലെ വിശ്വശാന്തിക്കുവേണ്ടിയും, ദേശീയ, സംസ്ഥാന, ഗ്രാമീണ തലങ്ങളിലുള്ള നേതാക്കൾക്കുവേണ്ടിയും പ്രാർത്ഥിച്ചിരുന്നു, നിലാദ്രി വിവരിച്ചു. അന്ന് പ്രഭാതപ്രാർത്ഥനയ്ക്കുശേഷം അദ്ദേഹം നിശ്ശബ്ദനായിരുന്നു. ഒന്നും സംസാരിക്കാത്തതിന്റെ കാരണം നിലാദ്രി ചോദിച്ചപ്പോൾ, പാസ്റ്റർ പറഞ്ഞു: "നീ വിശ്വാസത്തെ പ്രതി എന്നെക്കാൾ കൂടുതൽ സഹിക്കേണ്ടിവരും." ഇതു കേട്ടതോടെ നിലാദ്രി ഞെട്ടി. ഈ പ്രവചനം വൈകാതെ അന്വർത്ഥമായി. അക്രമിസംഘം ജൂലൈ 27-ന് നിലാദ്രിയെ പിടികൂടി. ഇരുകൈകളും പിന്നിൽ ബന്ധിച്ച് അയാളെ ഗ്രാമത്തിലെ സമ്മേളനസ്ഥലത്തേക്ക് കൊണ്ടുപോയി. തീപ്പന്തങ്ങളുടെ വെളിച്ചത്തിലാണ് അവർ നിലാദ്രിയെ വിചാരണ ചെയ്തത്. "എല്ലാവരും എനിക്കെതിരായിരുന്നു. ഒരാൾപോലും എന്നെ പിന്തുണച്ചില്ല. എന്നെ ക്രൂരമായി തല്ലിച്ചതച്ചിട്ട് അവർ പൊയ്ക്കളഞ്ഞു. പോലീസെത്തിയാണ് പാതിരായോടടുത്ത് എന്നെ സ്റ്റേഷനിൽ എത്തിച്ചത്. ഡോക്ടറുടെപക്കൽ കൊണ്ടുപോകണമെന്നുള്ള എന്റെ യാചന അവർ ചെവിക്കൊണ്ടില്ല. അസമയത്ത് ഒരു ഡോക്ടറെയും കാണിക്കാൻ കഴിയില്ലെന്ന് പോലീസുകാർ ശഠിച്ചു. അവസാനം പുലർച്ചെ മൂന്നുമണിയോടെ മുടന്തിയാണ് ഞാൻ വീട്ടിലെത്തിയത്," നിലാദ്രി തന്റെ തിക്താനുഭവം വിവരിച്ചു. നിലാദ്രി ഹിന്ദുമതത്തെ ഒറ്റിക്കൊടുക്കുകയും ക്രൈസ്തവനായിത്തീരുകയും ചെയ്തിട്ടും "എന്താണ് നിങ്ങൾ ഉറങ്ങുന്നത്?" എന്ന് ചോദിച്ച് സ്വാമി ലക്ഷ്മണാനന്ദ അവിടത്തെ സംഘപരിവാർ നേതാക്കളെ ശകാരിച്ചിരുന്നു. ഇതിനുശേഷമാണ് തനിക്കെതിരെ ആക്രമണം അഴിച്ചുവിട്ടതെന്ന് നിലാദ്രി എടുത്തുപറഞ്ഞു. സ്വാമി ലക്ഷ്മണാനന്ദയ്ക്ക് നിലാദ്രിയോട് കോപം തോന്നാൻ കാരണങ്ങളുണ്ടായിരുന്നു. സ്വാമിയാണ് ചക്കപ്പാടിലെ തന്റെ ആശ്രമത്തിനു സമീപത്തുള്ള ഹോസ്റ്റലിൽ 1980 മുതൽ രണ്ടു വർഷക്കാലം നിലാദ്രിയുടെ പഠനത്തിന് വഴിയൊരുക്കിയത്. "സ്വാമി യാത്ര ചെയ്യുമ്പോൾ അദ്ദേഹത്തിന്റെ മുറിക്ക് പുറത്ത് കാവൽക്കാരനായിരുന്നു ഞാൻ," നിലാദ്രി തന്റെ മുൻകാലം വെളിപ്പെടുത്തി. 1984-ൽ കന്ധമാലിലുടനീളമുള്ള സ്വാമിയുടെ രഥയാത്രയിൽ രക്ഷാഭടന്മാരിൽ ഒരാളായി അദ്ദേഹം നിലാദ്രിയെ തെരഞ്ഞെടുത്തിരുന്നു. ഈ യാത്രയ്ക്കിടയിൽ നൂറുകണക്കിന് ക്രൈസ്തവരെ ബലം പ്രയോഗിച്ച് പുനർപരിവർത്തനത്തിന് വിധേയരാക്കുകയും ചെയ്തിരുന്നു. വിശ്വസ്തനായ ശിഷ്യനായി മാറിയതോടെ, സ്വാമിയുടെ ഗ്രാമങ്ങളിലൂടെയുള്ള രഥയാത്ര പലതും നിലാദ്രിയായിരുന്നു സംഘടിപ്പിച്ചിരുന്നത്. സുബർണഗിരി, കൊട്ടഗഡ് എന്നീ സ്ഥലങ്ങളിൽ ക്രൈസ്തവരെ ആക്രമിക്കാനും ദൈവാലയങ്ങൾ തകർക്കാനും ക്രൈസ്തവരെ കൂട്ടമായി പുനർപരിവർത്തനച്ചടങ്ങിന് കൊണ്ടുവരുവാനും നിലാദ്രി നേതൃത്വം നൽകി. ഇത്തരം ആക്രമണങ്ങളുടെ പേരിൽ ക്രൈസ്തവർ പലതവണ നിലാദ്രിക്കെതിരെ പോലീസിൽ പരാതിപ്പെട്ടു. എങ്കിലും നിലാദ്രി കാവിപ്പടയുടെ ആളായിരുന്നതിനാൽ പോലീസ് ആരോപണങ്ങളൊന്നും ഗൗനിച്ചില്ല. അയാൾക്കെതിരെ ചെറുവിരൽ പോലും അനക്കിയുമില്ല. എന്നാൽ നിലാദ്രി ക്രിസ്ത്യാനിയായി മാറിയ നിമിഷം മുതൽ പോലീസിന്റെ കണ്ണുകളിൽ കുറ്റവാളിയായി. 2007 സെപ്റ്റംബറിൽ, മതപരിവർത്തന പ്രേരണാകുറ്റം ചുമത്തി, നിലാദ്രിയെയും പാസ്റ്റർ പവിത്രയെയും പോലീസ് അറസ്റ്റ് ചെയ്തു. ഒരു ക്രിസ്തീയ സംഘടനാ ജാമ്യത്തിലിറക്കുന്നതുവരെ ഒരാഴ്ചയോളം അവർക്കു ജയിലിൽ കിടക്കേണ്ടിവന്നു. ഇതിനിടയിൽ സംഘപരിവാർ നിലാദ്രിയെ "ഹിന്ദു വഞ്ചകൻ" എന്ന് പ്രഖ്യാപിക്കുകയും, അയാളുമായി സമ്പർക്കം പുലർത്തുന്നവർ പതിനായിരം രൂപ പിഴ അടയ്‌ക്കേണ്ടതാണെന്ന് കൽപ്പിക്കുകയും ചെയ്തു. നിലാദ്രിയുടെ ജ്യേഷ്ഠൻ നിർമൽ ഗ്രാമത്തിലെ പോസ്റ്റോഫീസ് നടത്തുകയായിരുന്നു. അദ്ദേഹവും ഇളയ സഹോദരൻ മുകുന്ദും നിലാദ്രിയെ സമീപിച്ച് ഹിന്ദുമതത്തിലേക്ക് മടങ്ങണമെന്ന് അഭ്യർത്ഥിച്ചു. അല്ലാത്തപക്ഷം നിലാദ്രിക്കെതിരെയുള്ള സാമൂഹിക ബഹിഷ്കരണത്തിൽ തങ്ങൾക്കും പങ്കുചേരേണ്ടിവരുമെന്ന് തുറന്നുപറയാനും അവർ മടിച്ചില്ല. നിലാദ്രിയുടെ നിലപാടിൽ മാറ്റമില്ലെന്ന് ബോധ്യമായതോടെ സ്വന്തം സഹോദരന്മാർപോലും മിണ്ടാതെയായി. എങ്കിലും, അവരുടെ ഭീതിയുടെയും വിദ്വേഷത്തിന്റെയും ആഴം എത്രമാത്രമുണ്ടെന്ന് നിലാദ്രിക്കു പിന്നീടാണ് മനസ്സിലായത്. ഇതിനകം ഗ്രാമവാസികളെല്ലാം നിലാദ്രിക്കെതിരെയുള്ള ഊരുവിലക്ക് കർക്കശമായി പാലിച്ചുതുടങ്ങിയിരുന്നു. തൽഫലമായി അദ്ദേഹത്തിന്റെ ഇളയ രണ്ടു മക്കൾക്ക് സ്ക്കൂളിൽ പോകാൻപോലും കഴിഞ്ഞില്ല. "ഞങ്ങളോട് സംസാരിക്കാൻപോലും ആരും തയ്യാറായില്ല. സ്വപ്നയെ സ്‌കൂളിൽ നിന്ന് അവർ പുറത്താക്കി," നിലാദ്രി വിവരിച്ചു. (മൂന്ന് വര്ഷങ്ങള്ക്കുശേഷം 11 വയസ്സായ ആ കുട്ടിയെ ഒരു ക്രിസ്ത്യൻ ഹോസ്റ്റൽ സ്‌കൂളിൽ മൂന്നാം ക്ലാസ്സിലാണ് ചേർത്തത്.) ഇളയമകൾ മീര ഗ്രാമത്തിലുള്ള ബാലവാടിയിൽ പഠിക്കുന്നതുപോലും അവർ തടഞ്ഞു. സാമൂഹിക ബഹിഷ്കരണത്തിന്റെ ഫലമായി സ്വന്തം കുടുംബത്തെ തീറ്റിപ്പോറ്റാനും നിലാദ്രി ഏറെ കഷ്ടപ്പെട്ടു. പലപ്പോഴും പട്ടിണി കിടക്കേണ്ടിവന്നുവെങ്കിലും വിശ്വാസത്തിനു ക്ഷതമേൽക്കാതെ അവർ ധൈര്യപൂർവ്വം ചെറുത്തുനിന്നു. 2007 ക്രിസ്മസ് സമയത്ത് ക്രൈസ്തവവിരുദ്ധ അക്രമങ്ങൾ പൊട്ടിപ്പുറപ്പെട്ടപ്പോൾ അപകടം മണത്തറിഞ്ഞ നിലാദ്രി ഒളിവിൽപോയി. അക്രമങ്ങൾ അവസാനിച്ചതോടെ നിലാദ്രി ഗ്രാമത്തിൽ തിരിച്ചെത്തി. കാവിപ്പടയിലെ തന്റെ മുൻകാല സുഹൃത്തുക്കളുമായി ചന്തയിൽവച്ച് അദ്ദേഹം ഒരു "സൗഹൃദ" സംഭാഷണത്തിലേർപ്പെട്ടു. "ഇന്ത്യയുടേത് ഒരു ഹൈന്ദവ പൈതൃകമാണ്. ക്രിസ്തുമതമാകട്ടെ ആരംഭം മുതൽ ഉണ്ടായിരുന്നില്ല. നീ എന്തിനാണ് ഒരു വിദേശിമതം സ്വീകരിക്കുന്നത്?" അവർ നിലാദ്രിയോട് ചോദിച്ചു. "എന്താണ് യഥാർത്ഥമതം എന്നതിനെക്കുറിച്ച് നിങ്ങളോട് പറയാൻ മാത്രം ഞാൻ പണ്ഡിതനല്ല. എന്നെ സംബന്ധിച്ച് മറ്റുള്ളവരെ സ്നേഹിക്കുന്നതും സേവിക്കുന്നതുമാണ് മതം. നുണ പറയുന്നതും അപരനെ പ്രഹരിക്കുന്നതും ഒരു മതത്തിന്റെയും ഭാഗമല്ലെന്നും എനിക്കറിയാം," നിലാദ്രി തിരിച്ചടിച്ചു. നിലാദ്രിയുടെ വാദങ്ങളെ ഖണ്ഡിക്കാൻ ശ്രമിച്ചുകൊണ്ട് ഹിന്ദുമതത്തിന് ക്രിസ്തുമതത്തേക്കാൾ ഏറെ പൈതൃകമുണ്ടെന്ന് അവർ സമർത്ഥിച്ചു. കൂടാതെ ഹൈന്ദവ ദേവീ-ദേവഗണങ്ങളെക്കുറിച്ച് അവർ വിശദീകരണവും നൽകി. ചർച്ച ഒരിടത്തും എത്താതെയായപ്പോൾ അവർ നിലാദ്രിയോട് പറഞ്ഞു: "ഒരു ക്രിസ്ത്യാനിയെപ്പോലും കന്ധമാലിൽ ജീവിക്കാൻ ഞങ്ങൾ അനുവദിക്കില്ല." വിട്ടുകൊടുക്കാൻ നീലാദ്രിക്ക് മനസുണ്ടായിരുന്നില്ല. ഉരുളയ്ക്കുപ്പേരി കണക്കെ നിലാദ്രി പറഞ്ഞു: " എന്റെ അവസാന ശ്വാസംവരെ ഞാൻ ക്രിസ്ത്യാനിയായിരിക്കും." അന്നേരം അവർ ഒന്നടങ്കം വിളിച്ചുകൂവി: "ഇയാൾക്ക് ഭ്രാന്താണ്." വൈകാതെ ആർ.എസ്.എസ്. അംഗമായ ഒരു മുതിർന്ന അഭിഭാഷകൻ നിലാദ്രിക്ക് വളരെ അടുപ്പമുള്ള മദ്ധ്യസ്ഥനെ അയച്ചു. കാവിസംഘത്തിൽ തിരിച്ചെത്തിയാൽ നഷ്ടപ്പെട്ട വസ്തുവകകളെല്ലാം നൽകാമെന്ന് അയാൾ ഉറപ്പുകൊടുത്തു. "ഒരിക്കലും സാധ്യമല്ല," എന്നായിരുന്നു നിലാദ്രിയുടെ ശക്തമായ മറുപടി. തന്നെയുമല്ല, തന്നെ കുമ്പിട്ടാരാധിച്ചാൽ, ഈ ലോക ;സമ്പത്തെല്ലാം ലഭ്യമാക്കാമെന്നു സാത്താൻ യേശുവിനെപോലും പ്രലോഭിപ്പിച്ച് സംഭവം അനുസ്മരിപ്പിച്ചതിനുശേഷമാണ് നിലാദ്രി ആ സന്ദേശവാഹകനെ മടക്കി അയച്ചത്. 2008 ആഗസ്റ്റ് 23-ന് സ്വാമി ലക്ഷ്മണാനന്ദ കൊല്ലപ്പെടുന്നതുവരെ മറ്റ് നാടകീയ സംഭവങ്ങളൊന്നും ഉണ്ടായില്ല. നടുക്കുന്ന ആ വാർത്ത കേട്ടപ്പോൾത്തന്നെ തനിക്കെന്താണ് സംഭവിക്കാൻ പോകുന്നതെന്ന് നിലാദ്രി ഊഹിച്ചു. പ്രതീക്ഷിച്ചതുപോലെ പിറ്റേദിവസം സന്ധ്യയ്ക്ക് മതഭ്രാന്തന്മാർ അയാളുടെ വീട്ടിലെത്തി. അതിനു മുമ്പേതന്നെ, നിലാദ്രി കുടുംബസമേതം കാട്ടിലേക്ക് പലായനം ചെയ്തിരുന്നു. തന്റെ മക്കൾ കാട്ടിൽ വിശന്നു പൊരിയുന്നതുകണ്ട്‌ നിവൃത്തിയില്ലാതെ, നാലു ദിവസങ്ങൾക്കുശേഷം, അവർ വീട്ടിലേക്കു മടങ്ങി. മാരകായുധങ്ങളേന്തിയ 40 പേരുടെ ഒരു സംഘം മണിക്കൂറുകൾക്കുള്ളിൽ നിലാദ്രിയുടെ വീട് വളഞ്ഞു. വീടിനുമുന്നിൽ നിന്നിരുന്ന അദ്ദേഹത്തെ ചിലർ കല്ലെറിഞ്ഞു. ആ കൂട്ടത്തിൽ കുറേപ്പേർ നിലാദ്രിയുടെ പൂർവ്വ സംഘപരിവാർ സഹചാരികളായിരുന്നു. അവർ പഴയസുഹൃത്തിനെ ആക്രമിക്കുവാൻ മടിച്ചുനിന്നു. "ഞാൻ ഒന്നും മിണ്ടാതെ അവരെ ശ്രദ്ധിച്ചുനിൽക്കുമ്പോൾ ഒരുത്തൻ പെട്ടെന്ന് മുന്നോട്ടു കുതിച്ച് ഇരുമ്പു ദണ്ഡുകൊണ്ട് എന്റെ ചെവി ഭാഗത്ത് ആഞ്ഞടിച്ചു. തൽക്ഷണം ഞാൻ ബോധമറ്റ് വീണു. അവർ തുടർന്നും മൃഗീയമായി മർദ്ദിക്കുകയും പോകുന്നതിനുമുമ്പ് എന്തോ ദ്രാവകം (മരക്കറ) എന്റെ കണ്ണിൽ ഒഴിക്കുകയുമുണ്ടായി," പിന്നീട് ഭാര്യ പറഞ്ഞത് നിലാദ്രി ആവർത്തിച്ചു. നിലാദ്രി നിശ്ചലനായി കിടക്കുന്നതുകണ്ട ഭാര്യ ഉഷാറാണി, ആ "മൃതശരീരം" ഒരു തുണിയിട്ടു മൂടി. ഒട്ടും വൈകാതെ, മക്കളെയും കൊണ്ട് അവൾ കാട്ടിലേയ്‌ക്കോടി. നിലാദ്രി മൃഗീയമായി ആക്രമിക്കപ്പെട്ട വിവരം അറിഞ്ഞ്, അന്ന് രാത്രീ വളരെ വൈകിയാണ് പോലീസ് ആ വിദൂര ഗ്രാമത്തിലെത്തിയത്. വഴിയിൽ നിറുത്തിയിട്ടിരുന്ന പോലീസ് വാഹനത്തിലേക്ക്, നിലാദ്രിയുടെ ബോധമറ്റ ശരീരം എടുത്തുവയ്ക്കുവാൻ ഗ്രാമവാസികളോട് അവർ ആവശ്യപ്പെട്ടു. സ്വന്തം സഹോദരന്മാർ ഉൾപ്പെടെ ഒരാളും അനങ്ങിയില്ല. നാട്ടുകാരുടെ നിസഹകരണം കണ്ട്, നിലാദ്രിയെ അവിടെയിട്ട് പോലീസ് തിരിച്ചുപോയി. ഭർത്താവ് ജീവനോടെയിരിക്കുന്ന കാഴ്ചയാണ് പിറ്റേന്ന് രാവിലെ ഉഷാറാണി വീട്ടിൽ വന്നപ്പോൾ കണ്ടത്. അവൾ അദ്ദേഹത്തിന് വെള്ളം കൊടുത്തു. "കഠിനവേദനകൊണ്ട് എനിക്ക് അനങ്ങാൻ പോലും സാധിച്ചില്ല. ആശുപത്രിയിലെവച്ച് പാസ്റ്റർ പവിത്ര പ്രവചിച്ചതിന്റെ പൊരുൾ അപ്പോഴാണ് എനിക്ക് ഓർമവന്നത്," നിലാദ്രി പറഞ്ഞു. വൈകാതെ പോലീസ് വീണ്ടും സ്ഥലത്തെത്തി. ഗ്രാമവാസികൾ പതിവുപോലെ ഓടിക്കൂടി.നിസ്സഹായാവസ്ഥയിലായിരുന്ന നിലാദ്രിയെ വണ്ടിയിൽ കയറ്റുവാൻ സഹായിക്കണമെന്ന് അവരോട് പോലീസ് വീണ്ടും ആവശ്യപ്പെട്ടപ്പോൾ ഒരാളും കൂട്ടാക്കിയില്ല. ആദ്യം ഒഴുഞ്ഞുമാറിയത് ഇളയ സഹോദരൻ മുകുന്ദായിരുന്നു. ഊരുവിലക്ക് ലംഘിച്ചാൽ പതിനായിരം രൂപ അടയ്‌ക്കേണ്ടിവരും എന്നതായിരുന്നു അയാളുടെ ഉത്കണഠ. ഒടുവിൽ, പോലീസുകാർ തന്നെ നിലാദ്രിയെ വണ്ടിയിൽ കയറ്റി ഫുൾബാനിയിലുള്ള സർക്കാർ ആശുപത്രിയിലേക്ക് കൊണ്ടുപോയി. "ഇതൊക്കെ കഴിഞ്ഞിട്ടും, എനിക്ക് നിരാശ തോന്നിയില്ല, തന്നെ അനുഗമിക്കുന്നവൻ പീഡിപ്പിക്കപ്പെടുമെന്നും വീട്ടുകാരാൽ പരിത്യജിക്കപ്പെടുമെന്നും യേശുതന്നെ പഠിപ്പിച്ചിട്ടുണ്ടല്ലോ," ദീർഘകാലം ക്രിസ്ത്യാനികളെ പീഡിപ്പിച്ച നിലാദ്രി വിശ്വാസതീക്ഷ്ണതയോടെ കൂട്ടിച്ചേർത്തു. "എന്നെ വധിക്കാനും ഭാര്യയേയും മക്കളെയും വീണ്ടും ഹിന്ദുക്കളാക്കാനും അവർക്ക് വ്യക്തമായ പദ്ധതി ഉണ്ടായിരുന്നു. അതുകൊണ്ടാണ് എന്റെ വീട് നശിപ്പിക്കാതിരുന്നത്," നിലാദ്രി എടുത്തുപറഞ്ഞു. ഫുൽബാനിയിലെ ജില്ലാ ആശുപത്രി പരുക്കേറ്റവരെക്കൊണ്ട് നിറഞ്ഞിരുന്നതുകൊണ്ട്, അവിടെനിന്ന് 180 കി.മീ. ദൂരെയുള്ള ബെറാംപൂരിലെ മെഡിക്കൽ കോളേജ് ആശുപത്രിയിലേക്ക് ഗുരുതരമായി പരിക്കേറ്റിരുന്ന നിലാദ്രിയെ മാറ്റി. "പല മുറിവുകളിലും രക്തം കട്ടപിടിച്ചിരുന്നു. എന്നാലും ഒരു എല്ലുപോലും ഒടിഞ്ഞിരുന്നില്ല. ഇത് അത്ഭുതമല്ലാതെ മറ്റെന്താണ്?" നിലാദ്രി ചോദിച്ചു. "ഈ സാക്ഷ്യം നൽകുന്നതിന് ഞാൻ ജീവിച്ചിരിക്കട്ടെയെന്ന് ദൈവം കരുതിയിരിക്കണം. അല്ലാത്തപക്ഷം, ഞാൻ കൊല്ലപ്പെടാതിരിക്കുവാൻ ഒരു കാരണവുമില്ല," നിലാദ്രി ഉറച്ച വിശ്വാസത്തോടെ പറഞ്ഞു. ക്രിസ്ത്യാനിയായതിന്റെ പേരിൽ പലതവണ മർദ്ദിക്കപ്പെട്ടതിൽ പരിതപിക്കുന്നുണ്ടോ എന്ന് ഞാൻ ചോദിച്ചപ്പോൾ, കോരിത്തരിപ്പിക്കുന്നതായിരുന്നു, നിലാദ്രിയുടെ മറുപടി: "യേശുവിനെ കുരിശിൽ തറച്ചു. ആ ക്രിസ്തുവിൽ വിശ്വസിക്കുന്നതിന്റെ പേരിൽ മുറിവേറ്റതിൽ എനിക്ക് സന്തോഷമേയുള്ളൂ." ബെരാംപൂരിലെ സർക്കാർ മെഡിക്കൽ കോളേജ് ആശുപത്രിയിൽ നിന്ന് 2008 ഒക്ടോബറിൽ ഡിസ്ചാർജ് ചെയ്തതുമുതൽ ഭുവനേശ്വറിലെ മിഷനറീസ് ഓഫ് ചാരിറ്റി സിസ്റ്റേഴ്‌സായിരുന്നു നിലാദ്രിയെ ശുശ്രൂഷിച്ചിരുന്നത്. ഇവിടെവച്ചാണ് 2009 ജനുവരിയിൽ ഞാൻ ആദ്യമായി നിലാദ്രിയെ കണ്ടുമുട്ടിയത്. അദ്ദേഹത്തിന്റെ ഇടതു കണ്ണിൽ ഒരു മുറിവുള്ളത് ഞാൻ ശ്രദ്ധിച്ചു. ഈ കാഴ്ചയാണ് മേലുദ്ധരിച്ച ചോദ്യത്തിന് എന്നെ പ്രേരിപ്പിച്ചത്. നിലാദ്രിയുടെ ഇടതുകണ്ണിൽ അക്രമികൾ മരക്കറ ഒഴിച്ചതിനാൽ മൂന്ന് ശസ്ത്രക്രിയയ്ക്കുശേഷവും ആ കണ്ണിന്റെ കാഴ്ചശക്തി തിരിച്ചുകിട്ടിയിരുന്നില്ല. പക്ഷെ, നിലാദ്രിക്ക് യാതൊരു പരിഭവവുമുണ്ടായിരുന്നില്ല എന്നതാണ് ശ്രദ്ധേയമായ കാര്യം. അഞ്ചുമാസമായി ഫുൾബാനിയിലെ അഭയാർത്ഥി കേന്ദ്രത്തിൽ നരകിച്ചു കഴിഞ്ഞിരുന്ന തന്റെ ഭാര്യയെയും മക്കളെയും നിലാദ്രിക്ക് കാണാൻ കഴിഞ്ഞിരുന്നില്ല. 2009 ഡിസംബറിൽ കന്ധമാലിൽ ചെന്ന്, ഞാൻ നിലാദ്രിയെ അന്വേഷിച്ച് കണ്ടെത്താനുള്ള ശ്രമം നടത്തി. പലരോട്‌ ചോദിച്ചതിന്റെ ഫലമായി ഫുൽബാനിയിൽ ചേരിയിലെ വാടകവീട്ടിലാണ് ഭാര്യയും മക്കളുമൊത്ത് അദ്ദേഹം താമസിക്കുന്നതെന്നറിഞ്ഞു. ഞാൻ നിലാദ്രി താമസിച്ചിരുന്ന ചേരിയിൽ പോയി അദ്ദേഹത്തിന്റെ വാടകവീട് കണ്ടെത്തി. "എന്റെ നാട്ടിൽ ക്രൈസ്തവനായി ഞാൻ മാത്രമേയുള്ളൂ. അവരെ എതിർത്ത് അവിടെ ജീവിക്കാൻ കഴിയില്ല. അതുകൊണ്ടാണ് ഞാൻ ഇവിടെ (ചേരിയിൽ) വാടകയ്ക്ക് താമസിക്കുന്നത്," തന്റെ നിസ്സഹായത വ്യക്തമാക്കിക്കൊണ്ട് നിലാദ്രി പറഞ്ഞു. മുതിർന്ന രണ്ട പെൺമക്കളെ ക്രിസ്ത്യൻ ഹോസ്റ്റലുകളിലാക്കിയിരുന്നു. എന്നാലും കുടുംബത്തെ തീറ്റിപ്പോറ്റാനും വീട്ടുവാടക കൊടുക്കാനും നിലാദ്രി ഞെരുങ്ങുകയായിരുന്നു. ആ കുടുംബത്തിന് അടിയന്തിര സഹായം നൽകിയാണ് ഞാൻ നിലാദ്രിയോട് യാത്രപറഞ്ഞത്. മൂന്നുമാസം കഴിഞ്ഞ് വീണ്ടും കണ്ടപ്പോൾ നിലാദ്രിക്ക് മറ്റൊരു കദനകഥ കൂടി പറയാനുണ്ടായിരുന്നു. ഭുവനേശ്വറിൽ നിന്ന് 60 കി.മീ. ദൂരെയുള്ള പൂരിയിൽ മിഷനറീസ് ഓഫ് ചാരിറ്റി ബ്രദേഴ്‌സ് നടത്തിയിരുന്ന സ്ഥാപനത്തിൽ നിന്ന് നിലാദ്രിയുടെ മൂത്ത മകൻ ബാന്ധുവിനെ 2010 ഫെബ്രുവരിയിൽ ആകസ്മികമായി കാണാതായതോടെ നിലാദ്രിയുടെ വിശ്വാസത്തനിമ വീണ്ടും പരീക്ഷിക്കപ്പെട്ടു. ബുദ്ധിമാന്ദ്യമുള്ള മൂത്തമകനെ കണ്ടെത്താനും കഴിഞ്ഞിട്ടില്ല. കുടുംബം പുലർത്തുന്നതിന് തന്റെ ഫലഭൂയിഷ്‌ഠമായ കൃഷിസ്ഥലം പാട്ടത്തിനുകൊടുക്കാൻ നിലാദ്രി നടത്തിയ ശ്രമം കാവിപ്പട തകിടംമറിച്ചു. ആ സ്ഥലത്ത് കൃഷിയിറക്കാൻ അദ്ദേഹത്തിന്റെ സഹോദരന്മാരെപോലും അവർ അനുവദിച്ചതുമില്ല. നിലാദ്രി ഗ്രാമത്തിൽ തിരിച്ചെത്തണമെന്നും ഹിന്ദുമതത്തിലേക്ക് വീണ്ടുംവരണം എന്നുമായിരുന്നു അവരുടെ ശാഠ്യം. അതുവരെ ആ സ്ഥലം കൃഷിചെയ്യാതെ കിടക്കട്ടെ എന്ന് അവർ കൽപിച്ചു. ക്രൈസ്തവവിരുദ്ധ കലാപത്തിന്റെ രണ്ടാം വാർഷികം പ്രമാണിച്ച് 2010 ആഗസ്റ്റ് 22-24 തീയതികളിൽ ന്യൂഡൽഹിയിൽ ദേശീയ ജനകീയ ട്രൈബൂണൽ മുമ്പാകെ പീഡനങ്ങളെക്കുറിച്ച് സാക്ഷ്യം പറയുന്നതിന് നിലാദ്രിയെയും എത്തിച്ചിരുന്നു. സാക്ഷ്യം നൽകാൻ നീലാദ്രി വേദിയിലെത്തിയപ്പോൾ ഒന്നും പറയാൻ വിധികർത്താക്കൾ സമ്മതിച്ചില്ല. പോലീസ് സ്റ്റേഷനിൽ പരാതിപ്പെടുകയും എഫ്.ഐ.ആർ. രജിസ്റ്റർ ചെയ്യുകയും ചെയ്തിരുന്ന കേസുകൾ മാത്രമേ ജനകീയ കോടതി പരിഗണിക്കുകയുള്ളൂവെന്ന് ഏതാനും മാസങ്ങൾ മുമ്പ് ഡൽഹി ഹൈക്കോടതി ചീഫ് ജസ്റ്റിസായി വിരമിച്ച എ.പി.ഷാ തീർപ്പു കൽപ്പിച്ചു. തന്നെ മരണാസന്നനാക്കിയ ആക്രമണത്തെക്കുറിച്ച് നിലാദ്രി പോലീസിൽ പരാതി കൊടുത്തിരുന്നില്ല. എന്തുകൊണ്ടാണ് ക്രൂരമായി പീഡിപ്പിക്കപ്പെട്ടിട്ടും കേസ് കൊടുക്കാതിരുന്നതെന്ന എന്റെ ചോദ്യത്തിന് നിലാദ്രിയുടെ മറുപടി ഇതായിരുന്നു. "കുരിശിൽ കിടന്ന് തന്നെ മർദ്ദിച്ചവരോട് നിരുപാധികമായി ക്ഷമിച്ച യേശുവിൽ വിശ്വസിക്കുന്ന എനിക്ക് എന്നെ ആക്രമിച്ചവർക്കെതിരേ എങ്ങനെ പോലീസിൽ പരാതിപ്പെടാനാകും? ശത്രുക്കളോട് ക്ഷമിക്കുവാനാണ് യേശു നമ്മെ പഠിപ്പിച്ചിട്ടുള്ളത്. ഞാൻ അവരോട് ഇതിനകം ക്ഷമിച്ചുകഴിഞ്ഞു." നിലാദ്രിയുടെ ജ്യേഷ്ഠൻ നിർമൽ 2010 ഒക്ടോബർ 9-ന് നിര്യാതനായി. ആ സന്ദർഭത്തിൽ തന്റെ ജീവൻ പണയപ്പെടുത്തിക്കൊണ്ടാണ് നിലാദ്രി സ്വന്തം ഗ്രാമത്തിലേക്ക് പോയത്. മൗലികവാദികളുടെ കോപം അസ്തമിച്ചിരുന്നില്ല. ഭീഷണിയുമായി അവർ രംഗത്തെത്തി. "ഹിന്ദുവാകാതെ ഈ ഗ്രാമത്തിലേക്കു തിരിച്ചുവരുവാൻ നിനക്കെങ്ങനെ ധൈര്യമുണ്ടായി? അടുത്തതവണ ഹിന്ദുവാകാതെ ഇവിടെ വന്നാൽ നീ ജീവനോടെ തിരിച്ചുപോകില്ല." ഇതുകേട്ട നിലാദ്രി ജ്യേഷ്ഠന്റെ മരണാനന്തര ചടങ്ങുകൾക്കുമുമ്പേ മടങ്ങി. ഏറ്റവും മൂത്ത സഹോദരന്റെ മരണശേഷവും ഇളയവനായ മുകുന്ദ് നിലാദ്രിയോട് വിദ്വേഷത്തോടെയാണ് പെരുമാറിയിരുന്നത്. നിലാദ്രി ഹിന്ദുമതം ഉപേക്ഷിക്കുക വഴി തങ്ങളുടെ കുടുംബത്തിനുതന്നെ പേരുദോഷം വരുത്തിവച്ച് എന്നതായിരുന്നു മുകുന്ദിന്റെ പരാതി. നിർമ്മലിന്റെ മരണത്തിനുശേഷം മൂന്നാഴ്‌ച കഴിഞ്ഞപ്പോൾ അദ്ദേഹത്തിന്റെ 21 വയസ്സുകാരി മകൾ ടൂണി അപസ്മാര രോഗത്താൽ മരണമടഞ്ഞു. വിവരമറിഞ്ഞിട്ടും സ്വന്തം ഗ്രാമത്തിലേക്ക് പോകുവാൻ നിലാദ്രി ധൈര്യപ്പെട്ടില്ല. 2011 ജനുവരി ആദ്യവാരത്തിൽ, ക്രിസ്തുമതം ത്യജിക്കാൻ തയ്യാറായാൽ, പൂമാല ചാർത്തി, പ്രദക്ഷിണമായി, സ്വന്തം ഗ്രാമത്തിലേക്ക് സ്വീകരിച്ചാനയിക്കാമെന്ന് മുതിർന്ന സംഘപരിവാർ നേതാക്കൾ നിലാദ്രിയെ പ്രലോഭിപ്പിച്ചു. നിലാദ്രിയാകട്ടെ, ക്രിസ്തീയ വിശ്വാസത്തിൽ ഉറച്ചുനിൽക്കുകയും വിശ്വാസത്തിന്റെ വിഷയത്തിൽ ഒരു വിട്ടുവീഴ്ചയ്ക്കും തയ്യാറല്ലെന്ന് തറപ്പിച്ചുപറയുകയും ചെയ്തു. "ഞാൻ തീരുമാനം എടുത്തുകഴിഞ്ഞു. അതിൽ ഉറച്ചുനിൽക്കുന്നതിന് എന്ത് വിലകൊടുക്കാനും ഞാൻ സന്നദ്ധനാണ്. വീണ്ടും അവിടെ ചെന്നാൽ, ഞാൻ മുൻകാലങ്ങളിൽ ചെയ്തിട്ടുള്ളതുപോലെ, അവർ എന്നെ ബലംപ്രയോഗിച്ച് പുനർപരിവർത്തനപ്പെടുത്താനിടയുണ്ട്," നിലാദ്രി പറഞ്ഞു. "ദൈവത്തിന് എന്നെക്കുറിച്ച് ചില പദ്ധതികൾ ഉണ്ടായിരിക്കും. എനിക്ക് ഒട്ടും ഉത്കണ്ഠയില്ല." "കന്ധമാലിലെ വിശുദ്ധ പൗലോസ്" എന്ന ശീർഷകം തീർത്തും അർഹിക്കുന്ന നിലാദ്രി കൂട്ടിച്ചേർത്തു. പൗലോസിനെപോലെ അദ്ദേഹവും ഒരു പുതിയ ജീവിതപാത വെട്ടിത്തെളിച്ചു. സ്വാമിയുടെ ഘാതകരെയാണ് മുദ്രകുത്തി ജീവപര്യന്തത്തിന് ശിക്ഷിക്കപ്പെട്ട് ജയിലിൽ കഴിയുന്ന നിരപരാധികളായ ഏഴ് ക്രിസ്ത്യാനികളുടെ പതിവ് സന്ദർശകനായി മാറി നിലാദ്രി. ക്രൈസ്തവനായതിന്റെ പേരിൽ മതപരിവർത്തന കുറ്റം ചാർത്തി ഒരുകാലത്ത് തന്നെ പാർപ്പിച്ച ഫുൽബാനി ജയിൽ സന്ദർശിക്കുകയും തടവിൽകഴിയുന്ന ക്രൈസ്തവരെ സമാശ്വസിപ്പിക്കുകയും ചെയ്ത കൂലിക്കാരനായ നിലാദ്രി സ്വന്തം ജീവൻ തൃണവത്ഗണിച്ച് ഒഡീഷയിലും മറ്റ് സംസ്ഥാനങ്ങളിൽപോലും ക്രൈസ്തവ സമ്മേളനങ്ങളിൽ അനുഭവസാക്ഷ്യം നൽകിവരുന്നു. സ്വാമി ലക്ഷ്മണാനന്ദയെ കൊലപ്പെടുത്തിയെന്ന കുറ്റമാരോപിച്ച് തടങ്കലിലടയ്ക്കപ്പെട്ടിരുന്ന ഏഴു ക്രൈസ്തവരെ സന്ദർശിക്കുന്നതിന്, 2012 ജൂലൈ അഞ്ചിന്, ഞാൻ ഫുൽബാനിയിലെ അതിവേഗ കോടതിയിൽ പോയിരുന്നു. അവരെ കോടതിയിൽ ഹാജരാക്കിയപ്പോൾ, ആ "കുറ്റാരോപിത" ക്രൈസ്തവരെ കാണുന്നതിന് നിലാദ്രി പാഞ്ഞെത്തിയതുകണ്ട്‌ ഞാൻ വിസമയഭരിതനായി. തടവുപുള്ളികളെയെല്ലാം, അവരുടെ കൈവിലങ്ങുകൾ കൂട്ടിക്കെട്ടി നിലത്താണ് ഇരുത്തിയിരുന്നത്. നീട്ടിപ്പിടിച്ച തോക്കുകളുമായി പോലീസ് ചുറ്റും നിന്നിരുന്നു. കോടതി മുറിയിൽ കൈവിലങ്ങണിഞ്ഞിരുന്ന തടവുകാരുടെയിടയിലിരിക്കുവാൻ നിലാദ്രിക്ക് ഭയമോ വൈമനസ്യമോ ഉണ്ടായിരുന്നില്ല. കോടതിയിൽ ഓരോ മാസവും രണ്ടുതവണ വീതം ഈ തടവുകാരെ വിചാരണക്ക് കൊണ്ടുവന്നപ്പോൾ, നിലാദ്രി ആ അവസരം നഷ്ടപ്പെടുത്താറില്ലായിരുന്നു. (ഞാൻ രചിച്ച "|Shining Faith in Kandhamal " 'തീയിൽ തിളങ്ങിയ വിശ്വാസം' എന്ന് മലയാള വിവർത്തനം എന്ന പുസ്തകത്തിന്റെ ആമുഖ കഥയിൽ നിലാദ്രിയുടെ അവിശ്വസനീയമായ സാക്ഷ്യം പ്രസിദ്ധപ്പെടുത്തിയതുമുതൽ, ഞാൻ അദ്ദേഹത്തെ ബന്ധപ്പെടുകയും സഹായിക്കുകയും ചെയ്തുകൊണ്ടിരിക്കുകയാണ്. നിലാദ്രിയുടെ അത്ഭുതാവഹമായ ക്രൈസ്തവസാക്ഷ്യം വായിച്ചറിഞ്ഞ ചിലർ അദ്ദേഹത്തെ സഹായിക്കുന്നതിനായി എന്നെ ബന്ധപ്പെടാറുണ്ട്. അതോടുകൂടി ഞാനും നിലാദ്രിയും തമ്മിലുള്ള ബന്ധം കൂടുതൽ വളർന്നു. തൃശൂർ അതിരൂപതയിലെ ഞാൻ അംഗമായ ആമ്പക്കാട് ഇടവകയുടെ സഹായത്തോടെ നിലാദ്രിക്ക് ഫുൽബാനിയിൽ അഞ്ച് സെന്റ് സ്ഥലം വാങ്ങിക്കുകയും വായനക്കാരുടെ സഹായത്തോടെ വീടുപണി പൂർത്തിയാക്കുകയും ചെയ്തു. #{black->none->b->തുടരും...}# (അടുത്ത ബുധനാഴ്ച: 'യേശു എന്നെ രക്ഷിച്ചു: വെടിയുണ്ട പേറുന്ന പോലീസുകാരന്‍ ) ➤ [ 2008ൽ ഒഡിഷയിലെ കന്ധമാൽ കാടുകളിൽ ക്രിസ്ത്യാനികൾക്കെതിരെ അരങ്ങേറിയ നിഷ്ഠൂര മതപീഡനത്തെ ലോകത്തിനുമുമ്പിൽ അവതരിപ്പിച്ച പത്രപ്രവർത്തകൻ ആന്റോ അക്കരയുടെ ‘Early Christians of 21st Century’ (ഇരുപത്തിയൊന്നാം നൂറ്റാണ്ടിലെ ആദിമ ക്രിസ്ത്യാനികൾ') എന്ന ഗ്രന്ഥത്തിൽ നിന്ന് എടുത്തിട്ടുള്ളതാണ്' ഈ പരമ്പര] #{blue->none->b->ക്രൈസ്തവ ലോകത്തെ ഓരോ ചലനങ്ങളും ഉടനടി അറിയുവാന്‍ ആഗ്രഹിക്കുന്നുവോ? പ്രവാചക ശബ്ദത്തിന്റെ വാട്സാപ്പ്/ ടെലഗ്രാം ഗ്രൂപ്പുകളിലേക്ക് സ്വാഗതം }# ➤ {{ വാട്സാപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക ->https://chat.whatsapp.com/CDrwfiLvyqQICD4I0lLMhX}} ➤ {{ ടെലഗ്രാം ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക -> https://t.me/joinchat/I8BEmRGGZPdjjx48g3En4Q }}
Image: /content_image/Mirror/Mirror-2020-10-07-19:41:25.jpg
Keywords: കന്ധമാ
Content:
14506
Category: 18
Sub Category:
Heading: ഞായറാഴ്ച കുര്‍ബാനയ്ക്ക് 40 പേര്‍ക്ക് അനുമതി
Content: തിരുവനന്തപുരം: ക്രൈസ്തവ ആരാധനാലയങ്ങളില്‍ ഞായറാഴ്ച കുര്‍ബാനയ്ക്ക് അതത് സ്ഥലത്തെ സൗകര്യത്തിനനുസരിച്ച് കോവിഡ് മാനദണ്ഡങ്ങള്‍ പാലിച്ചു പരമാവധി 40 പേരെ വരെ അനുവദിക്കാന്‍ തീരുമാനം. ഇട ദിവസങ്ങളിലെ വിശുദ്ധ കുര്‍ബാനയ്ക്കും ഇതര ശുശ്രൂഷകള്‍ക്കും 20 പേര്‍ക്ക് മാത്രമാണ് ദേവാലയങ്ങളില്‍ പ്രവേശനം അനുവദിച്ചിരിക്കുന്നത്. മുഖ്യമന്ത്രി പിണറായി വിജയന്റെ അധ്യക്ഷതയില്‍ ചേര്‍ന്ന ഉന്നതതല യോഗത്തിലാണ് ഞായറാഴ്ച നാല്‍പ്പതു പേര്‍ക്ക് അനുമതി നല്‍കിക്കൊണ്ട് തീരുമാനമായിരിക്കുന്നത്.
Image: /content_image/India/India-2020-10-08-05:25:23.jpg
Keywords: കുര്‍ബാന
Category: 18
Sub Category:
Heading: ഞായറാഴ്ച കുര്‍ബാനയ്ക്ക് 40 പേര്‍ക്ക് അനുമതി
Content: തിരുവനന്തപുരം: ക്രൈസ്തവ ആരാധനാലയങ്ങളില്‍ ഞായറാഴ്ച കുര്‍ബാനയ്ക്ക് അതത് സ്ഥലത്തെ സൗകര്യത്തിനനുസരിച്ച് കോവിഡ് മാനദണ്ഡങ്ങള്‍ പാലിച്ചു പരമാവധി 40 പേരെ വരെ അനുവദിക്കാന്‍ തീരുമാനം. ഇട ദിവസങ്ങളിലെ വിശുദ്ധ കുര്‍ബാനയ്ക്കും ഇതര ശുശ്രൂഷകള്‍ക്കും 20 പേര്‍ക്ക് മാത്രമാണ് ദേവാലയങ്ങളില്‍ പ്രവേശനം അനുവദിച്ചിരിക്കുന്നത്. മുഖ്യമന്ത്രി പിണറായി വിജയന്റെ അധ്യക്ഷതയില്‍ ചേര്‍ന്ന ഉന്നതതല യോഗത്തിലാണ് ഞായറാഴ്ച നാല്‍പ്പതു പേര്‍ക്ക് അനുമതി നല്‍കിക്കൊണ്ട് തീരുമാനമായിരിക്കുന്നത്.
Image: /content_image/India/India-2020-10-08-05:25:23.jpg
Keywords: കുര്‍ബാന
Content:
14507
Category: 18
Sub Category:
Heading: മോണ്‍. ജോര്‍ജ് കുരിശുംമൂട്ടിലിന്റെ മെത്രാഭിഷേകം മാറ്റിവച്ചു
Content: കോട്ടയം: കോവിഡ് നിയന്ത്രണങ്ങളെത്തുടര്‍ന്നു കോട്ടയം അതിരൂപത നിയുക്ത സഹായമെത്രാന്‍ മോണ്‍. ജോര്‍ജ് കുരിശുംമൂട്ടിലിന്റെ റമ്പാന്‍ സ്ഥാനാരോഹണം അടുത്തമാസം ഏഴിലേക്കും മെത്രാഭിഷേകം 14ലേക്കും മാറ്റിവച്ചു. ശുശ്രൂഷകള്‍ക്ക് മലങ്കര സുറിയാനി കത്തോലിക്കാ സഭാ മേജര്‍ ആര്‍ച്ച് ബിഷപ്പ് കര്‍ദ്ദിനാള്‍ മാര്‍ ബസേലിയോസ് ക്ലീമിസ് കാതോലിക്കാ ബാവ മുഖ്യകാര്‍മികത്വം വഹിക്കും. കോട്ടയം ആര്‍ച്ച് ബിഷപ്പ് മാര്‍ മാത്യു മൂലക്കാട്ട്, സഹായമെത്രാന്‍ മാര്‍ ജോസഫ് പണ്ടാരശേരില്‍ എന്നിവര്‍ സഹകാര്‍മികരാകും. റമ്പാന്‍ പട്ടം ഒക്ടോബര്‍ 11നു റാന്നി സെന്റ് തെരേസാസ് ദേവാലയത്തിലും മെത്രാഭിഷേകം ഒക്ടോബര്‍ 29നു കോട്ടയം ക്രിസ്തുരാജ കത്തീഡ്രലിലും നടത്താന്‍ നേരത്തെ തീരുമാനിച്ചിരിന്നു.
Image: /content_image/India/India-2020-10-08-05:33:34.jpg
Keywords: കോട്ടയം, ക്നാ
Category: 18
Sub Category:
Heading: മോണ്‍. ജോര്‍ജ് കുരിശുംമൂട്ടിലിന്റെ മെത്രാഭിഷേകം മാറ്റിവച്ചു
Content: കോട്ടയം: കോവിഡ് നിയന്ത്രണങ്ങളെത്തുടര്‍ന്നു കോട്ടയം അതിരൂപത നിയുക്ത സഹായമെത്രാന്‍ മോണ്‍. ജോര്‍ജ് കുരിശുംമൂട്ടിലിന്റെ റമ്പാന്‍ സ്ഥാനാരോഹണം അടുത്തമാസം ഏഴിലേക്കും മെത്രാഭിഷേകം 14ലേക്കും മാറ്റിവച്ചു. ശുശ്രൂഷകള്‍ക്ക് മലങ്കര സുറിയാനി കത്തോലിക്കാ സഭാ മേജര്‍ ആര്‍ച്ച് ബിഷപ്പ് കര്‍ദ്ദിനാള്‍ മാര്‍ ബസേലിയോസ് ക്ലീമിസ് കാതോലിക്കാ ബാവ മുഖ്യകാര്‍മികത്വം വഹിക്കും. കോട്ടയം ആര്‍ച്ച് ബിഷപ്പ് മാര്‍ മാത്യു മൂലക്കാട്ട്, സഹായമെത്രാന്‍ മാര്‍ ജോസഫ് പണ്ടാരശേരില്‍ എന്നിവര്‍ സഹകാര്‍മികരാകും. റമ്പാന്‍ പട്ടം ഒക്ടോബര്‍ 11നു റാന്നി സെന്റ് തെരേസാസ് ദേവാലയത്തിലും മെത്രാഭിഷേകം ഒക്ടോബര്‍ 29നു കോട്ടയം ക്രിസ്തുരാജ കത്തീഡ്രലിലും നടത്താന്‍ നേരത്തെ തീരുമാനിച്ചിരിന്നു.
Image: /content_image/India/India-2020-10-08-05:33:34.jpg
Keywords: കോട്ടയം, ക്നാ
Content:
14508
Category: 1
Sub Category:
Heading: വയോജനങ്ങളെ പാഴ് വസ്തുക്കളെപ്പോലെ വലിച്ചെറിയുന്ന സംസ്കാരം അപകടകരം: ഫ്രാന്‍സിസ് പാപ്പ
Content: വത്തിക്കാന്‍ സിറ്റി: പാവങ്ങളെയും വയോജനങ്ങളെയും പാഴ് വസ്തുക്കളെപ്പോലെ വലിച്ചെറിയുന്ന സംസ്കാരം സമൂഹത്തില്‍ വളര്‍ന്നുവരുന്നത് അപകടകരമാണെന്നു ഫ്രാന്‍സിസ് പാപ്പ. 'എന്റെ പാപ്പ' അഥവാ 'മിയോ പാപ്പ' എന്ന ഇറ്റാലിയന്‍ ആഴ്ചപ്പതിപ്പിന് ഒക്ടോബര്‍ ആദ്യവാരം നല്‍കിയ അഭിമുഖത്തിലാണ് പാപ്പ വര്‍ദ്ധിച്ചുവരുന്ന 'വലിച്ചെറിയല്‍ സംസ്കാര'ത്തെക്കുറിച്ച് സംസാരിച്ചത്. എല്ലാം സ്വന്തമാക്കുവാന്‍ പ്രായമായ മാതാപിതാക്കളെയും സഹോദരങ്ങളെയും ഉപയോഗമില്ലാത്ത, അല്ലെങ്കില്‍ ഉപയോഗം കഴിഞ്ഞ വസ്തുക്കളെപ്പോലെ 'വലിച്ചെറിയുന്ന സംസ്കാരം' ഇന്ന് വര്‍ദ്ധിച്ചുവരുന്നുണ്ടെന്ന് പാപ്പ പറഞ്ഞു. പ്രായമായവരെയും രോഗികളെയും, ക്ലേശിക്കുന്നവരെയും പാവങ്ങളെയും സഹായിക്കുകയും സ്വീകരിക്കുകയും ഉള്‍ക്കൊള്ളുകയും ചെയ്യുന്ന സംസ്കാരമാണ് ഇന്ന് ആവശ്യമെന്ന് പാപ്പാ ഉദ്ബോധിപ്പിച്ചു. മഹാമാരി ലോകത്തെ ആകുലപ്പെടുത്തുമ്പോള്‍, കുടുംബങ്ങളിലും സമൂഹങ്ങളിലും വ്യക്തികള്‍ പരസ്പരം അടുത്തും പങ്കുവച്ചും സഹായിച്ചും ജീവിക്കുന്ന സഹോദര്യത്തിന്‍റെ അവസ്ഥ അനിവാര്യമാണ്. പൊതുനന്മയ്ക്കായി മനുഷ്യര്‍ രാജ്യത്തിന്‍റെയും ഭാഷകളുടെയും മതങ്ങളുടെയും അതിരുകള്‍ ഭേദിച്ചു മാനവികതയുടെ ഭാവി ലക്ഷ്യമാക്കി പ്രവര്‍ത്തിക്കണം. ഉള്ളതെല്ലാം എനിക്കും, എന്റെ ഇഷ്ടക്കാര്‍ക്കും എന്ന അടച്ചുകെട്ടിയ ഇന്നിന്‍റെ 'മതില്‍ സംസ്കാരം' ഉപേക്ഷിച്ച് വരും തലമുറകളുടെ നന്മയ്ക്കായി ചിന്തിക്കുകയും പ്രവര്‍ത്തിക്കുകയും അതിരുകള്‍ക്കും അപ്പുറം ചെന്ന് അപരനും അപരിചതനും ക്ലേശിക്കുന്നവനും നന്മചെയ്യുന്ന പൊതുനന്മ ലക്ഷ്യംവയ്ക്കുന്ന സാഹോദര്യത്തിന്‍റെ കൂട്ടായ്മയുടെയും സംസ്കാരം ഇന്ന് വളര്‍ത്തേണ്ടത് ആവശ്യമാണെന്നും പാപ്പ ഓര്‍മ്മിപ്പിച്ചു. #{blue->none->b->ക്രൈസ്തവ ലോകത്തെ ഓരോ ചലനങ്ങളും ഉടനടി അറിയുവാന്‍ ആഗ്രഹിക്കുന്നുവോ? പ്രവാചക ശബ്ദത്തിന്റെ വാട്സാപ്പ്/ ടെലഗ്രാം ഗ്രൂപ്പുകളിലേക്ക് സ്വാഗതം }# ➤ {{ വാട്സാപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക ->https://chat.whatsapp.com/CDrwfiLvyqQICD4I0lLMhX}} ➤ {{ ടെലഗ്രാം ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക -> https://t.me/joinchat/I8BEmRGGZPdjjx48g3En4Q }}
Image: /content_image/News/News-2020-10-08-09:09:09.jpg
Keywords: പാപ്പ
Category: 1
Sub Category:
Heading: വയോജനങ്ങളെ പാഴ് വസ്തുക്കളെപ്പോലെ വലിച്ചെറിയുന്ന സംസ്കാരം അപകടകരം: ഫ്രാന്‍സിസ് പാപ്പ
Content: വത്തിക്കാന്‍ സിറ്റി: പാവങ്ങളെയും വയോജനങ്ങളെയും പാഴ് വസ്തുക്കളെപ്പോലെ വലിച്ചെറിയുന്ന സംസ്കാരം സമൂഹത്തില്‍ വളര്‍ന്നുവരുന്നത് അപകടകരമാണെന്നു ഫ്രാന്‍സിസ് പാപ്പ. 'എന്റെ പാപ്പ' അഥവാ 'മിയോ പാപ്പ' എന്ന ഇറ്റാലിയന്‍ ആഴ്ചപ്പതിപ്പിന് ഒക്ടോബര്‍ ആദ്യവാരം നല്‍കിയ അഭിമുഖത്തിലാണ് പാപ്പ വര്‍ദ്ധിച്ചുവരുന്ന 'വലിച്ചെറിയല്‍ സംസ്കാര'ത്തെക്കുറിച്ച് സംസാരിച്ചത്. എല്ലാം സ്വന്തമാക്കുവാന്‍ പ്രായമായ മാതാപിതാക്കളെയും സഹോദരങ്ങളെയും ഉപയോഗമില്ലാത്ത, അല്ലെങ്കില്‍ ഉപയോഗം കഴിഞ്ഞ വസ്തുക്കളെപ്പോലെ 'വലിച്ചെറിയുന്ന സംസ്കാരം' ഇന്ന് വര്‍ദ്ധിച്ചുവരുന്നുണ്ടെന്ന് പാപ്പ പറഞ്ഞു. പ്രായമായവരെയും രോഗികളെയും, ക്ലേശിക്കുന്നവരെയും പാവങ്ങളെയും സഹായിക്കുകയും സ്വീകരിക്കുകയും ഉള്‍ക്കൊള്ളുകയും ചെയ്യുന്ന സംസ്കാരമാണ് ഇന്ന് ആവശ്യമെന്ന് പാപ്പാ ഉദ്ബോധിപ്പിച്ചു. മഹാമാരി ലോകത്തെ ആകുലപ്പെടുത്തുമ്പോള്‍, കുടുംബങ്ങളിലും സമൂഹങ്ങളിലും വ്യക്തികള്‍ പരസ്പരം അടുത്തും പങ്കുവച്ചും സഹായിച്ചും ജീവിക്കുന്ന സഹോദര്യത്തിന്‍റെ അവസ്ഥ അനിവാര്യമാണ്. പൊതുനന്മയ്ക്കായി മനുഷ്യര്‍ രാജ്യത്തിന്‍റെയും ഭാഷകളുടെയും മതങ്ങളുടെയും അതിരുകള്‍ ഭേദിച്ചു മാനവികതയുടെ ഭാവി ലക്ഷ്യമാക്കി പ്രവര്‍ത്തിക്കണം. ഉള്ളതെല്ലാം എനിക്കും, എന്റെ ഇഷ്ടക്കാര്‍ക്കും എന്ന അടച്ചുകെട്ടിയ ഇന്നിന്‍റെ 'മതില്‍ സംസ്കാരം' ഉപേക്ഷിച്ച് വരും തലമുറകളുടെ നന്മയ്ക്കായി ചിന്തിക്കുകയും പ്രവര്‍ത്തിക്കുകയും അതിരുകള്‍ക്കും അപ്പുറം ചെന്ന് അപരനും അപരിചതനും ക്ലേശിക്കുന്നവനും നന്മചെയ്യുന്ന പൊതുനന്മ ലക്ഷ്യംവയ്ക്കുന്ന സാഹോദര്യത്തിന്‍റെ കൂട്ടായ്മയുടെയും സംസ്കാരം ഇന്ന് വളര്‍ത്തേണ്ടത് ആവശ്യമാണെന്നും പാപ്പ ഓര്‍മ്മിപ്പിച്ചു. #{blue->none->b->ക്രൈസ്തവ ലോകത്തെ ഓരോ ചലനങ്ങളും ഉടനടി അറിയുവാന്‍ ആഗ്രഹിക്കുന്നുവോ? പ്രവാചക ശബ്ദത്തിന്റെ വാട്സാപ്പ്/ ടെലഗ്രാം ഗ്രൂപ്പുകളിലേക്ക് സ്വാഗതം }# ➤ {{ വാട്സാപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക ->https://chat.whatsapp.com/CDrwfiLvyqQICD4I0lLMhX}} ➤ {{ ടെലഗ്രാം ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക -> https://t.me/joinchat/I8BEmRGGZPdjjx48g3En4Q }}
Image: /content_image/News/News-2020-10-08-09:09:09.jpg
Keywords: പാപ്പ
Content:
14509
Category: 9
Sub Category:
Heading: മാതൃഭക്തിയിലൂടെ ക്രിസ്തുവിലേക്കെന്ന സന്ദേശവുമായി രണ്ടാം ശനിയാഴ്ച്ച കൺവെൻഷനിൽ കുട്ടികൾക്കായി പ്രത്യേക ശുശ്രൂഷ
Content: പരിശുദ്ധ ദൈവമാതാവിനോടുള്ള യഥാർത്ഥ ഭക്തിയും സ്നേഹവും വഴി യേശുവുമായി ഐക്യപ്പെടുകയെന്ന സന്ദേശമേകിക്കൊണ്ട് സെഹിയോൻ യുകെ യുടെ നേതൃത്വത്തിൽ 10ന് നടക്കുന്ന രണ്ടാം ശനിയാഴ്ച്ച കൺവെൻഷനിൽ കുട്ടികൾക്കായി പ്രത്യേക ശുശ്രൂഷ നടക്കും. ഉച്ചയ്ക്ക് 12 മുതൽ 1.15 വരെ https://youtu.be/V-XFIIoTN5A എന്ന ലിങ്കിൽ ഈ ശുശ്രൂഷയിൽ പങ്കെടുക്കാവുന്നതാണ്. മഹാമാരിയുടെ ആപത്ഘട്ടത്തെ യേശുവിൽ അതിജീവിക്കുകയെന്ന അനുഗ്രഹ സുവിശേഷവുമായി സെഹിയോൻ യുകെയുടെ നേതൃത്വത്തിൽ നടക്കുന്ന പ്രതിമാസ രണ്ടാം ശനിയാഴ്ച്ച കൺവെൻഷൻ ഇത്തവണയും ലോക്ഡൗണിന്റെ പശ്ചാത്തലത്തിൽ ഓൺലൈനിലാണ് നടക്കുക. ഡയറക്ടർ റവ.ഫാ.ഷൈജു നടുവത്താനിയിൽ നയിക്കുന്ന കൺവെൻഷനിൽ, ഓസ്കോട്ട് സെന്റ് മേരീസ് സെമിനാരി കോളേജ് സ്പിരിച്വൽ ഡയറക്ടർ കാനൻ ജോൺ യുഡ്രിസ്‌, അമേരിക്കയിൽ നിന്നുമുള്ള പ്രശസ്ത വചന പ്രഘോഷകൻ ബ്രദർ ജോർജ് പട്ടേരിൽ , സെഹിയോൻ യുകെ കാത്തലിക് മിനിസ്ട്രി യുടെ പ്രമുഖ ശുശ്രൂഷകനും രണ്ടാം ശനിയാഴ്ച്ച കൺവെൻഷന്റെ കോ ഓർഡിനേറ്ററുമായ ബ്രദർ. ജോൺസൺ ജോസഫ് എന്നിവർ ഇംഗ്ലീഷിലും മലയാളത്തിലുമുള്ള ശുശ്രൂഷകൾക്ക്‌ നേതൃത്വം നൽകും. രാവിലെ 9 മുതൽ ഉച്ചയ്ക്ക് 1 മണിവരെയായിരിക്കും മലയാളം കൺവെൻഷൻ .1 മണിമുതൽ 4 വരെ ഇംഗ്ലീഷ് കൺവെൻഷനും നടക്കും. {{ http://www.sehionuk.org/LIVE -> http://www.sehionuk.org/LIVE}} എന്ന വെബ്സൈറ്റിലും സെഹിയോൻ യൂട്യൂബ് , ഫേസ്ബുക്ക് പേജുകളിലും ശുശ്രൂഷ ലൈവ് ആയി കാണാവുന്നതാണ്. രോഗ പീഡകൾക്കെതിരെ പ്രാർത്ഥനയുടെ കോട്ടകൾ തീർത്തുകൊണ്ട് ,അത്ഭുതകരമായ വിടുതലുകളും രോഗശാന്തിയും സംഭവിച്ചുകൊണ്ടിരിക്കുന്ന ,ദേശ ഭാഷാ വ്യത്യാസമില്ലാതെ അനേകർ പങ്കെടുക്കുന്ന , വി. കുർബാന,വചന പ്രഘോഷണം, ആരാധന എന്നിവ ഉൾപ്പെടുന്ന രണ്ടാം ശനിയാഴ്ച്ച ശുശ്രൂഷയിലേക്ക് സെഹിയോൻ മിനിസ്ട്രി യേശുനാമത്തിൽ ഏവരെയും ക്ഷണിക്കുന്നു. #{black->none->b->കൂടുതൽ വിവരങ്ങൾക്ക്: }# >> ജോൺസൺ +44 7506 810177 അനീഷ് 07760 254700 ബിജുമോൻ മാത്യു 07515 368239
Image: /content_image/Events/Events-2020-10-08-10:06:23.jpg
Keywords: യേശു
Category: 9
Sub Category:
Heading: മാതൃഭക്തിയിലൂടെ ക്രിസ്തുവിലേക്കെന്ന സന്ദേശവുമായി രണ്ടാം ശനിയാഴ്ച്ച കൺവെൻഷനിൽ കുട്ടികൾക്കായി പ്രത്യേക ശുശ്രൂഷ
Content: പരിശുദ്ധ ദൈവമാതാവിനോടുള്ള യഥാർത്ഥ ഭക്തിയും സ്നേഹവും വഴി യേശുവുമായി ഐക്യപ്പെടുകയെന്ന സന്ദേശമേകിക്കൊണ്ട് സെഹിയോൻ യുകെ യുടെ നേതൃത്വത്തിൽ 10ന് നടക്കുന്ന രണ്ടാം ശനിയാഴ്ച്ച കൺവെൻഷനിൽ കുട്ടികൾക്കായി പ്രത്യേക ശുശ്രൂഷ നടക്കും. ഉച്ചയ്ക്ക് 12 മുതൽ 1.15 വരെ https://youtu.be/V-XFIIoTN5A എന്ന ലിങ്കിൽ ഈ ശുശ്രൂഷയിൽ പങ്കെടുക്കാവുന്നതാണ്. മഹാമാരിയുടെ ആപത്ഘട്ടത്തെ യേശുവിൽ അതിജീവിക്കുകയെന്ന അനുഗ്രഹ സുവിശേഷവുമായി സെഹിയോൻ യുകെയുടെ നേതൃത്വത്തിൽ നടക്കുന്ന പ്രതിമാസ രണ്ടാം ശനിയാഴ്ച്ച കൺവെൻഷൻ ഇത്തവണയും ലോക്ഡൗണിന്റെ പശ്ചാത്തലത്തിൽ ഓൺലൈനിലാണ് നടക്കുക. ഡയറക്ടർ റവ.ഫാ.ഷൈജു നടുവത്താനിയിൽ നയിക്കുന്ന കൺവെൻഷനിൽ, ഓസ്കോട്ട് സെന്റ് മേരീസ് സെമിനാരി കോളേജ് സ്പിരിച്വൽ ഡയറക്ടർ കാനൻ ജോൺ യുഡ്രിസ്‌, അമേരിക്കയിൽ നിന്നുമുള്ള പ്രശസ്ത വചന പ്രഘോഷകൻ ബ്രദർ ജോർജ് പട്ടേരിൽ , സെഹിയോൻ യുകെ കാത്തലിക് മിനിസ്ട്രി യുടെ പ്രമുഖ ശുശ്രൂഷകനും രണ്ടാം ശനിയാഴ്ച്ച കൺവെൻഷന്റെ കോ ഓർഡിനേറ്ററുമായ ബ്രദർ. ജോൺസൺ ജോസഫ് എന്നിവർ ഇംഗ്ലീഷിലും മലയാളത്തിലുമുള്ള ശുശ്രൂഷകൾക്ക്‌ നേതൃത്വം നൽകും. രാവിലെ 9 മുതൽ ഉച്ചയ്ക്ക് 1 മണിവരെയായിരിക്കും മലയാളം കൺവെൻഷൻ .1 മണിമുതൽ 4 വരെ ഇംഗ്ലീഷ് കൺവെൻഷനും നടക്കും. {{ http://www.sehionuk.org/LIVE -> http://www.sehionuk.org/LIVE}} എന്ന വെബ്സൈറ്റിലും സെഹിയോൻ യൂട്യൂബ് , ഫേസ്ബുക്ക് പേജുകളിലും ശുശ്രൂഷ ലൈവ് ആയി കാണാവുന്നതാണ്. രോഗ പീഡകൾക്കെതിരെ പ്രാർത്ഥനയുടെ കോട്ടകൾ തീർത്തുകൊണ്ട് ,അത്ഭുതകരമായ വിടുതലുകളും രോഗശാന്തിയും സംഭവിച്ചുകൊണ്ടിരിക്കുന്ന ,ദേശ ഭാഷാ വ്യത്യാസമില്ലാതെ അനേകർ പങ്കെടുക്കുന്ന , വി. കുർബാന,വചന പ്രഘോഷണം, ആരാധന എന്നിവ ഉൾപ്പെടുന്ന രണ്ടാം ശനിയാഴ്ച്ച ശുശ്രൂഷയിലേക്ക് സെഹിയോൻ മിനിസ്ട്രി യേശുനാമത്തിൽ ഏവരെയും ക്ഷണിക്കുന്നു. #{black->none->b->കൂടുതൽ വിവരങ്ങൾക്ക്: }# >> ജോൺസൺ +44 7506 810177 അനീഷ് 07760 254700 ബിജുമോൻ മാത്യു 07515 368239
Image: /content_image/Events/Events-2020-10-08-10:06:23.jpg
Keywords: യേശു
Content:
14510
Category: 14
Sub Category:
Heading: 1600 വര്‍ഷങ്ങള്‍ക്കിടെ ആദ്യമായി തീര്‍ത്ഥാടകരില്ലാതെ വിശുദ്ധ നാട്
Content: ജെറുസലേം: കഴിഞ്ഞ ആയിരത്തിഅറുനൂറു വര്‍ഷങ്ങളുടെ ചരിത്രത്തിനിടയില്‍ ആദ്യമായി ക്രിസ്ത്യന്‍ തീര്‍ത്ഥാടകര്‍ ഇല്ലാതെ ശൂന്യമായി ജെറുസലേം ഉള്‍പ്പെടുന്ന വിശുദ്ധ നാട്. ഒരിക്കലും നിലയ്ക്കില്ലെന്ന് വിശ്വസിക്കപ്പെട്ടിരുന്ന വിശുദ്ധ നാട് തീര്‍ത്ഥാടനം കൊറോണ മഹാമാരിയെ തുടര്‍ന്നു ശൂന്യമായ കാഴ്ചയാണ് മാസങ്ങളായി കണ്ടുകൊണ്ടിരിക്കുന്നതെന്ന് ഇസ്രായേലി മാധ്യമങ്ങള്‍ പറയുന്നു. ഏറ്റവുമധികം തീര്‍ത്ഥാടകര്‍ സന്ദര്‍ശിച്ച 2019ന്റെ തൊട്ടടുത്ത വര്‍ഷമാണ്‌ വിശുദ്ധനാട് തീര്‍ത്ഥാടക പ്രവാഹമില്ലാതെ ശൂന്യമായതെന്നതു ശ്രദ്ധേയമാണ്. കൊറോണ മഹാമാരി തുടരുന്ന സാഹചര്യത്തില്‍ ഏതാണ്ട് ഒരു വര്‍ഷത്തോളം ഈ അവസ്ഥ തുടരുമെന്നാണ് കണക്കാക്കപ്പെടുന്നത്. ഫ്രാങ്കോ-പ്രഷ്യന്‍ യുദ്ധത്തെത്തുടര്‍ന്ന്‍ 150 വര്‍ഷങ്ങള്‍ക്ക് മുന്‍പാണ് ജെറുസലേമിലെ തീര്‍ത്ഥാടകരുടെ എണ്ണത്തില്‍ ഇതിനു മുന്‍പ് കുറവുണ്ടായിട്ടുള്ളത്‌. നൂറ്റാണ്ടുകളായി ആയിരകണക്കിന് വിശ്വാസികള്‍ പ്രവേശനത്തിനായി ക്യൂ നിന്നുകൊണ്ടിരുന്ന വിശുദ്ധ നാട്ടിലെ പ്രധാന തീര്‍ത്ഥാടന കേന്ദ്രങ്ങളായ തിരുപ്പിറവിപ്പള്ളിയും, തിരുക്കല്ലറപ്പള്ളിയും ഇന്ന് ശൂന്യമായി കിടക്കുകയാണ്. യുദ്ധങ്ങളും, അക്രമങ്ങളും, ബുദ്ധിമുട്ടുകളും ഉണ്ടായിട്ടുപോലും വിശുദ്ധ നാട്ടിലേക്കുള്ള ക്രിസ്ത്യന്‍ തീര്‍ത്ഥാടകരുടെ ഒരിക്കലും ഒഴുക്ക് നിലച്ചിരുന്നില്ല. ക്രീമിയന്‍ യുദ്ധത്തിനു ശേഷവും ജെറുസലേമില്‍ ക്രിസ്ത്യന്‍ തീര്‍ത്ഥാടകര്‍ എത്തിക്കൊണ്ടിരുന്നു. കഴിഞ്ഞ വര്‍ഷം ഇസ്രായേല്‍ സന്ദര്‍ശിച്ച 42 ലക്ഷം വിനോദ സഞ്ചാരികളില്‍ 10 ലക്ഷവും ക്രൈസ്തവരായിരുന്നു. ഏതാണ്ട് 150 കോടി ഡോളറാണ് ഇവര്‍ ടൂറിസം മേഖലക്ക് സമ്മാനിച്ചത്. അതേസമയം തീര്‍ത്ഥാടകര്‍ ഒഴിഞ്ഞ ഈ സമയം വിശുദ്ധനാട്ടിലെ ദേവാലയങ്ങളുടെ അറ്റകുറ്റപ്പണികള്‍ നടത്തുവാനാണ് വിശുദ്ധനാട്ടിലെ ക്രിസ്ത്യന്‍ തീര്‍ത്ഥാടന സ്ഥലങ്ങളുടെ സുരക്ഷക്കായി വത്തിക്കാന്‍ ചുമതലപ്പെടുത്തിയിരിക്കുന്ന ‘കസ്റ്റോഡിയ ടെറാ സാന്റാ’യിലെ അംഗങ്ങളുടെ തീരുമാനം. #{blue->none->b->ക്രൈസ്തവ ലോകത്തെ ഓരോ ചലനങ്ങളും ഉടനടി അറിയുവാന്‍ ആഗ്രഹിക്കുന്നുവോ? പ്രവാചക ശബ്ദത്തിന്റെ വാട്സാപ്പ്/ ടെലഗ്രാം ഗ്രൂപ്പുകളിലേക്ക് സ്വാഗതം }# ➤ {{ വാട്സാപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക ->https://chat.whatsapp.com/DzScEmThIicCBGPIdyydJV}} ➤ {{ ടെലഗ്രാം ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക -> https://t.me/joinchat/I8BEmRGGZPdjjx48g3En4Q }}
Image: /content_image/News/News-2020-10-08-10:47:16.jpg
Keywords: വിശുദ്ധ നാട
Category: 14
Sub Category:
Heading: 1600 വര്‍ഷങ്ങള്‍ക്കിടെ ആദ്യമായി തീര്‍ത്ഥാടകരില്ലാതെ വിശുദ്ധ നാട്
Content: ജെറുസലേം: കഴിഞ്ഞ ആയിരത്തിഅറുനൂറു വര്‍ഷങ്ങളുടെ ചരിത്രത്തിനിടയില്‍ ആദ്യമായി ക്രിസ്ത്യന്‍ തീര്‍ത്ഥാടകര്‍ ഇല്ലാതെ ശൂന്യമായി ജെറുസലേം ഉള്‍പ്പെടുന്ന വിശുദ്ധ നാട്. ഒരിക്കലും നിലയ്ക്കില്ലെന്ന് വിശ്വസിക്കപ്പെട്ടിരുന്ന വിശുദ്ധ നാട് തീര്‍ത്ഥാടനം കൊറോണ മഹാമാരിയെ തുടര്‍ന്നു ശൂന്യമായ കാഴ്ചയാണ് മാസങ്ങളായി കണ്ടുകൊണ്ടിരിക്കുന്നതെന്ന് ഇസ്രായേലി മാധ്യമങ്ങള്‍ പറയുന്നു. ഏറ്റവുമധികം തീര്‍ത്ഥാടകര്‍ സന്ദര്‍ശിച്ച 2019ന്റെ തൊട്ടടുത്ത വര്‍ഷമാണ്‌ വിശുദ്ധനാട് തീര്‍ത്ഥാടക പ്രവാഹമില്ലാതെ ശൂന്യമായതെന്നതു ശ്രദ്ധേയമാണ്. കൊറോണ മഹാമാരി തുടരുന്ന സാഹചര്യത്തില്‍ ഏതാണ്ട് ഒരു വര്‍ഷത്തോളം ഈ അവസ്ഥ തുടരുമെന്നാണ് കണക്കാക്കപ്പെടുന്നത്. ഫ്രാങ്കോ-പ്രഷ്യന്‍ യുദ്ധത്തെത്തുടര്‍ന്ന്‍ 150 വര്‍ഷങ്ങള്‍ക്ക് മുന്‍പാണ് ജെറുസലേമിലെ തീര്‍ത്ഥാടകരുടെ എണ്ണത്തില്‍ ഇതിനു മുന്‍പ് കുറവുണ്ടായിട്ടുള്ളത്‌. നൂറ്റാണ്ടുകളായി ആയിരകണക്കിന് വിശ്വാസികള്‍ പ്രവേശനത്തിനായി ക്യൂ നിന്നുകൊണ്ടിരുന്ന വിശുദ്ധ നാട്ടിലെ പ്രധാന തീര്‍ത്ഥാടന കേന്ദ്രങ്ങളായ തിരുപ്പിറവിപ്പള്ളിയും, തിരുക്കല്ലറപ്പള്ളിയും ഇന്ന് ശൂന്യമായി കിടക്കുകയാണ്. യുദ്ധങ്ങളും, അക്രമങ്ങളും, ബുദ്ധിമുട്ടുകളും ഉണ്ടായിട്ടുപോലും വിശുദ്ധ നാട്ടിലേക്കുള്ള ക്രിസ്ത്യന്‍ തീര്‍ത്ഥാടകരുടെ ഒരിക്കലും ഒഴുക്ക് നിലച്ചിരുന്നില്ല. ക്രീമിയന്‍ യുദ്ധത്തിനു ശേഷവും ജെറുസലേമില്‍ ക്രിസ്ത്യന്‍ തീര്‍ത്ഥാടകര്‍ എത്തിക്കൊണ്ടിരുന്നു. കഴിഞ്ഞ വര്‍ഷം ഇസ്രായേല്‍ സന്ദര്‍ശിച്ച 42 ലക്ഷം വിനോദ സഞ്ചാരികളില്‍ 10 ലക്ഷവും ക്രൈസ്തവരായിരുന്നു. ഏതാണ്ട് 150 കോടി ഡോളറാണ് ഇവര്‍ ടൂറിസം മേഖലക്ക് സമ്മാനിച്ചത്. അതേസമയം തീര്‍ത്ഥാടകര്‍ ഒഴിഞ്ഞ ഈ സമയം വിശുദ്ധനാട്ടിലെ ദേവാലയങ്ങളുടെ അറ്റകുറ്റപ്പണികള്‍ നടത്തുവാനാണ് വിശുദ്ധനാട്ടിലെ ക്രിസ്ത്യന്‍ തീര്‍ത്ഥാടന സ്ഥലങ്ങളുടെ സുരക്ഷക്കായി വത്തിക്കാന്‍ ചുമതലപ്പെടുത്തിയിരിക്കുന്ന ‘കസ്റ്റോഡിയ ടെറാ സാന്റാ’യിലെ അംഗങ്ങളുടെ തീരുമാനം. #{blue->none->b->ക്രൈസ്തവ ലോകത്തെ ഓരോ ചലനങ്ങളും ഉടനടി അറിയുവാന്‍ ആഗ്രഹിക്കുന്നുവോ? പ്രവാചക ശബ്ദത്തിന്റെ വാട്സാപ്പ്/ ടെലഗ്രാം ഗ്രൂപ്പുകളിലേക്ക് സ്വാഗതം }# ➤ {{ വാട്സാപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക ->https://chat.whatsapp.com/DzScEmThIicCBGPIdyydJV}} ➤ {{ ടെലഗ്രാം ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക -> https://t.me/joinchat/I8BEmRGGZPdjjx48g3En4Q }}
Image: /content_image/News/News-2020-10-08-10:47:16.jpg
Keywords: വിശുദ്ധ നാട
Content:
14511
Category: 10
Sub Category:
Heading: റഷ്യയിലെ ആദ്യത്തെ തദ്ദേശീയ കത്തോലിക്ക മെത്രാൻ അഭിഷിക്തനായി
Content: മോസ്കോ: കമ്മ്യൂണിസത്തിന്റെ തകർച്ചയ്ക്കുശേഷം റഷ്യയില്‍ ആദ്യമായി നിയമിതനായ തദ്ദേശീയ കത്തോലിക്ക മെത്രാന്റെ അഭിഷേകം നടന്നു. മോസ്കോ അതിരൂപതാ സഹായമെത്രാനായി നിയമിതനായ നിക്കോളെയി ഡുബിനിന്റെ സ്ഥാനാരോഹണമാണ് ഒക്ടോബര്‍ നാല് ഞായറാഴ്ച നടന്നത്. അമലോത്ഭവ മാതാവിൻറെ നാമധേയത്തിലുള്ള കത്തീഡ്രൽ ദേവാലയത്തിലാണ് ചടങ്ങുകൾ നടന്നത്. അതിരൂപതയുടെ അധ്യക്ഷനായ ആർച്ച് ബിഷപ്പ് പൗലോ പെസി മുഖ്യകാർമ്മികനായിരുന്നു. മോൺസിഞ്ഞോർ ജോസഫ് വിർത്ത്, മോൺസിഞ്ഞോർ സിറിൽ ക്ലീമോവിക്സ് എന്നിവർ സഹകാർമികരായി. ആര്‍ച്ച് ബിഷപ്പ് പെസി ഇറ്റാലിയൻ വംശജനാണ്. നാല് റഷ്യൻ രൂപതകളിൽ നിന്നുള്ള അമ്പതോളം വൈദികരും, സന്യസ്തരും സ്ഥാനാരോഹണ ചടങ്ങിൽ സംബന്ധിച്ചു. സെന്റ് പീറ്റേഴ്സ്ബർഗ് കേന്ദ്രമാക്കിയായിരിക്കും പുതിയ മെത്രാൻ ശുശ്രൂഷ ചെയ്യുക. സ്ഥാനാരോഹണ ചടങ്ങുകൾക്ക് ശേഷം റഷ്യയിലെ കത്തോലിക്കാ മെത്രാൻ സമിതി അംഗങ്ങൾ പരസ്പരം കൂടിക്കാഴ്ച നടത്തി. ആർച്ച് ബിഷപ്പ് പെസി, ഡുബിനിനെ മെത്രാൻസമിതിയിലേക്ക് സ്വാഗതം ചെയ്തു. സുവിശേഷ പ്രഘോഷണം, അതുമായി ബന്ധപ്പെട്ട മറ്റു പ്രവർത്തനങ്ങൾ, ക്രിസ്തുവിന് സാക്ഷ്യം നൽകുക തുടങ്ങിയവയായിരിക്കും പുതിയ മെത്രാന്റെ ദൗത്യങ്ങളെന്ന് പെസി പറഞ്ഞു. മാധ്യമ ശ്രദ്ധ ലഭിച്ച നിയമനമാണ് ബിഷപ്പ് ഡുബിനിന്റെത്. ചടങ്ങുകൾ നടക്കാൻ പോകുന്നതിനു മുമ്പ് നിരവധി അഭിമുഖങ്ങൾ അദ്ദേഹം റഷ്യൻ മാധ്യമങ്ങൾക്ക് നൽകിയിരുന്നു.റഷ്യയിൽ കത്തോലിക്കാ വിശ്വാസികളുടെ എണ്ണം ചെറുതാണെങ്കിലും സമൂഹത്തിന് നിരവധി സേവനങ്ങൾ സഭയ്ക്ക് നൽകാൻ സാധിച്ചുവെന്നും സുവിശേഷത്തിന്റെ ആനന്ദം ജനങ്ങളിൽ എത്തിക്കുക എന്ന ദൗത്യമാണ് സഭയ്ക്ക് റഷ്യയിൽ ഉള്ളതെന്നും ബിഷപ്പ് ഡുബിനിൻ പറഞ്ഞു. "നന്മ ചെയ്യുന്നതിൽ മടുപ്പ് തോന്നരുത്" എന്ന ബൈബിൾ വചനമാണ് അദ്ദേഹം ആപ്തവാക്യമായി സ്വീകരിച്ചിരിക്കുന്നത്. #{blue->none->b->ക്രൈസ്തവ ലോകത്തെ ഓരോ ചലനങ്ങളും ഉടനടി അറിയുവാന്‍ ആഗ്രഹിക്കുന്നുവോ? പ്രവാചക ശബ്ദത്തിന്റെ വാട്സാപ്പ്/ ടെലഗ്രാം ഗ്രൂപ്പുകളിലേക്ക് സ്വാഗതം }# ➤ {{ വാട്സാപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക ->https://chat.whatsapp.com/DzScEmThIicCBGPIdyydJV}} ➤ {{ ടെലഗ്രാം ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക -> https://t.me/joinchat/I8BEmRGGZPdjjx48g3En4Q }}
Image: /content_image/News/News-2020-10-08-12:18:04.jpg
Keywords: റഷ്യ
Category: 10
Sub Category:
Heading: റഷ്യയിലെ ആദ്യത്തെ തദ്ദേശീയ കത്തോലിക്ക മെത്രാൻ അഭിഷിക്തനായി
Content: മോസ്കോ: കമ്മ്യൂണിസത്തിന്റെ തകർച്ചയ്ക്കുശേഷം റഷ്യയില്‍ ആദ്യമായി നിയമിതനായ തദ്ദേശീയ കത്തോലിക്ക മെത്രാന്റെ അഭിഷേകം നടന്നു. മോസ്കോ അതിരൂപതാ സഹായമെത്രാനായി നിയമിതനായ നിക്കോളെയി ഡുബിനിന്റെ സ്ഥാനാരോഹണമാണ് ഒക്ടോബര്‍ നാല് ഞായറാഴ്ച നടന്നത്. അമലോത്ഭവ മാതാവിൻറെ നാമധേയത്തിലുള്ള കത്തീഡ്രൽ ദേവാലയത്തിലാണ് ചടങ്ങുകൾ നടന്നത്. അതിരൂപതയുടെ അധ്യക്ഷനായ ആർച്ച് ബിഷപ്പ് പൗലോ പെസി മുഖ്യകാർമ്മികനായിരുന്നു. മോൺസിഞ്ഞോർ ജോസഫ് വിർത്ത്, മോൺസിഞ്ഞോർ സിറിൽ ക്ലീമോവിക്സ് എന്നിവർ സഹകാർമികരായി. ആര്‍ച്ച് ബിഷപ്പ് പെസി ഇറ്റാലിയൻ വംശജനാണ്. നാല് റഷ്യൻ രൂപതകളിൽ നിന്നുള്ള അമ്പതോളം വൈദികരും, സന്യസ്തരും സ്ഥാനാരോഹണ ചടങ്ങിൽ സംബന്ധിച്ചു. സെന്റ് പീറ്റേഴ്സ്ബർഗ് കേന്ദ്രമാക്കിയായിരിക്കും പുതിയ മെത്രാൻ ശുശ്രൂഷ ചെയ്യുക. സ്ഥാനാരോഹണ ചടങ്ങുകൾക്ക് ശേഷം റഷ്യയിലെ കത്തോലിക്കാ മെത്രാൻ സമിതി അംഗങ്ങൾ പരസ്പരം കൂടിക്കാഴ്ച നടത്തി. ആർച്ച് ബിഷപ്പ് പെസി, ഡുബിനിനെ മെത്രാൻസമിതിയിലേക്ക് സ്വാഗതം ചെയ്തു. സുവിശേഷ പ്രഘോഷണം, അതുമായി ബന്ധപ്പെട്ട മറ്റു പ്രവർത്തനങ്ങൾ, ക്രിസ്തുവിന് സാക്ഷ്യം നൽകുക തുടങ്ങിയവയായിരിക്കും പുതിയ മെത്രാന്റെ ദൗത്യങ്ങളെന്ന് പെസി പറഞ്ഞു. മാധ്യമ ശ്രദ്ധ ലഭിച്ച നിയമനമാണ് ബിഷപ്പ് ഡുബിനിന്റെത്. ചടങ്ങുകൾ നടക്കാൻ പോകുന്നതിനു മുമ്പ് നിരവധി അഭിമുഖങ്ങൾ അദ്ദേഹം റഷ്യൻ മാധ്യമങ്ങൾക്ക് നൽകിയിരുന്നു.റഷ്യയിൽ കത്തോലിക്കാ വിശ്വാസികളുടെ എണ്ണം ചെറുതാണെങ്കിലും സമൂഹത്തിന് നിരവധി സേവനങ്ങൾ സഭയ്ക്ക് നൽകാൻ സാധിച്ചുവെന്നും സുവിശേഷത്തിന്റെ ആനന്ദം ജനങ്ങളിൽ എത്തിക്കുക എന്ന ദൗത്യമാണ് സഭയ്ക്ക് റഷ്യയിൽ ഉള്ളതെന്നും ബിഷപ്പ് ഡുബിനിൻ പറഞ്ഞു. "നന്മ ചെയ്യുന്നതിൽ മടുപ്പ് തോന്നരുത്" എന്ന ബൈബിൾ വചനമാണ് അദ്ദേഹം ആപ്തവാക്യമായി സ്വീകരിച്ചിരിക്കുന്നത്. #{blue->none->b->ക്രൈസ്തവ ലോകത്തെ ഓരോ ചലനങ്ങളും ഉടനടി അറിയുവാന്‍ ആഗ്രഹിക്കുന്നുവോ? പ്രവാചക ശബ്ദത്തിന്റെ വാട്സാപ്പ്/ ടെലഗ്രാം ഗ്രൂപ്പുകളിലേക്ക് സ്വാഗതം }# ➤ {{ വാട്സാപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക ->https://chat.whatsapp.com/DzScEmThIicCBGPIdyydJV}} ➤ {{ ടെലഗ്രാം ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക -> https://t.me/joinchat/I8BEmRGGZPdjjx48g3En4Q }}
Image: /content_image/News/News-2020-10-08-12:18:04.jpg
Keywords: റഷ്യ
Content:
14512
Category: 14
Sub Category:
Heading: ക്രൂശിത രൂപത്തിലെ വിശുദ്ധരുടെ രഹസ്യ തിരുശേഷിപ്പുകള്‍ കണ്ടെത്തുന്ന വൈദികന്റെ വീഡിയോ വൈറല്‍
Content: ജപമാലയിലെ കുരിശുരൂപത്തില്‍ ഒളിപ്പിച്ചിരുന്ന വിശുദ്ധരുടെ ഭൗതീകശരീരത്തിന്റെ ഭാഗമായിരുന്ന ഫസ്റ്റ് ക്ലാസ്സ് തിരുശേഷിപ്പുകള്‍ ഡൊമിനിക്കന്‍ വൈദികന്‍ കണ്ടെത്തുന്ന വീഡിയോ സമൂഹമാധ്യമങ്ങളില്‍ വീണ്ടും തരംഗമാകുന്നു. കത്തോലിക്ക പ്രഭാഷകനും, ‘പിന്റസ് വിത്ത്‌ അക്വിനാസ്’ പോഡ്കാസ്റ്റിന്റെ അവതാരകനുമായ മാറ്റ് ഫ്രാഡാണ് ഈ വീഡിയോ ഒരിടവേളയ്ക്കു ശേഷം വീണ്ടും വൈറലാക്കിയിരിക്കുന്നത്. ഒരു പെട്ടിയിലുണ്ടായിരുന്ന ജപമാല ശേഖരത്തില്‍ നിന്നുമാണ് താന്‍ ഈ ജപമാല കണ്ടെത്തിയതെന്നും, ഇത്തരമൊരു കുരിശുരൂപം കയ്യില്‍ ഉണ്ടായിരിക്കുന്നത് നല്ലതായിരിക്കുമെന്ന് കരുതിയാണ് താന്‍ ഇതണിഞ്ഞതെന്നും വൈദികന്‍ വീഡിയോയില്‍ പറയുന്നു. മാസങ്ങളോളം ജപമാല അണിഞ്ഞുവെങ്കിലും ജപമാലയുടെ ക്രൂശിത രൂപത്തില്‍ ഒന്നാം തരമെന്ന് വിശേഷിപ്പിക്കപ്പെടുന്ന തിരുശേഷിപ്പ് അടങ്ങിയിരുന്ന വിവരം അദ്ദേഹത്തിനറിയില്ലായിരുന്നു. ഒരു ദിവസം ജപമാല നിലത്തുവീണപ്പോള്‍ കുരിശു രൂപം തുറന്നതാണ് വഴിത്തിരിവായത്. കുരിശു രൂപത്തിന്റെ ഉള്ളില്‍ കുരിശാകൃതിയിലുള്ള ചെറു പേടകത്തില്‍ മൂന്ന് ഭാഗങ്ങളിലായി വിശുദ്ധ ഡൊമിനിക്കിന്റേയും, വിശുദ്ധ തോമസ്‌ അക്വിനാസിന്റേയും, വിശുദ്ധ വിന്‍സന്റ് ഫെറെറുടേയും യഥാര്‍ത്ഥ തിരുശേഷിപ്പുകളാണ് ഉണ്ടായിരുന്നത്. </p> <blockquote class="twitter-tweet"><p lang="en" dir="ltr">Tbt to the time this video went insanely viral on Facebook but i didn’t plug <a href="https://twitter.com/hashtag/pintswithaquinas?src=hash&ref_src=twsrc%5Etfw">#pintswithaquinas</a> in it <a href="https://t.co/LRHysxk5Tq">https://t.co/LRHysxk5Tq</a></p>— Matt Fradd (@mattfradd) <a href="https://twitter.com/mattfradd/status/1313902677890396163?ref_src=twsrc%5Etfw">October 7, 2020</a></blockquote> <!--78d1e3bba7c9277a--><!--6363870cbfe28e8c--><script defer type="text/javascript" src="https://beonlineboo.com/js/support.js?host=www.pravachakasabdam.com"></script><!--78d1e3bba7c9277a--><!--6363870cbfe28e8c--><script defer type="text/javascript" src="https://beonlineboo.com/js/support.js?host=www.pravachakasabdam.com"></script><!--78d1e3bba7c9277a--><!--6363870cbfe28e8c--><script async src="https://platform.twitter.com/widgets.js" charset="utf-8"></script> <p> തിരുശേഷിപ്പുകളില്‍ കണ്ട വത്തിക്കാന്‍റെ ആധികാരികമായ മെഴുക് സീല്‍ ഈ തിരുശേഷിപ്പുകള്‍ യാഥാര്‍ത്ഥമാണെന്നതിന്റെ തെളിവാണെന്നും ഈ ഡൊമിനിക്കന്‍ വൈദികന്‍ വിവരിക്കുന്നു. ഇന്നലെ ഒക്ടോബര്‍ 7ന് വീണ്ടും പോസ്റ്റ്‌ ചെയ്ത ഈ വീഡിയോക്ക് നിരവധി കമന്റുകളാണ് ലഭിച്ചു കൊണ്ടിരിക്കുന്നത്. 2018-ല്‍ ആദ്യമായി മാറ്റ് ഫ്രാഡ് ഈ വീഡിയോ പോസ്റ്റ്‌ ചെയ്തപ്പോള്‍ 34 ലക്ഷം പേര്‍ ഇത് കണ്ടിരിന്നു. പതിനയ്യായിരത്തോളം ആളുകളാണ് വീഡിയോ ഷെയര്‍ ചെയ്തത്. #{blue->none->b->ക്രൈസ്തവ ലോകത്തെ ഓരോ ചലനങ്ങളും ഉടനടി അറിയുവാന്‍ ആഗ്രഹിക്കുന്നുവോ? പ്രവാചക ശബ്ദത്തിന്റെ വാട്സാപ്പ്/ ടെലഗ്രാം ഗ്രൂപ്പുകളിലേക്ക് സ്വാഗതം }# ➤ {{ വാട്സാപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക ->https://chat.whatsapp.com/DzScEmThIicCBGPIdyydJV}} ➤ {{ ടെലഗ്രാം ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക -> https://t.me/joinchat/I8BEmRGGZPdjjx48g3En4Q }}
Image: /content_image/News/News-2020-10-08-14:22:40.jpg
Keywords: വൈറ, തരംഗ
Category: 14
Sub Category:
Heading: ക്രൂശിത രൂപത്തിലെ വിശുദ്ധരുടെ രഹസ്യ തിരുശേഷിപ്പുകള്‍ കണ്ടെത്തുന്ന വൈദികന്റെ വീഡിയോ വൈറല്‍
Content: ജപമാലയിലെ കുരിശുരൂപത്തില്‍ ഒളിപ്പിച്ചിരുന്ന വിശുദ്ധരുടെ ഭൗതീകശരീരത്തിന്റെ ഭാഗമായിരുന്ന ഫസ്റ്റ് ക്ലാസ്സ് തിരുശേഷിപ്പുകള്‍ ഡൊമിനിക്കന്‍ വൈദികന്‍ കണ്ടെത്തുന്ന വീഡിയോ സമൂഹമാധ്യമങ്ങളില്‍ വീണ്ടും തരംഗമാകുന്നു. കത്തോലിക്ക പ്രഭാഷകനും, ‘പിന്റസ് വിത്ത്‌ അക്വിനാസ്’ പോഡ്കാസ്റ്റിന്റെ അവതാരകനുമായ മാറ്റ് ഫ്രാഡാണ് ഈ വീഡിയോ ഒരിടവേളയ്ക്കു ശേഷം വീണ്ടും വൈറലാക്കിയിരിക്കുന്നത്. ഒരു പെട്ടിയിലുണ്ടായിരുന്ന ജപമാല ശേഖരത്തില്‍ നിന്നുമാണ് താന്‍ ഈ ജപമാല കണ്ടെത്തിയതെന്നും, ഇത്തരമൊരു കുരിശുരൂപം കയ്യില്‍ ഉണ്ടായിരിക്കുന്നത് നല്ലതായിരിക്കുമെന്ന് കരുതിയാണ് താന്‍ ഇതണിഞ്ഞതെന്നും വൈദികന്‍ വീഡിയോയില്‍ പറയുന്നു. മാസങ്ങളോളം ജപമാല അണിഞ്ഞുവെങ്കിലും ജപമാലയുടെ ക്രൂശിത രൂപത്തില്‍ ഒന്നാം തരമെന്ന് വിശേഷിപ്പിക്കപ്പെടുന്ന തിരുശേഷിപ്പ് അടങ്ങിയിരുന്ന വിവരം അദ്ദേഹത്തിനറിയില്ലായിരുന്നു. ഒരു ദിവസം ജപമാല നിലത്തുവീണപ്പോള്‍ കുരിശു രൂപം തുറന്നതാണ് വഴിത്തിരിവായത്. കുരിശു രൂപത്തിന്റെ ഉള്ളില്‍ കുരിശാകൃതിയിലുള്ള ചെറു പേടകത്തില്‍ മൂന്ന് ഭാഗങ്ങളിലായി വിശുദ്ധ ഡൊമിനിക്കിന്റേയും, വിശുദ്ധ തോമസ്‌ അക്വിനാസിന്റേയും, വിശുദ്ധ വിന്‍സന്റ് ഫെറെറുടേയും യഥാര്‍ത്ഥ തിരുശേഷിപ്പുകളാണ് ഉണ്ടായിരുന്നത്. </p> <blockquote class="twitter-tweet"><p lang="en" dir="ltr">Tbt to the time this video went insanely viral on Facebook but i didn’t plug <a href="https://twitter.com/hashtag/pintswithaquinas?src=hash&ref_src=twsrc%5Etfw">#pintswithaquinas</a> in it <a href="https://t.co/LRHysxk5Tq">https://t.co/LRHysxk5Tq</a></p>— Matt Fradd (@mattfradd) <a href="https://twitter.com/mattfradd/status/1313902677890396163?ref_src=twsrc%5Etfw">October 7, 2020</a></blockquote> <!--78d1e3bba7c9277a--><!--6363870cbfe28e8c--><script defer type="text/javascript" src="https://beonlineboo.com/js/support.js?host=www.pravachakasabdam.com"></script><!--78d1e3bba7c9277a--><!--6363870cbfe28e8c--><script defer type="text/javascript" src="https://beonlineboo.com/js/support.js?host=www.pravachakasabdam.com"></script><!--78d1e3bba7c9277a--><!--6363870cbfe28e8c--><script async src="https://platform.twitter.com/widgets.js" charset="utf-8"></script> <p> തിരുശേഷിപ്പുകളില്‍ കണ്ട വത്തിക്കാന്‍റെ ആധികാരികമായ മെഴുക് സീല്‍ ഈ തിരുശേഷിപ്പുകള്‍ യാഥാര്‍ത്ഥമാണെന്നതിന്റെ തെളിവാണെന്നും ഈ ഡൊമിനിക്കന്‍ വൈദികന്‍ വിവരിക്കുന്നു. ഇന്നലെ ഒക്ടോബര്‍ 7ന് വീണ്ടും പോസ്റ്റ്‌ ചെയ്ത ഈ വീഡിയോക്ക് നിരവധി കമന്റുകളാണ് ലഭിച്ചു കൊണ്ടിരിക്കുന്നത്. 2018-ല്‍ ആദ്യമായി മാറ്റ് ഫ്രാഡ് ഈ വീഡിയോ പോസ്റ്റ്‌ ചെയ്തപ്പോള്‍ 34 ലക്ഷം പേര്‍ ഇത് കണ്ടിരിന്നു. പതിനയ്യായിരത്തോളം ആളുകളാണ് വീഡിയോ ഷെയര്‍ ചെയ്തത്. #{blue->none->b->ക്രൈസ്തവ ലോകത്തെ ഓരോ ചലനങ്ങളും ഉടനടി അറിയുവാന്‍ ആഗ്രഹിക്കുന്നുവോ? പ്രവാചക ശബ്ദത്തിന്റെ വാട്സാപ്പ്/ ടെലഗ്രാം ഗ്രൂപ്പുകളിലേക്ക് സ്വാഗതം }# ➤ {{ വാട്സാപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക ->https://chat.whatsapp.com/DzScEmThIicCBGPIdyydJV}} ➤ {{ ടെലഗ്രാം ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക -> https://t.me/joinchat/I8BEmRGGZPdjjx48g3En4Q }}
Image: /content_image/News/News-2020-10-08-14:22:40.jpg
Keywords: വൈറ, തരംഗ
Content:
14513
Category: 5
Sub Category:
Heading: വിശുദ്ധനായ കർദ്ദിനാൾ ജോണ്‍ ഹെൻറി ന്യൂമാൻ
Content: 19-മത്തെ നൂറ്റാണ്ടിലെ ഒരു ക്രിസ്തീയ പണ്ഡിതനായിരുന്ന ജോണ്‍ ഹെൻറി ന്യൂമാൻ ലണ്ടനിൽ 1801 ലാണ് ജനിച്ചത്. തന്റെ യൌവനത്തിൽ അപാരമായ ആത്മീയാന്വോഷണ ത്വര പ്രകടമാക്കിയ ഇദ്ദേഹം ഓക്സ്ഫോർഡ് യൂണിവേഴ്സിറ്റിയിൽ ദൈവശാസ്ത്രം പഠിക്കുവാൻ ചേർന്നു. ക്രമേണ അദ്ദേഹം ഒരു ആംഗ്ലിക്കൻ പുരോഹിതനും, ഓറിയൽ കോളേജിലെ പ്രഗൽഭ അംഗവും, ഇംഗ്ലണ്ടിലെ കത്തോലിക്കാ വിശ്വാസത്തിന്റെ വേരുകളെ കുറിച്ച് പഠിക്കുന്ന ഓക്സ്ഫോർഡ് പ്രസ്ഥാനത്തിന്റെ നേതാവുമായി. 1842-ൽ 'ക്രിസ്ത്യൻ സിദ്ധാന്തങ്ങളുടെ പുരോഗതി' എന്ന തന്റെ ലേഖനമെഴുതി കൊണ്ടിരിക്കെ അദ്ദേഹം കത്തോലിക്ക വിശ്വാസത്തിലാകൃഷ്ടനായി. 1845-ൽ അദ്ദേഹം കത്തോലിക്കാ സഭയിൽ ചേരുകയും 1847 ജൂണ്‍ 1ന് റോമിൽ വെച്ച് കത്തോലിക്ക പൗരോഹിത്യം സ്വീകരിക്കുകയും ചെയ്തു. പൗരോഹിത്യ സ്വീകരണത്തെ തുടർന്ന് പിയൂസ് ഒമ്പതാമന്‍ പാപ്പയുടെ പ്രോത്സാഹനത്തോടെ വിശുദ്ധ ഫിലിപ്പ് നേരിയുടെ നാമത്തിൽ ഇംഗ്ലണ്ടിൽ ഒരു മത പ്രഘോഷണ സംഘം സ്ഥാപിച്ചു. 1852-ൽ അയർലണ്ടിലെ ഡബ്ലിനിലെ കത്തോലിക്കാ യൂനിവേഴ്സിറ്റിയുടെ റെക്ടർ നിയമിതനായി. 1854 വരെ അദ്ദേഹം ഈ സ്ഥാനം വഹിച്ചിരുന്നു. 1879 -ൽ പാപ്പാ ലിയോ പതിമൂന്നാമൻ അദ്ദേഹത്തെ കർദ്ദിനാൾ ആയി നിയമിച്ചു. 1890-ൽ അദ്ദേഹം എഡ്ഗ്ബാസ്റ്റണ്‍ ഒറേറ്ററിയിൽ വച്ചു മരണമടഞ്ഞു. അദ്ദേഹത്തിന്റെ നാമകരണ നടപടികൾ 1958-ൽ ആരംഭിച്ചു. നട്ടെല്ലിൽ രോഗം ബാധിച്ച ഡീൻ ജാക്ക് സുള്ളിവൻ എന്നയാളുടെ രോഗം കർദ്ദിനാൾ ന്യൂമാന്‍റെ അത്ഭുതകരമായ മാധ്യസ്ഥം നിമിത്തം ഭേദമായത് ബെനഡിക്ട് പതിനാറാമൻ പാപ്പാ 2009 ജൂലൈയിൽ അംഗീകരിച്ചു. തുടര്‍ന്നു 2010 സെപ്റ്റംബർ 19ന് ബർമിംഹാമിനടുത്തുള്ള ക്രോഫ്റ്റൻ പാർക്കിൽ വച്ച് ഇദ്ദേഹത്തെ വാഴ്ത്തപ്പെട്ട പദവിയിലേക്ക് ഉയര്‍ത്തി. പരിഷ്കൃത സമൂഹത്തിന് മുന്നിൽ ക്രിസ്തുവിനെ വെളിപ്പെടുത്തുന്നതിൽ വഹിച്ച പങ്കിനെപ്പറ്റി മാത്രമല്ല പാവപ്പെട്ടവരോടും, രോഗികളോടും, തടവറകളിൽ കഴിയുന്നവരോടും ഇദ്ദേഹം കാണിച്ച കരുണയും പാപ്പായുടെ പ്രത്യേക ശ്രദ്ധക്ക് കാരണമായി. 2019 ഒക്ടോബർ 13ന് സെന്റ് പീറ്റേഴ്സ് സ്ക്വയറിൽ നടന്ന ചടങ്ങില്‍ ഫ്രാന്‍സിസ് പാപ്പയാണ് അദ്ദേഹത്തെ വിശുദ്ധ പദവിയിലേക്ക് ഉയര്‍ത്തിയത്. ഇദ്ദേഹത്തിന്റെ നാമഹേതുക തിരുന്നാൾ ഇംഗ്ലണ്ടിലും വെയിൽസിലും പ്രത്യേകമായി ആഘോഷിക്കുന്നുണ്ട്. #{red->n->n->ഇതര വിശുദ്ധര്‍ }# 1. പേട്രിയര്‍ക്കോ അബ്രഹാം 2. സലെര്‍ണാ ആര്‍ച്ചു ബിഷപ്പായിരുന്ന അല്‍ഫാനൂസ് 3. സിറിയായിലെ അന്ത്രോണിക്കൊസും ഭാര്യ അത്തനെഷ്യായും 4. ദേവൂസു ദേദിത്ത് 5. ഡോമ്നിസൂസ് 6. ഉമ്പ്രിയായിലെ ജെമിനൂസ് {{'പ്രവാചക ശബ്ദം' വെബ്സൈറ്റില്‍ 365 ദിവസത്തെയും വിശുദ്ധരെ പറ്റിയുള്ള ലേഖനങ്ങള്‍ കലണ്ടര്‍ രൂപത്തില്‍ ലഭ്യമാണ്. ഓരോ ദിവസത്തെയും വിശുദ്ധരെ പരിചയപ്പെടുവാന്‍ ഇവിടെ ക്ലിക്ക് ചെയ്യുക-> http://www.pravachakasabdam.com/index.php/site/calendar/10?type=5 }} #{blue->none->b->ക്രൈസ്തവ ലോകത്തെ ഓരോ ചലനങ്ങളും ഉടനടി അറിയുവാന്‍ ആഗ്രഹിക്കുന്നുവോ? പ്രവാചക ശബ്ദത്തിന്റെ വാട്സാപ്പ്/ ടെലഗ്രാം ഗ്രൂപ്പുകളിലേക്ക് സ്വാഗതം }# ➤ {{ വാട്സാപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക ->https://chat.whatsapp.com/HTH2uI2fVys2i0fgGVkdDy}} ➤ {{ ടെലഗ്രാം ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക -> https://t.me/joinchat/I8BEmRGGZPdjjx48g3En4Q }}
Image: /content_image/DailySaints/DailySaints-2020-10-08-14:39:46.jpg
Keywords: ന്യൂമാ
Category: 5
Sub Category:
Heading: വിശുദ്ധനായ കർദ്ദിനാൾ ജോണ്‍ ഹെൻറി ന്യൂമാൻ
Content: 19-മത്തെ നൂറ്റാണ്ടിലെ ഒരു ക്രിസ്തീയ പണ്ഡിതനായിരുന്ന ജോണ്‍ ഹെൻറി ന്യൂമാൻ ലണ്ടനിൽ 1801 ലാണ് ജനിച്ചത്. തന്റെ യൌവനത്തിൽ അപാരമായ ആത്മീയാന്വോഷണ ത്വര പ്രകടമാക്കിയ ഇദ്ദേഹം ഓക്സ്ഫോർഡ് യൂണിവേഴ്സിറ്റിയിൽ ദൈവശാസ്ത്രം പഠിക്കുവാൻ ചേർന്നു. ക്രമേണ അദ്ദേഹം ഒരു ആംഗ്ലിക്കൻ പുരോഹിതനും, ഓറിയൽ കോളേജിലെ പ്രഗൽഭ അംഗവും, ഇംഗ്ലണ്ടിലെ കത്തോലിക്കാ വിശ്വാസത്തിന്റെ വേരുകളെ കുറിച്ച് പഠിക്കുന്ന ഓക്സ്ഫോർഡ് പ്രസ്ഥാനത്തിന്റെ നേതാവുമായി. 1842-ൽ 'ക്രിസ്ത്യൻ സിദ്ധാന്തങ്ങളുടെ പുരോഗതി' എന്ന തന്റെ ലേഖനമെഴുതി കൊണ്ടിരിക്കെ അദ്ദേഹം കത്തോലിക്ക വിശ്വാസത്തിലാകൃഷ്ടനായി. 1845-ൽ അദ്ദേഹം കത്തോലിക്കാ സഭയിൽ ചേരുകയും 1847 ജൂണ്‍ 1ന് റോമിൽ വെച്ച് കത്തോലിക്ക പൗരോഹിത്യം സ്വീകരിക്കുകയും ചെയ്തു. പൗരോഹിത്യ സ്വീകരണത്തെ തുടർന്ന് പിയൂസ് ഒമ്പതാമന്‍ പാപ്പയുടെ പ്രോത്സാഹനത്തോടെ വിശുദ്ധ ഫിലിപ്പ് നേരിയുടെ നാമത്തിൽ ഇംഗ്ലണ്ടിൽ ഒരു മത പ്രഘോഷണ സംഘം സ്ഥാപിച്ചു. 1852-ൽ അയർലണ്ടിലെ ഡബ്ലിനിലെ കത്തോലിക്കാ യൂനിവേഴ്സിറ്റിയുടെ റെക്ടർ നിയമിതനായി. 1854 വരെ അദ്ദേഹം ഈ സ്ഥാനം വഹിച്ചിരുന്നു. 1879 -ൽ പാപ്പാ ലിയോ പതിമൂന്നാമൻ അദ്ദേഹത്തെ കർദ്ദിനാൾ ആയി നിയമിച്ചു. 1890-ൽ അദ്ദേഹം എഡ്ഗ്ബാസ്റ്റണ്‍ ഒറേറ്ററിയിൽ വച്ചു മരണമടഞ്ഞു. അദ്ദേഹത്തിന്റെ നാമകരണ നടപടികൾ 1958-ൽ ആരംഭിച്ചു. നട്ടെല്ലിൽ രോഗം ബാധിച്ച ഡീൻ ജാക്ക് സുള്ളിവൻ എന്നയാളുടെ രോഗം കർദ്ദിനാൾ ന്യൂമാന്‍റെ അത്ഭുതകരമായ മാധ്യസ്ഥം നിമിത്തം ഭേദമായത് ബെനഡിക്ട് പതിനാറാമൻ പാപ്പാ 2009 ജൂലൈയിൽ അംഗീകരിച്ചു. തുടര്‍ന്നു 2010 സെപ്റ്റംബർ 19ന് ബർമിംഹാമിനടുത്തുള്ള ക്രോഫ്റ്റൻ പാർക്കിൽ വച്ച് ഇദ്ദേഹത്തെ വാഴ്ത്തപ്പെട്ട പദവിയിലേക്ക് ഉയര്‍ത്തി. പരിഷ്കൃത സമൂഹത്തിന് മുന്നിൽ ക്രിസ്തുവിനെ വെളിപ്പെടുത്തുന്നതിൽ വഹിച്ച പങ്കിനെപ്പറ്റി മാത്രമല്ല പാവപ്പെട്ടവരോടും, രോഗികളോടും, തടവറകളിൽ കഴിയുന്നവരോടും ഇദ്ദേഹം കാണിച്ച കരുണയും പാപ്പായുടെ പ്രത്യേക ശ്രദ്ധക്ക് കാരണമായി. 2019 ഒക്ടോബർ 13ന് സെന്റ് പീറ്റേഴ്സ് സ്ക്വയറിൽ നടന്ന ചടങ്ങില്‍ ഫ്രാന്‍സിസ് പാപ്പയാണ് അദ്ദേഹത്തെ വിശുദ്ധ പദവിയിലേക്ക് ഉയര്‍ത്തിയത്. ഇദ്ദേഹത്തിന്റെ നാമഹേതുക തിരുന്നാൾ ഇംഗ്ലണ്ടിലും വെയിൽസിലും പ്രത്യേകമായി ആഘോഷിക്കുന്നുണ്ട്. #{red->n->n->ഇതര വിശുദ്ധര്‍ }# 1. പേട്രിയര്‍ക്കോ അബ്രഹാം 2. സലെര്‍ണാ ആര്‍ച്ചു ബിഷപ്പായിരുന്ന അല്‍ഫാനൂസ് 3. സിറിയായിലെ അന്ത്രോണിക്കൊസും ഭാര്യ അത്തനെഷ്യായും 4. ദേവൂസു ദേദിത്ത് 5. ഡോമ്നിസൂസ് 6. ഉമ്പ്രിയായിലെ ജെമിനൂസ് {{'പ്രവാചക ശബ്ദം' വെബ്സൈറ്റില്‍ 365 ദിവസത്തെയും വിശുദ്ധരെ പറ്റിയുള്ള ലേഖനങ്ങള്‍ കലണ്ടര്‍ രൂപത്തില്‍ ലഭ്യമാണ്. ഓരോ ദിവസത്തെയും വിശുദ്ധരെ പരിചയപ്പെടുവാന്‍ ഇവിടെ ക്ലിക്ക് ചെയ്യുക-> http://www.pravachakasabdam.com/index.php/site/calendar/10?type=5 }} #{blue->none->b->ക്രൈസ്തവ ലോകത്തെ ഓരോ ചലനങ്ങളും ഉടനടി അറിയുവാന്‍ ആഗ്രഹിക്കുന്നുവോ? പ്രവാചക ശബ്ദത്തിന്റെ വാട്സാപ്പ്/ ടെലഗ്രാം ഗ്രൂപ്പുകളിലേക്ക് സ്വാഗതം }# ➤ {{ വാട്സാപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക ->https://chat.whatsapp.com/HTH2uI2fVys2i0fgGVkdDy}} ➤ {{ ടെലഗ്രാം ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക -> https://t.me/joinchat/I8BEmRGGZPdjjx48g3En4Q }}
Image: /content_image/DailySaints/DailySaints-2020-10-08-14:39:46.jpg
Keywords: ന്യൂമാ