കൊ​ച്ചി: മാ​ര്‍​ത്തോ​മാ സ​ഭ​യു​ടെ വ​ലി​യ മെ​ത്രാ​പ്പോ​ലീ​ത്ത ഡോ. ​ഫി​ലി​പ്പോ​സ് മാ​ര്‍ ക്രി​സോ​സ്റ്റ​ത്തിനെ ആദരിച്ച് കേ​ര​ള ക​ത്തോ​ലി​ക്കാ മെ​ത്രാ​ന്‍ സ​മി​തി. ഇ​ന്ന​ലെ വൈ​കു​ന്നേ​രം പാ​ലാ​രി​വ​ട്ടം പി​ഒ​സി​യില്‍ കെ‌സി‌ബി‌സിയു​ടെ വ​ര്‍​ഷ​കാ​ല സ​മ്മേ​ള​ന​ത്തോ​ട​നു​ബ​ന്ധി​ച്ച്​ നടന്ന സമ്മേളനത്തിലാണ് ഡോ. ​ഫി​ലി​പ്പോ​സ് മാ​ര്‍ ക്രി​സോ​സ്റ്റ​ത്തി​ന് സമിതി ആ​ദ​ര​മ​ര്‍​പ്പി​ച്ച​ത്. ച​ട​ങ്ങി​ല്‍ കെ​സി​ബി​സി പ്ര​സി​ഡ​ന്‍റ് ആ​ര്‍​ച്ച്ബി​ഷ​പ് ഡോ. ​എം. സൂ​സ​പാ​ക്യം അദ്ധ്യക്ഷനായിരിന്നു.

മാ​ര്‍ ക്രി​സോ​സ്റ്റ​ത്തി​ന് ഒപ്പമുള്ള അനുഭവങ്ങള്‍ പരിപാടിയില്‍ പലരും പങ്കുവെച്ചു. ഒരിക്കല്‍ വലിയ മെത്രാപ്പോലീത്തയ്ക്കു ഒപ്പം നടന്ന ച​ട​ങ്ങി​ല്‍ പ​ങ്കെ​ടു​ത്ത​ശേ​ഷ​മു​ള്ള ഭ​ക്ഷ​ണ​സ​മ​യ​ത്തെ അ​നു​ഭ​വ​മാ​യി​രു​ന്നു സീ​റോ മ​ല​ബാ​ര്‍ സ​ഭ മേ​ജ​ര്‍ ആ​ര്‍​ച്ച്ബി​ഷ​പ് ക​ര്‍​ദി​നാ​ള്‍ മാ​ര്‍ ജോ​ര്‍​ജ് ആ​ല​ഞ്ചേ​രി പങ്കുവെച്ചത്.

ച​ട​ങ്ങു തീ​രും​മു​മ്പ് ആ​ളു​ക​ള്‍ ഭ​ക്ഷ​ണം ക​ഴി​ക്കാ​ന്‍ തു​ട​ങ്ങി. ക്രി​സോ​സ്റ്റം തി​രു​മേ​നി ചെ​ന്ന​പ്പോ​ഴേ​ക്കും മി​ക്ക​വ​രും ക​ഴി​ച്ചു തു​ട​ങ്ങി. സം​ഘാ​ട​ക​രി​ലൊ​രാ​ള്‍ പ്രാ​ര്‍​ഥി​ക്കാ​ന്‍ പി​താ​വി​നോ​ട് ആ​വ​ശ്യ​പ്പെ​ട്ടു. അ​ദ്ദേ​ഹം പ്രാ​ര്‍​ഥി​ച്ച​ത് ഇ​ങ്ങ​നെ: 'ക​ര്‍​ത്താ​വേ, ഞ​ങ്ങ​ളി​ല്‍ ചി​ല​ര്‍ വാ​യി​ല്‍ വ​ച്ചി​രി​ക്കു​ന്ന​തും ചി​ല​ര്‍ വ​യ്ക്കാ​നി​രി​ക്കു​ന്ന​തു​മാ​യ ഭ​ക്ഷ​ണ​ത്തെ അ​നു​ഗ്ര​ഹി​ക്ക​ണ​മേ'. ക്രി​സോ​സ്റ്റം പി​താ​വി​ന്‍റെ ന​ര്‍​മ​ബു​ദ്ധി കര്‍ദിനാള്‍ സ്മരിച്ചു.

ഒ​രാ​ള്‍ പ​ട്ടി​ണി കി​ട​ക്കു​മ്പോ​ള്‍ ദൈ​വ​മാ​ണു പ​ട്ടി​ണി കി​ട​ക്കു​ന്ന​തെന്ന്‍ മാ​ര്‍ ക്രി​സോ​സ്റ്റം പറഞ്ഞു. വാ​യു മ​ലി​നീ​ക​ര​ണം ന​ട​ത്തു​ന്ന​വ​ര്‍ കൊ​ല​പാ​ത​കി​ക​ളാ​ണ്. ദൈ​വം ആ​ദ്യം സൃ​ഷ്ടി​ച്ച​തു മ​നു​ഷ്യ​നെ​യ​ല്ല, പ്ര​കൃ​തി​യെ​യാ​ണ്. ആ ​ലോ​കം അ​തേ​പ​ടി സൂ​ക്ഷി​ക്കേ​ണ്ട​തു മ​നു​ഷ്യ​ന്‍റെ ചു​മ​ത​ല​യാ​ണ്. ജ​ന്മ​ശ​താ​ബ്ദി​വ​ര്‍​ഷ​ത്തി​ല്‍ നി​ര​വ​ധി അ​നു​മോ​ദ​ന​ച്ച​ട​ങ്ങു​ക​ള്‍ ന​ട​ന്നെ​ങ്കി​ലും കെ​സി​ബി​സി ത​ല​ത്തി​ല്‍ ന​ട​ത്തി​യ ഈ ​ച​ട​ങ്ങ് വ​ലി​യ ആ​ന​ന്ദം പ​ക​രു​ന്ന​താ​ണെ​ന്നും മാ​ര്‍ ക്രി​സോ​സ്റ്റം പ​റ​ഞ്ഞു.

സമ്മേളനത്തില്‍ ആ​ര്‍​ച്ച്ബി​ഷ​പ് മാ​ര്‍ മാ​ത്യു മൂ​ല​ക്കാ​ട്ട്, കെ​സി​എം​എ​സ് പ്ര​സി​ഡ​ന്‍റ് ഫാ. ​സെ​ബാ​സ്റ്റ്യ​ന്‍ തു​ണ്ട​ത്തി​ക്കു​ന്നേ​ല്‍, ജ​സ്റ്റീ​സ് സി​റി​യ​ക് ജോ​സ​ഫ്, പി​ഒ​സി ഡ​യ​റ​ക്ട​ര്‍ റ​വ. ഡോ. ​വ​ര്‍​ഗീ​സ് വ​ള്ളി​ക്കാ​ട്ട്, കെ​സി​എ​ഫ് പ്ര​സി​ഡ​ന്‍റ് ഷാ​ജി ജോ​ര്‍​ജ്, സി​സി​ഐ വൈ​സ് പ്ര​സി​ഡ​ന്‍റ് ഡോ. ​മേ​രി റെ​ജി​ന തുടങ്ങിയവര്‍ പ്ര​സം​ഗി​ച്ചു.